1 Kɔ̀rintìyà 14:4 - Mokpwe: Bakwery (New Testament)

⁴ È mòtò ema à ohwa ihvɛhvɛ mbɔrzi, a àyètìrzɛ̀ ndi mɔ̀ ŋmìti. Ndì è mɔ̀ ema à ohwa ŋmɛ̀ndì mo ama Lohwɛ̀, à ètìrzɛ̀ ndi wolìya wo mitèlì me àrzɛ.

1 Kɔ̀rintìyà 14:4 Referans Kwoze

1 Kɔ̀rintìyà 14:22

Ò èŋgànɛ̀lɛ̀ rzɔ, e ɛnɛ̀ nanù, ema lì ohwà la ihvɛhvɛ mbɔrzi lì hwèlì ndi embànèlì, o hwaŋga hwatò ema hwa rza lòkɛ̀ Krirztò, ndi rzeketɛ o hwaŋga hwatò ema hwa lòkɛ Krirztò. Li ohwa la ŋmɛ̀ndì mo ama Lohwɛ̀, mo hwèlì ndi embànèlì, o hwaŋga hwatò ema hwa lòkɛ rzeketɛ o hwaŋga hwatò ema hwa rza lòkɛ̀ɛ.

1 Kɔ̀rintìyà 14:26

Ìi wònyàmowe kòkò, enè eyà ema na ohwa nanù, e hwèlì ndi ema, è arzàŋgànɛ̀yi tɛ o Ndawò yà Lohwà, mòtò mɔ̀kɔ à ohva mɔ̀rzɔ̀kɔ̀ o lì èmba, ohvɛhvɛ mòtò a ohva eyà ya lì okòlɛ̀, ohvɛhvɛ mòtò a ohvà eyà ya lì ohwà ema Lohwɛ̀ a mo wuluhwèlì, ohvɛhvɛ mòtò a ohva eyà yà lì ohwà ò ihvɛhvɛ mbɔrzi. Ohvɛhvɛ mòtò hvɛ a tikòwà mamɛ ema e ohwàhwì o ihvɛhvɛ mbɔrzi. Ndi tɔ̀ mamɛ ema e gbèyɛ̀nɛ̀, e hwɛnì ndi lì è òŋgòwànà ŋmèmba mo arzɛ.

Makòrzì 16:17

Hwatò ema hwa lòkɛ̀yì hwa òhva ŋginyà ò lì gbeyà hweyà hwe mànyakà: Wɔ̀ hwa ò hvaya hwèlìŋgɛ̀ hwe wòhwe ò lìna la ami, wò òhwa hvɛ imbɔrzi hvènya.

1 Kɔ̀rintìyà 14:12

Ènè eyà yɔ hvɛ̀ e hwèlì hvɛ e jɔ̀kɛ̀ na inyɔ. Nà omà e hwɛnì e nyìrzɛ̀ yà lì hwɛnɛ̀ màhwèyà ema mà uwɛ̀lɛ̀lɛ̀yì o èlìŋgɛ̀ yà wòtani, e kèkè e hwɛ̀nɛ ndi màhwèyà ema mà gbeyà mitèlì me oŋga.

1 Kɔ̀rintìyà 14:5

Nà lìŋgàni ema inyɔ hwa arzɛ e ohwa o ihvɛhvɛ mbɔrzi. Ndi na lìŋgana rzayì-rzayì ema inyɔ hwa arzɛ e ohwe ŋmɛ̀ndì mo ama Lohwɛ̀. È mòtò ema a ohwa ŋmɛ̀ndì mo ama Lohwà a akayi e mɔ̀ ema a ohwa ihvɛhvɛ mbɔrzi. Èhwanja natɛ̀ɛ nà ohvɛhvɛ mòtò a ohwà o lì tikowa mamɛ ya arzɛ ema a ohwa aŋga nanù oma o ma ètìrzɛ̀ wolìya wo è ndawò yà mitèlì yà arzɛ.

1 Kɔ̀rintìyà 14:3

Ndi è mòtò ema à ohwa ŋmɛ̀ndì mo ama Lohwɛ̀, mɔ̀ à gbeyà ndi nanù o lì ètìrzɛ̀ hwahvɛhvɛ hwatò, à hwa kɔmɛ̀lɛ̀ o lòŋgɛ, na lì hwa lɔ̀kɔ hvɛ meèmà.

