1 Kɔ̀rintìyà 4:21 - Mokpwe: Bakwery (New Testament)

²¹ Mamɛ inyɔ e hvɔ̀rzì e? Nà jelì tɛ na e kɔ̀kìrzɛ̀ èhwanja e ondi kumba, ŋga na jàne ndi e ndìŋgɛ, na èlìŋgɛ̀ ema ya arzirzɛ e?

1 Kɔ̀rintìyà 4:21 Referans Kwoze

2 Kɔ̀rintìyà 13:2

È hvonda ema nà mà e jèeya o ŋgèlì ema e ùkirzɛ̀ ihwakɛ, nà mà e ohweyà nanù ema na o kɔ̀kìrzɛ̀ hwatò ema hwa gbeyà wòhwe o ìtììtènì ja anyu. Nà hwèlì na hwa ohweyà hvɛ nàŋgɛ, ndèŋgànɛlɛ na ohweyà hvɛ hwahvɛhvɛ hwatò ema wɔ̀ hvɛ hwa gbeyà wòhwe tɔ̀ nàŋgɛ ema na rza enje na inyɔ. È hvonda ema na o jɛ̀ɛ̀ hvɛ na rza o òkeya tɔ̀ mòtò tɔ̀ ììlì.

1 Tɛ̀rzàlonìyà 2:7

Tɔ̀ nɛ irzɔ̀ nàa i àpɔ̀rzìtòlò ja ama Krirztò, i ma hwɛnɛ e wònja o lì e hwànirzɛ muna, ndi i rzi gbeye nanù. Ndi i ma arzihwirzɛ o ìtììtènì ja anyu nàa e nyàŋgo ya hwàna e aŋgoweya hwàanà hwa eni.

2 Kɔ̀rintìyà 13:10

Ɔ̀ndeŋgàtɛ̀ na tìla hwene hweyà tɔ̀ nɛ na rza enje na inyɔ. Nà e tìleya ndi nanù, aŋga nanù na e jɛlɛlɛ tɛ, na rza o gbeyàna e ŋginyà ema e Rzàŋgo e no ŋgbelì, o lì e lomeya. Lìkànèyà ema e Rzàŋgo e no ŋgbelì lì hwèlì ndi nanù ema imba na e oŋgowane o lì e ètìrzɛ̀, rzeketɛ o lì li gbeyàna o lì e rzuulɛ.

2 Kɔ̀rintìyà 2:3

Ène eyà ndi è mà gbeyà ema nà mà è tìleyà ene kààtì, ò lì arza nanù ema nà jelì tɛ, nà rza ò tàtìrzɛ̀hwɛ̀ nà hwaŋga mɛnɛ, ema hwa àŋgàmɛ̀nɛ̀yi lì nò òkirzɛ mɔ̀nyɛ̀ŋgì ema mò akɛ̀lɛ̀nɛ̀yi. Ò jɔ̀kɛ̀, nà hwi nanù ema nà ohvi tɛ mɔ̀nyɛ̀ŋgì oma inyɔ hvɛ è ohva mɔ̀nyɛ̀ŋgì.

2 Kɔ̀rintìyà 1:23

Lohwɛ̀ ndi à hwèlì e mboŋgi ya ami, e uŋmɛ̀lɛ̀ ema màmɛ ya arzɛ ema na ohwa e hwèlì ndi e jɔ̀kɛ̀. Lìtìŋga ndèŋgàtɛ̀ na rzi timbe hvɛ o Kɔ̀rintò, lì hwèlì ndi ema, na rzi arze ema e hweye wòhwe.

