1 Kɔ̀rintìyà 2:5 - Mokpwe: Bakwery (New Testament)

⁵ Nà rzi arze ema e lòkɛ̀ Ŋmɛ̀ndì mò Gbamù èhwanja mòtò mɔ̀kɔ a mà gbeyàna lìhwiyè la eni la mòtò wà hwènàmà o lì e ohweyà e mɔ̀. Ndi nà mà arza ema e lòkɛ̀ mòŋgo Ŋmɛ̀ndì mò Gbamù na oma Lohwà Mɔ̀ ŋmìti a gbeyànì e ŋginyà ya eni o lì e gbeyà ema e lòkɛ̀ Ŋmɛ̀ndì mò Gbamù.

1 Kɔ̀rintìyà 2:5 Referans Kwoze

2 Kɔ̀rintìyà 4:7

Ndi ŋmɛ̀ndì ema Lohwɛ̀ a jo ŋgbelì o lì ohwa, mo hwèlì ndi eyà ema e ohvi wòlìto rzayi-rzayi. Irzɔ i hwèlì ndi nàa lìhwànya ema eŋge yoma e hwèlì o tenì. Ène eyà e ma gbèyɛ̀nɛ ndi nanù, aŋga nanù hwatò hwa hwiya nanù ema e ŋginyà ndɛnɛ e uwɛ̀lɛ̀lɛ̀yi ndi na Lohwɛ̀, rzeketɛ na irzɔ.

2 Kɔ̀rintìyà 12:9

Ndi mamɛ ema à mà no òhweyà e hwèlì ndi nanù ema, “È ndèli ya ami ema no ò ŋgbelì e o loŋgamɛnɛyi. Nà ma o ètìrzɛ̀ aŋga nanù o hwɛ o ŋmanyu ya mètàkà me arzɛ ema o lu. Èhwanja e hvonda ema e ŋginyà e rza enje o mòtò, eŋge hvonda ndi e ŋginyà ya ami e mo ètìrzɛ̀.” O nàŋgɛ nanù na oka mɔ̀nyɛ̀ŋgì o lì kumba lìya la ami o kòkò ò hweyà ema hwe uŋmɛ̀lɛ̀ nanù ema na ohvi ndi nyo ya mòtò wa hwènàmà, aŋga nanù hwatò hwa ɛnɛ nanù ema e ŋginyà ya ama Krirztò e hwèlì o tenì ya ami ndèŋgànɛlɛ yɔ ndi e no ètìrzɛ̀.

2 Kɔ̀rintìyà 6:7

Ŋmɛ̀ndì ema jo òhwa, mo hwèlì ndi ŋmɛ̀ndì mo jɔ̀kɛ̀, ndèŋgànɛlɛ e ŋginyà ya ama Lohwɛ̀ yɔ ndi i gbeyàna o lì mo òhwa. Nà oma i gbeyà hweyà hwe gbamù, e ma gbeyà hwatò hwa rza ohvi tɔ̀ eyà ya wòhwe o lì jo rzambana.

1 Kɔ̀rintìyà 1:17

Krirztò à rzì nò omè ò lì lùhwìrzɛ̀ hwatò. À mà nò omà ndi ò lì ohwà Ŋmɛ̀ndì mò Gbamù mò ama Lohwɛ̀. Nà rza è ohwane hvɛ nà tɔ̀ mbɔrzi yà gbàŋgò. Nà gbeyànì tɛ è mbɔrzi yà gbaŋgo, èŋge ŋgàna è hwɛ ndi ema, è kpelì yà ama Krirztò ò mbàrza è rze enje tɔ̀ eyà.

1 Kɔ̀rintìyà 3:6

Imba nà mà ona ndi e hvɔ̀ŋgɔ̀. Apòlòrzì mɔhvɛ rzìi a hvahva èŋge hvɔ̀ŋgɔ̀ malìhwa. Ndi Lohwɛ̀ Mɔ̀ndi à mà hvùmùlɛ̀ èŋge hvɔ̀ŋgɔ̀.

Hwègbèèlì 16:14

O ìtììtènì ja hwaŋga hwalanà ò ma hwɛ mɔ̀kɔ wa awu ema à mà hwɛ̀lɛ̀hwɛ̀ Lideya ema à mà uwɛ̀lɛ̀lɛ̀yi ò mbòwà ndɛnɛ ya Tìyatìrà. A ma hwɛ ndi mòlanà wa nyòŋga ema à mà hwɛ lì àhwirzɛ̀ hwerzanja hwe teyaa ema hwe ma òhva mòrzurzuhwelì mò karzami. Oŋgò mòlàna à mà hwɛ lì gbèeyà Lohwɛ̀. Rzàŋgò à ma mò lìhvòhwa ŋmèma mò eni ò lì òkànèyà mamɛ ema Pàwolò à mà hwɛ lì òhwa.