1 Kɔ̀rintìyà 11:16 - Mokpwe: Bakwery (New Testament)

¹⁶ Ndi mòtò a arza tɛ lì tàànà ene eyà hvenda, mamɛ ya arzɛ na hwɛnì lì ohwa e hwèlì ndi nanù ema irzɔ tɔ̀ miitelì me arzