1 Kɔ̀rintìyà 11:32 - Mokpwe: Bakwery (New Testament)

³² Ndi i kàyìrzɛ̀hwɛ tɛ na lì kɔ̀kìrzɛ̀hwɛ̀ na e Rzàŋgo, i rza kɔ̀kìrzɛ̀hwɛ̀ na ene rze.

1 Kɔ̀rintìyà 11:32 Referans Kwoze

Hwèwulùwèlì 3:19

Nà kanja na lì kɔ̀kìrzɛ̀ hwaŋga ema na lìŋgàni. O eŋgànɛlɛ rzɔ̀ e hwɛnɛ e nyɔ̀ŋgi o lì ayèŋgowɛ̀ o wòhwe wo anyu.

1 Kɔ̀rintìyà 11:30

Ɔ̀ndeŋgàtɛ̀ rzayì-rzayì ja hwa inyɔ e hweyà inyo ja anyu rzilìlì na lì ɔ̀kìrzɛ̀ hvɛ nyayi na nyayi ja merziyo, rzi rzayi-rzayi ja hwa inyɔ hvɛ e ma ŋwa.

1 Yòwanìrzɛ̀ 5:19

Ì hwi nanù ema irzɔ ì hwèlì ndi hwàanà hwa ama Lohwɛ̀, tɔ̀ nɛ ì hwi nanù ema è Mɔ̀ wà Wòhwe ndi à kànèyà hwatò ò rze ema hwa rza hwiyɛ Lohwɛ̀.

Ròmànì 3:19

O nàŋgɛ nanù irzɔ i hwi nanù ema tɔ̀ ima eyà ema e tìlahwì ò tenì ya e kààtì ya mbenda, e ɔ̀ŋgɔ ndi hwaŋga hwatò hwa arzɛ ema hwa ŋgbàahwì eŋge mbenda. O èŋgànɛ̀lɛ̀ rzɔ tɔ̀ mòtò a rza tànɛyi a òhwa nanù ema a rzu ŋmàŋgò. Tɔ a hwɛ ndi wònyà Yudà tɔ̀ hwaŋga ema hwa rza enje wònyà Yudà, tɔ̀ ima mòtò a ò tɛ̀mɛ̀ ò wòrzò wò ama Lohwɛ̀.

Ròmànì 5:16

Ndèŋgànɛ̀lɛ̀ hvɛ jàhwèyà ja ŋgundu ja ama Lohwɛ̀ i rza kiti na mamɛ ema wòhwe wò ama Adàmu e jàni. Èŋge ehvòwa yà wòhwe ya ama Adàmu e ma gbeyà tɔ̀ ima mòtò à mà tùuwà ŋmaŋgò ò wòrzò wò ama Lohwɛ̀. Ndi iŋgi jàhwèyà i ma gbeyà Lohwɛ̀ à mà wòwa hwatò nàa hwatò ema hwa tɛmi ehve-ehve ò wòrzò wò eni, tɔ̀ nɛ hwatò hwa hwèlì ndi ò lì hwata wòhwe ò ŋmanyu ya wòhwe.

1 Kɔ̀rintìyà 1:20

Ò èŋgànɛ̀lɛ̀ rzɔ̀ è mòtò wà gbàŋgo, à rze enje tɔ̀ eyà. Ndèŋgànɛ̀lɛ̀ è Mòòkòlèlì wà mbenda ò Ìrzàyɛ̀lì à rze enje tɔ̀ eyà. Hwatò ema hwa kòkòwɛ̀lɛ̀ hwatò hweyà nà gbàŋgo ò ene hvonda wɔ̀ hvɛ hwa rze enje tɔ̀ eyà. È jɔ̀kɛ̀ è hwèlì ndi nanù ema Lohwɛ̀ à uŋmɛ̀lɛ̀yi nanù ema lìhwiyè là hwatò ema hwa aŋgo lì hwèlì ndi èètì.

1 Kɔ̀rintìyà 1:21

Kànatɛ̀ Lohwɛ̀, ò lìhwiyè là eni à mà ɛnɛ nanù ema, hwatò hwa ene rze hwa rza ò tànɛ lì gbeyàna lìhwiyè là awu ò lì mò hwiya, Lohwɛ̀ à lòmi lì kàkɛ̀nɛ̀ nanù ema à rzùŋgà mòŋgɛ mà hwatò ema hwa mò lòkɛ̀, nà oma wɔ̀ hwa hweyà ŋmɛ̀ndì ema jò òhwa lì hvomɛ̀nɛ̀ Krirztò. Tɔ̀ nɛ hwatò ema hwa rza hwiyɛ Lohwɛ̀, hwa ohwa ndi ema ŋmɛ̀ndì mò hwatò hwa èètì ɔ̀ndi irzɔ jò òhwa.

1 Kɔ̀rintìyà 11:31

I lomi tɛ lì awɔ̀ŋgɛ kɔ̀yi-kɔ̀yi i rza kɔ̀kìrzɛ̀hwɛ̀ na Lohwɛ̀.

1 Kɔ̀rintìyà 11:33

O èŋgànɛ̀lɛ̀ hwa ŋmanyàŋgò wa ami, e arzàŋganɛ tɛ o lì làa lì laa la rzaŋgo, e ambɛlɛlɛ mɔ̀kɔ na ɔ̀nɛyi.

1 Tìmotì 1:20

Ò ìtììtènì ja hwatò ema nà ohwa nanù, mɔ̀kɔ à hwèlì ndi Hìmɛ̀nàyèyùrzì ɔ̀nɛyi hvɛ Àlɛ̀rzanda. Hwanu hwatò nà hwa lìyèlì mòkarzɛ̀ ò màà. Àŋga nanù hwa hwiya nanù ema ò rza lɔ̀wu lì ohwàna Lohwɛ̀ ìrzìlàkò.