1 Kɔ̀rintìyà 13:2

Tɔ̀ na hwɛnɛ hvɛ ndi jàhwèyà ja lì ohwa ŋmɛ̀ndì mo Lohwɛ̀ nɔke-nɔke, tɔ̀ na hwɛnɛ hvɛ ndi lìhwiyè la lì rzɔ̀ŋgìtɛ̀nɛ̀ la ìwùndɛ̀ ja arzɛ. Nà tànɛyi hvɛ tɛ lì hwɛnɛ̀ lì lòkɛ̀ ema lì no gbeyà ema na ohweyà e hvàko, ema e tikowe hwetɛmelì hweni. Rzi na rzi uŋmɛ̀lɛ̀ hwatò e ndìŋgɛ, nanù oma na rza enje tɔ̀ eyà.

Ròmànì 14:19

O èŋgànɛ̀lɛ̀ inyɛ i hwɛ ndi ò lì atàkìrzɛ̀ ò lì keka lì gbeyà mamɛ ema e jànà ɛ̀yɔ̀lɛ̀ na ema hwe jò òŋgòwànà ò lì embɛ mɔ̀kɔ na ɔ̀nɛyi.

1 Kɔ̀rintìyà 12:10

Rzi Èlìŋgɛ̀ e ŋgbaà hvɛ mòtò mɔ̀kɔ, e ŋginyà ya lì gbeyà hweyà hwe mànyakà, rzi a ŋgbaà ɔhvɛ làhweyà la lì ohwa ŋmɛ̀ndì mo Lohwà. O ma ohvɛhvɛ mòtò, èlìŋgɛ̀ yà wòtani e ŋgba e ŋgilì ya lì rzɔ̀ŋgìtɛ̀nɛ̀ màahweyà ema mà uwɛ̀lɛ̀lɛ̀yi o èlìŋgɛ̀ yà wòtani, na e lɔ̀wu ema lì rza uwɛ̀lɛ̀lɛ̀yi o èlìŋgɛ̀ yà wòtani. Èŋge èlìŋgɛ̀ mɛnɛ e ŋgba mòtò mɔ̀kɔ lìhwiyè la lì ohwa ihvɛhvɛ mbɔrzi, e ŋgba ohvɛhvɛ mòtò lìhwiyè o lì tikowa mamɛ hwaŋga hwatò hwa ohwa.

1 Kɔ̀rintìyà 12:28

Lohwɛ̀ à mà ŋgba hwatò hwehvɛhvɛ hwèwòlò ò tenì ya mìitelì. A ma loma lì ika lòŋgo la hwatò i Àpɔ̀rzìtòlò. O mburzà nanù, a hvɔ̀rzɔ̀ hvɛ hwà-òhwèlì hwa hwèlìŋgɛ̀. Ndèŋgana a e hvɔ̀rzɔ̀ hvɛ Hwà-òkòwèlì. Ndèŋgana a e hvɔ̀rzɔ̀ hwatò ema hwa gbeyà hweyà hwe mànyakà. Rzi a hvɔ̀rzɔ̀ hvɛ hwatò ema hwa òŋgòwàna hwanɛ̀yi hwatò. A ma hvɔ̀rzɔ̀ hwatò ema hwà mà hwɛnɛ lìhwiyè la lì tìmba hwahvɛhvɛ hwatò. Rzi a hvɔ̀rzɔ̀ hvɛ hwatò ema hwa ohwa ihvɛhvɛ mbɔrzi.

1 Kɔ̀rintìyà 13:1

Nà tànɛyi tɛ lì ohwa i mbɔrzi jarzɛ ja hwatò hwa hwènàmà anù rze na e jɔ jà i aŋgèlì rzìi na rzì ohve ndìŋgɛ e mbɔrzi ya amì è hwɛ ndi nàa èhwèlèlè ya mokèŋge ema e gbeyà mɔ̀tɔ̀wù mo ŋgundu, tɔ̀ ŋgɛ̀ŋgi e ma yo òkahwa.