1 Kɔ̀rintìyà 12:18 - Mokpwe: Bakwery (New Testament)

¹⁸ Nà oma e hwèlì, Lohwɛ̀ a ikayi nyayi na nyayi ja hwènàmà o nyo ò lì arza nanù ema e hwɛ na oma à mà arze.

1 Kɔ̀rintìyà 12:18 Referans Kwoze

1 Kɔ̀rintìyà 12:28

Lohwɛ̀ à mà ŋgba hwatò hwehvɛhvɛ hwèwòlò ò tenì ya mìitelì. A ma loma lì ika lòŋgo la hwatò i Àpɔ̀rzìtòlò. O mburzà nanù, a hvɔ̀rzɔ̀ hvɛ hwà-òhwèlì hwa hwèlìŋgɛ̀. Ndèŋgana a e hvɔ̀rzɔ̀ hvɛ Hwà-òkòwèlì. Ndèŋgana a e hvɔ̀rzɔ̀ hwatò ema hwa gbeyà hweyà hwe mànyakà. Rzi a hvɔ̀rzɔ̀ hvɛ hwatò ema hwa òŋgòwàna hwanɛ̀yi hwatò. A ma hvɔ̀rzɔ̀ hwatò ema hwà mà hwɛnɛ lìhwiyè la lì tìmba hwahvɛhvɛ hwatò. Rzi a hvɔ̀rzɔ̀ hvɛ hwatò ema hwa ohwa ihvɛhvɛ mbɔrzi.

1 Kɔ̀rintìyà 12:11

Èlìŋgɛ̀ yɔ̀kɔ mɛnɛ ndi e gbeyà hwenè hwèwòlò hwe arzɛ, o màlùtèyà ma eni a lìŋgàna lì ŋgbàà tɔ̀ njɛnɛ è la eni lì ahweyà.

Ròmànì 12:3

O e ndèli ya ama Lohwɛ̀ a nò ŋgbelì, na òhweyà tɔ̀ ima mɔ̀kɔ wa anyu nanù ema, tɔ̀ mòtò a rza àŋgàmɛ̀nɛ̀ lì awòwɛ̀ mɔ̀ ŋmìti lì aka mamɛ ema mɔ̀ à hwèlì. Ndi ò arzihwirzɛ ò màlùtèyà ma aŋgɔ̀. Ndeŋgànɛ̀lɛ̀ hvɛ ò àkàyìrzɛ̀ ò wà witi ò lìmɛni la lìlòkɛ̀ ema Lohwɛ̀ à mà màa lì ò ŋgbà.

1 Kɔ̀rintìyà 3:5

Nàŋgɛ rzɔ, njɛnɛ a hwèlì Apòlòrzì e? Njɛnɛ a hwèlì Pàwolò e? Irzɔ i hwèlì ndi hwàgbèèlì hwa ama Lohwɛ̀ ema i ma e òŋgòwàna o lì lòkɛ̀ Krirztò. Tɔ̀ ima mɔ̀ wa arzu à mà gbeyà ndi èwòlò ema Rzàŋgo à mà jo ŋgbe.

Lukàrzɛ̀ 12:32

“Wònya hwa ami kòkò, è rza òka wɔ̀ŋgɔ̀. Rzàŋgò wà ànyu a lìŋgànì ò lì è ŋgbà è ŋginyà yà lìkànèyà.

1 Kɔ̀rintìyà 12:24

Hwènàmà hwe mòlòŋgà hwe rza arza hwenè hwèhvarzù. Lohwɛ̀ Mɔ̀ ŋmìti ndi à hwèki ene nyo ya hwènàmà, nyayi ŋgàna ema o lì arza nanù ema a gbèe hwèŋge hwènàma hwe endahwɛlɛ èluhwe e karzami.

