1 Kɔ̀rintìyà 12:16 - Mokpwe: Bakwery (New Testament)

¹⁶ Lìto hvɛ lì ohwi tɛ ema imba na rza ènje lìirzɔ̀ o èŋgànɛ̀lɛ̀ na rza ènje wa monò ŋmita, èŋge ŋgàna è rza lì gbeyà nanù ema lì rza ènje ènàmà ya èŋge nyò.

1 Kɔ̀rintìyà 12:16 Referans Kwoze

Ròmànì 12:3

O e ndèli ya ama Lohwɛ̀ a nò ŋgbelì, na òhweyà tɔ̀ ima mɔ̀kɔ wa anyu nanù ema, tɔ̀ mòtò a rza àŋgàmɛ̀nɛ̀ lì awòwɛ̀ mɔ̀ ŋmìti lì aka mamɛ ema mɔ̀ à hwèlì. Ndi ò arzihwirzɛ ò màlùtèyà ma aŋgɔ̀. Ndeŋgànɛ̀lɛ̀ hvɛ ò àkàyìrzɛ̀ ò wà witi ò lìmɛni la lìlòkɛ̀ ema Lohwɛ̀ à mà màa lì ò ŋgbà.

Hvìlipìyà 2:3

È rzi gbeyà hweyà ema hwe uŋmɛ̀lɛ̀ nanù ema e hwe gbeyà ndi o lì hwɛ gbamù. È rzi gbeyà hvɛ hweyà ema hwe uŋmɛ̀lɛ̀ nanù ema e awòwɛ̀. Ndi na lì arzihwirzɛ la anyu la arzɛ inyɛ e ɛnɛ hwahvɛhvɛ hwatò wòlìto lì aka inyɔ hwìtì.

1 Kɔ̀rintìyà 12:22

O lì ohwa la jɔ̀kɛ̀ hweŋga hwènàmà ema i rza ɛnɛ na tɔ̀ eyà hwe ɔ̀ndi hwe lìtelì kɔ̀yi-kɔ̀yi.

Ròmànì 12:10

Inyɛ̀ tɔ̀ ima mòtò a lìŋgàne ŋmanyàŋgò wa eni na ŋmèma mò eni mò arzɛ. Inyɛ̀ tɔ̀ ima mòtò a ŋgbe ŋmanyàŋgò wa eni èluhwe lì aka mamɛ ema a aŋgbɛ mɔ̀ ŋmìti.

1 Kɔ̀rintìyà 12:15

È hwèlì tɛ ema lìtìŋga lì ohwi tɛ ema, “Imba na rza ènje lìya o èŋgànɛ̀lɛ̀ na rza ènje mɔ̀kɔ wa ŋmita,” èŋge ŋgàna e rza ohwa nanù ema lì rza ènje ènàmà ya nyo.

1 Kɔ̀rintìyà 12:17

Ŋmità mo arzɛ hvɛ mo ma hwɛ tɛ ndi lìirzɔ̀, nɛ mo tànɛyi lì hweyà e? Mo ma hwɛ hvɛ tɛ ndi lìto nɛ mo tànɛyi lì uŋgbɛlɛlɛ erzunju e?