1 Kɔ̀rintìyà 13:5 - Mokpwe: Bakwery (New Testament)

⁵ È mòtò ema a uŋmɛ̀lɛ̀ e ndìŋgɛ a rza ambirzɛnɛ, a rza enje wɔ̀, a rza tata, a rza uta mawurze o ŋmèma mo eni.

1 Kɔ̀rintìyà 13:5 Referans Kwoze

1 Kɔ̀rintìyà 10:24

Tɔ̀ mɔ̀kɔ wà anyu à rzi keka ndi lì arzɛlɛ e hwe eni hweyà mɛnɛ. Ndi a ɔ̀ŋgɔ hwèèmà ema hwe lɔ̀ɔ̀nɔ̀ hwahvɛhvɛ hwatò.

Jèmìrzì 1:19

Wònyànyàŋgo hwa ami kòkò, e ɔ̀ŋgɛ̀lɛ̀ hwene hweyà. Tɔ̀ ima mòtò a àŋgàmɛ̀nɛ̀yi lì wàmirzɛ o lì okànèyà mamɛ ema ohvɛhvɛ mòtò a ohwa, tɔ̀ mòtò a rza àŋgàmɛ̀nɛ̀ lì wàmirzɛ o lì ohwa tɔ̀ eyà, tɔ̀ mòtò a rza àŋgàmɛ̀nɛ̀ lì wàmirzɛ o lì tààtà.

Hvìlipìyà 2:21

Nà ohwa ndi ene eyà nanù ehwànja tɔ̀ ima mòtò a lùteyà ndi lì hvomɛ̀nɛ̀ mamɛ ema mɔ̀ à arza, hwa rza gbeyà na oma Yerzù Krirztò mɔ̀ à arza nanù ema hwa gbeye.

Hvìlipìyà 4:8

Ìi wònyàmòwe kòkò, o lì kulɛ ene mbɔrzi, e lùteyà hwène hweyà o ihvonda ja arzɛ. È lùteyà tɔ̀ ima eyà ema e hwèlì e jɔ̀kɛ̀, tɔ̀ ima eyà ema e hwèlì ema e lɔ̀wu, tɔ̀ ima eyà ema e hvomɛ̀nɛ̀, tɔ̀ ima eyà ema e rza ohvɛ tɔ̀ lìtɔ̀tì la wòhwe, tɔ̀ ima eyà ema hwatò hwa àŋgàmɛ̀nɛ̀yi lì lìŋgàna na tɔ̀ ima eyà ema e ɛni nanù ema ye e lɔ̀ɔ̀ni. È ɔ̀ŋgɛ̀lɛ̀ hweyà ema hwe lɔ̀wu rzayi-rzayi ndèŋgànɛ̀lɛ̀ e hweyɔ ema hwatò hwa ohwa nanù ema hwe lɔ̀wu. Ini nyayi ja hweyà ndi e àŋgàmɛ̀nɛ̀yi lì ika o màlùtèyà ma anyu o ihvonda ja arzɛ.

Gàletìyà 5:13

Wònyamòwè kòkò, Lohwɛ̀ a e hwɛlɛ o lì anjiya o èki ema hwa e kànɛ̀yi. Kànatɛ e rza kànyɛ̀hwɛ̀ hvɛ, eŋge e rza e ŋgbelì e wònja o lì gbeyà tɔ̀ mamɛ ema e nyàmà ya nyo ya anyu e arza. Ndi ema tɔ̀ ima mɔ̀ wa anyu a gbèeyà ɔ̀nɛyi na ndìŋgɛ.

1 Kɔ̀rintìyà 12:25

O èŋgànɛ̀lɛ̀ rzɔ o rza ènje mbààlì o ŋmita mo nyo ndi enama yɔ̀kɔ e hwɛnì lì òŋgòwàna enɛyi.

2 Kɔ̀rintìyà 5:19

Mamɛ ema imba na ohwa, e hwèlì ndi lì hvomɛ̀nɛ̀ e kpelì ema Krirztò à mà ŋwèeyà o mbarza. Lohwɛ̀ à mà gbeyà ema hwatò hwa uke o lì ahweyànɛ na mɔ̀. Lohwɛ̀ a rza kɔki wòhwe ema hwatò hwà mà gbeyɛ ndèŋgàna a jo ŋgbelì èwòlò, o lì ohweyà hwatò nanù ema hwa tànɛyi lì hwɛ o ɛ̀yɔ̀lɛ̀ na Lohwà.