Jèmìrzì 3:17

Ndi lìhwiyè ema lì uwɛ̀lɛ̀lɛ̀yi o ŋmanyu yà Lohwà lì hwèlì e ya eni nyàyi. Tɔ̀ ima mòtò ema a hwɛni lìŋgi lìhwiyè a rza ohvi tɔ̀ lìtɔ̀tì tɔ̀ lɔ̀kɔ o nyo ya eni. Èŋge tumba mòtò e lìŋgàni ɛ̀yɔ̀lɛ̀, a hwèlì hviyàyi, a hwèlì mbunda na hwahvɛhvɛ hwatò ndèŋgànɛ̀lɛ̀ a ohvi ŋmèma mo ììlì rzàyi-rzàyi. A gbeyà hwatò hweyà hwe gbamù e rzi hwɛ lì timbana mòtò mburza, ndèŋgànɛ̀lɛ̀ mɔ̀ à gbeyà ndi nanù na ŋmèma mɔ̀kɔ.

2 Kɔ̀rintìyà 10:6

È hvonda ema e o gbeyɛ na oma Krirztò a arza nanù ema e gbeye na mèèmà me anyu me arzɛ, o eŋge hvonda ɔ̀ndi irzɔ jo ò rzekeya o lì kɔ̀kìrzɛ̀ tɔ̀ ima mòtò ema awuŋmɛ̀lɛ̀ nanù ema mɔ̀ à rza o gbeyà na oma Krirztò a arza nanù ema a gbeye.

2 Kɔ̀rintìyà 2:1

O èŋgànɛ̀lɛ̀ ene ŋgàna e gbèyi na lutelì imba mbiti ema na rza e timbeya hvɛ, o lì e jàneyà èhvɛhvɛ ndùtù o mèèmà.

2 Kɔ̀rintìyà 10:8

Tɔ̀ na kumba ndi lìya la ami o kòkò ehwànja o e ŋginyà ema e Rzàŋgo e no ŋgbelì, tɔ̀ nà lì aka mamɛ ema imba na lì kumba naŋgɛ, na rza oka tɔ̀ ìrzɔnì. A no ŋgbelì ndi eŋge ŋginyà o lì e ètìrzɛ̀ rzeketɛ o lì e ɔ̀ndɛlɛ lìlòkɛ̀.

2 Kɔ̀rintìyà 3:10

Imbenda ema Morzè à mà lome lì okolɛ hwatò i ma ohva wòlìto. Hwèyòkolelì ema jo òkolɛ hwatò nàŋgɛ ema Lohwɛ̀ a o hwa làkìrzɛ̀ wòhwe wo awu me hwɛni wòlìto.

1 Kɔ̀rintìyà 5:5

È ŋgbe rzɔ òŋgo mòtò o ma Mòkarzɛ̀, oma èŋge nyo ya eni ya wòhwe e ma hvàŋgahwà o lì mo rzuŋga èlìŋgɛ̀ ya eni o wùnyà ema Rzàŋgo Yerzù a jà.

1 Kɔ̀rintìyà 4:18

Lòŋgò la anyu e ma onda na kumba, e ɔ̀ŋgɛ̀lɛ̀ nanù ema na rza e jèeyà hvɛ tɔ̀ wùnyà.

2 Kɔ̀rintìyà 12:18

Nà ma rzorzomeya Tàyìtùrzì ema a e jèeya, ndèŋgàna nà mà mo òmana na ɔ̀nɛyi ŋmanyàŋgo wa arzu wa Krirztò. È arza ndi lì ohwa nanù ema e hvonda ema Tàyìtùrzì à mà e jèeya à mà e lukɛlɛ e? È rza enje ndi e jɔ̀kɛ̀ nanù ema imba na Tàyìtùrzì i ohvi ndi mɔ̀ŋgɛ̀lɛ̀ mɔ̀kɔ e?

Gàletìyà 6:1

Ìi wònyàmòwè kòkò, e hwèlì tɛ nanù ema mɔ̀kɔ wa anyu a undi o tenì ya wòhwe, inyo ema e hwèlì lì gbeyà mamɛ ema Èlìŋgɛ̀ ya Lohwà ya arza, e àŋgàmɛ̀nɛ̀ lì mo ulɛ o tenì ya wòhwe. È mo oŋgòhwànà tɛ, e mo òŋgowane na lì àjùlɛ̀. Ndi e hwɛni lì aŋgowa inyo hwiti e rza kpa o màkèkìrzɛ̀nɛ̀ o lì gbeyà woŋgo wòhwe.