Lukàrzɛ̀ 10:21

O èŋge hvònda, Èlìŋgɛ̀ yà Wòtani e mà lìŋgìrzɛ Yerzù rzayì-rzayì, rzìi a òhwa nanù ema, “Ìi Tatɛ̀, Rzàŋgò wà ŋmanyu yà lohwà nà è rze yà mɔ̀nyɛ̀, nà ò ekì ehwànja ò ùŋmɛlɛ jùma hwanà hweyà ema ò mà wunane hwàŋgà ema hwa òhvi mahwiye nà hwaŋga hwatò ema hwa rzɔ̀ŋgìtɛ̀nɛ̀. Ɛ̀ɛ Ìi Tatɛ̀, nanù ndi ò mà àrze òma è gbeyɛ̀nɛ̀.”

1 Kɔ̀rintìyà 15:38

O hwe lìŋganelì hwe ama Lohwɛ̀, ndeŋgatɛ tɔ̀ ima hvɔ̀ŋgɔ̀ e ohvi e nyo ema e ohvi, a ŋgbaà tɔ̀ ima hvɔ̀ŋgɔ̀ e ya eni nyo ema ya e lɔɔnì.

Hwèwulùwèlì 4:11

“Ìi Rzàŋgo hwa arzu nà Lòohwà là arzu, ò àŋgàmɛ̀nɛ̀yi lì lùwa wonyàki, èluhwe nà màyìmbì, ehwànja ò wà ndi ò hwèlì è mɔ̀ ema à wèki hwèèmà hwe arzɛ, ndèŋgànɛlɛ ò lì emeyà là aŋgɔ hwe arzɛ hwe mà wèkàhwà nà lì hwɛnɛ hwèhwɛ̀ɛ̀lì hwe awu.”

Ɛ̀hvìrzìyà 1:9

Lohwɛ̀ à mà gbèeya hweyà hwe arzɛ na oma mɔ̀ à mà arze nanù ema a hwe gbèye. A jo gbèyi o lì hwiya hweyà ema natɛ̀ɛ na naŋgɛ, tɔ̀ mòtò a rza rzɔ̀ŋgìtɛ̀nɛ̀. Hwene hweyà hwe hwèlì ndi hweyà ema mɔ̀ à mà gbeye lì akeyà na Krirztò.

Ɛ̀hvìrzìyà 1:5

mɔ̀ à mà lòma lì ika nà è kòòhwà, à mà irzɔ jò ò hwɛ ndi hwàànà hwa eni, lì akeyà nà èwòlò ema Yerzù Krirztò à mà jò gbèeyà. Lohwɛ̀ à mà gbeyà ndi ene eyà nanù, èhwanja nanù ndi à mà tɛ̀yirzɛ̀ nà oma è mò lɔ̀ɔ̀nì.

Ròmànì 12:6

O èŋgànɛ̀lɛ̀ i hwɛni lì gbeyàna màhwèyà ma arzu ma nyayi na nyayi lì hvòmɛ̀nɛ̀ e ndèli ema Lohwɛ̀ a jò ŋgbelì. È hwèlì tɛ nanù ema Lohwɛ̀ à mà ŋgba mòtò jàhwèyà ja lì òhwa hweyà ò lìna la ama Lohwɛ̀, òŋgò mòtò a òhwa hweŋge hweyà lì hvòmɛ̀nɛ̀ lì lòkɛ̀ ema mɔ̀ à òhvi.

1 Kɔ̀rintìyà 12:17

Ŋmità mo arzɛ hvɛ mo ma hwɛ tɛ ndi lìirzɔ̀, nɛ mo tànɛyi lì hweyà e? Mo ma hwɛ hvɛ tɛ ndi lìto nɛ mo tànɛyi lì uŋgbɛlɛlɛ erzunju e?

1 Kɔ̀rintìyà 12:19

È nyo ya arzɛ e rza hwɛ̀lɛ̀hwɛ̀ nyo, e ma hwɛ tɛ ema e nyo ya arzɛ yo òhvi ndi ènàmà yɔ̀kɔ.