1 Kɔ̀rintìyà 10:33

È gbèyè ndi nà oma imba nà gbeyà. Nà kèka lì okìrzɛ̀ tɔ̀ ima mɔ̀ mɔ̀nyɛ̀ŋgì o hweyà hwe arzɛ ema na gbeyà, na rza ɔ̀ŋgɛ̀lɛ̀ ndi hweyà hwe ami mɛnɛ ndi o gbamù wo hwatò hwa arzɛ aŋga nanù Lohwɛ̀ a hwa rzùŋgà wɔ̀ hwa arzɛ.

1 Kɔ̀rintìyà 11:18

Èya ya worzò e hwèlì ndi ema, na ohwayɛlɛyi nanù, ema, e aùŋmanɛ tɛ o lì kanɛ̀, o hwèlì lì akahwanɛ̀ o ìtììtènì ja anyu. Nà e jɔ̀kɛ̀ na lòkɛ̀ ene eyà teŋyi.

Matiyò 5:22

Ndi nà è òhwèyà ema tɔ̀ ima mòtò ema à tatani òhvɛhvɛ mòtò, mɔ̀hvɛ à ò ikahwa ò hwèkàyìrzelèlì. Tɔ̀ ima mòtò hvɛ ema à hwɛnyi ŋmànyàŋgò wà eni nanù ema, ‘Èleŋgè’ à hwɛnì lì alàhwɛ̀ è ndawò yà hwèkàyìrzelèlì yà hwa ndɛnɛ. Ndi tɔ̀ njɛnɛ hvɛ ema à hwɛlɛ ŋmànyàŋgò wà eni nanù ema, ‘Ò wà èèti yà mòtò,’ à ò aŋgbahwa ò mùnya ema mò rza lìma.

Lukàrzɛ̀ 7:39

Nà òmà òŋgò mòtò wà Hvàlìrzàyì ema à ma yòwɛ Yerzù, a mà ɛ̀nɛ nanù, rzìi à òhwa ò ŋmèma mò eni nanù ema, “Ò nò mòtò à mà hwɛ tɛ mòòhwèlì wà èlìŋgɛ̀ wà jɔ̀kɛ̀, ò ma à mà hwiya njɛnɛ ò nò mòlanà ema à mò lɛ̀mbɛ a hwèlì na ɛ̀ɛ̀mɛ̀ ema a hwɛnì. O ma à ma hwiya hvɛ ama ò nò mòlanà a gbeyà wòhwe.”

Makòrzì 3:5

À mà hwa ɔ̀ŋgɔ nà hwètàtò rzìi, e mò tàtìrzɛ̀ ò ŋmèma mò eni. Rzìi à òhweyà òŋgò mòtò nanù ema, “Ènyòwa mòŋgò mɔ̀ɔ̀ mò àŋgɔ.” Nà òmà a mà mò enyòwe, mò mà wɔ̀wɔ̀.

2 Tɛ̀rzàlonìyà 3:7

Èhwànja inyɔ hwiti e hwi nanù ema e àŋgàmɛ̀nɛ̀yi lì jo embàneyà. I rzi hwɛ rzìŋga e hvonda ema i ma hwɛ na inyɔ.

1 Kɔ̀rintìyà 7:36

Ndi e mòtò wà mùnyanà a lutelì tɛ nanù ema a rza tànɛyi lì alɛ̀mbɛ kɔ̀yi-kɔ̀yi na ehwàndà ya eni, a lutelì tɛ nanù ema a arza lì mo hwaa, inyɛ a mo hwaa. Ènè nyayi ya eyà e rza enje ndi eyà ya wòhwe.

Matiyò 9:4

Yerzù à mà hwiya mɔ̀ŋgɛ̀lɛ̀ ma awu rzìi à hwa òhweyà nanù ema, “Mamɛ ndeŋgatɛ è wòmba manù màlùtèyà ma wòhwe ò mèèmà me anyu e?

2 Tìmotì 2:10

O eŋgànɛ̀lɛ̀ na àjùlɛ̀nɛ̀ mono mòtàkà, aŋga nanù hwatò ema Lohwɛ̀ à hvɔ̀rzì wɔ̀hvɛ hwa ò luwa lìrzùŋgàhwa ema lì uwɛ̀lɛ̀lɛ̀yi ò mà Yerzù Krirztò, ndèŋgàna hwa o hwɛ ndi o rze ya èluhwe ya ama Lohwɛ̀ o gbìndèyà na o gbìndèyà.

2 Tìmotì 4:16

Tɔ̀ mòtò a rzi no tɛmeya o mburza e ŋgèlì ya worzo ema hwà mà no jàne o hwèkayirzelì. Hwatò hwa arzɛ hwà mà no rzɔ̀rzɔ̀. Nà kanɛ̀ nanù ema Lohwɛ̀ a hwa làkìrzɛ̀.