1 Kɔ̀rintìyà 14:16 - Mokpwe: Bakwery (New Testament)

¹⁶ Inyɔ̀ ye èkì tɛ Lohwɛ̀ o èlìŋgɛ̀ mɛnɛ, nɛ rzɔ òŋgo mòtò ema a hwèlì o ìtììtènì ja anyu ema a rza rzɔ̀ŋgìtɛ̀nɛ̀, mɔ̀hvɛ a tànɛyi lì ohwa nanù ema, “Amɛ̀nì” e ema mɔ̀ à rza rzɔ̀ŋgìtɛ̀nɛ̀ mamɛ ema e ohwi e?

1 Kɔ̀rintìyà 14:16 Referans Kwoze

Hwèwulùwèlì 5:14

Hweŋge hwèembè hwe aniyɛ hwe ma hwɛ lì ohwa nanù ema, “Inyɛ̀ wo lìya nanù.” Èŋge mbàŋgɛ ya hwàmbaki na hwànìi rzìi e kpa o rze rzìi e kànɛ e Ŋguma ya Mɔ̀lɛ̀ŋgù.

1 Kɔ̀rintìyà 11:24

È hvonda à mà kulɛ lì ŋgba Lohwà jeka, à mà e hwàà rzìi a ohwa nanù ema, “È nyo ya amì ene ema yè è ŋgbààhwì. È gbèyè nanù o lì nò ɔ̀ŋgɛlɛ.”

Hwèwulùwèlì 7:12

Hwa mà hwɛ lì ohwa nanù ema, “Inyɛ̀ wò lìya nanù! Mònàmɛ̀, lì ekàhwà, lìhwiyè, jèka, èluhwe, màyìmbì nà ŋginyà inyɛ hwe hwɛ nà Lòohwà la arzu natɛ̀ɛ nà ò gbìndèyà! Inyɛ̀ wò lìya nanù.”

Hwèwulùwèlì 22:20

È mɔ̀ ema a tɛmi e mbòŋgi ya hwene hweyà hwe arzɛ a ohwi nanù ema, “Ò jɔ̀kɛ̀, na o jà ŋmanà mbɔ̀.” Inyɛ̀ wo lìya nanù, jà, ìi Rzàŋgo Yerzù.

1 Kɔ̀rintìyà 16:24

Nà e lìŋgàni inyɔ hwatò hwa arzɛ o lìnà lì ama Yerzù Krirztò.

1 Kɔ̀rintìyà 14:14

È hwèlì tɛ ema na kanɛ̀ nà ihvɛhvɛ mbɔrzi, èlìŋgɛ̀ ya ami ndi e hwèlì e kanɛ̀, ndi na rza rzɔ̀ŋgìtɛ̀nɛ̀ mamɛ na ohwa.

1 Kɔ̀rintìyà 14:2

Èhwanja o òhvi tɛ è ŋgìlì yà lì ohwà o ihvɛhvɛ mbɔrzi, ò wa, ò ohwìrzɛ̀nɛ̀ ndi Lohwɛ̀, rzeketɛ hwatò. Ò jɔ̀kɛ̀ tɔ̀ mòtò tɔ̀ mɔ̀kɔ a rzà tanɛ̀yi lì o rzɔŋgìtɛ̀nɛ̀. Ò wòteyà ndi lì ohwà o è ŋginyà yà èlìŋgɛ̀ yà wòtani. Iŋgi johwì ja arzɛ i hwɛ ndi johwi ja wùndɛ̀ ema hwatò hwa rza rzɔ̀ŋgìtɛ̀nɛ̀.

Hwègbèèlì 4:13

Hwèlìyèlì hwe hwàkàyirzèlì hwe ma tàmà ò lì ɛnɛ nanù ema Pètrò nà Yòwanìrzɛ̀ hwà mà hwɛ lì òhwa e rzi hwɛ lì òka wɔ̀ŋgɔ̀. Èhwanja hwà mà ayembɛ nanù ema, hwa rzi rzɔŋgɔ̀ hwèyòkòwèlì ndèŋgànà hwà mà hwɛ hvɛ ndi hwatò hwa ŋgundu. Aŋga ndi hwa a ayèmbɛ nanù ema hwanu hwatò hwà mà hwɛ ndi na Yerzù ò ihvònda ja arzɛ.

Yòwanìrzɛ̀ 21:25

O ma hwɛ hvɛ hwehvɛhvɛ hweyà hwe rzayi-rzayi ema Yerzù à mà gbeye. È ma òhwahwa tɛ ema hwene hweyà hwe arzɛ hwe tìlahwì yɔ̀kɔ na enɛyi, na ɔ̀ŋgɛ̀lɛ̀ nanù ema ò rza hwɛ ehvòlò ò e rze ya arzɛ ò lì uta ini kààti.

Yòwanìrzɛ̀ 7:15

Lìkànèyà là ama wònyà Yudà lì ma tameya hwèyòkòlèlì hwe eni. Rzìi hwa ijòwa nanù ema, “Nɛ a hwiyelì hwenè hweyà hwa arzɛ ema a rza ɛndɛ ò rzukulu ya mbenda e?”

Makòrzì 16:20

Hwà-òkòwèlì rzìi hwa wùrza, hwa ɛ̀ndɛ lì òhwa Ŋmɛ̀ndì mò Gbamù ò èki ya arzɛ. È Rzàŋgò è mà hwɛ nà wɔ̀ rzìi à hwa ŋgba è ŋginyà ò lì gbeyà hweyà hwe mànyakà ò lì uŋmɛ̀lɛ̀ nanù ema màmɛ ema hwa òhwa e hwèlì ndì e jɔ̀kɛ̀. [

Matiyò 28:20

È hwa òkòlɛ̀ hvɛ ò lì nɔ̀ŋgɔ hweyà hwe arzɛ ema na e kànèlì ò lì gbeyà. È hwiye nanù ema na hwɛ na inyɔ natɛ̀ɛ na ò lìrzùkù la rze.”

Matiyò 6:13

Ò rzi emeyà nanù ema, i unde ò màkèkìrzɛ̀nɛ̀, ndi ò jò hvɔ̀ɔ̀tè ò màà mà amà Mòkarzɛ̀.

Matiyò 15:36

Rzìi à wòwa lìŋgi lìrzàmbà la hwèhvòòtò na iŋgi nyàmà, a ŋgba Lohwɛ̀ jeka, a ji kɛrzɛ, rzìi a ji ŋgba Hwà-òkòwèlì hwa eni Hwà-òkòwèlì hwa eni rzìi hwa ji kahweyà hwatò.

2 Kɔ̀rintìyà 1:20

Mamɛ ya arzɛ ema Lohwɛ̀ a ohwi ama a gbeyà, a e gbeyà na oma i hwèlì na Krirztò. Lìtìŋga lɔ lìni lì hvomɛ̀nɛ̀ hweyà ema Yerzù a gbeyà, ɔ̀ndeŋgàtɛ̀ i ohwa nanù ema, “Inyɛ̀ wo lìya nanù” aŋga nanù Lohwà a luwa èluhwe.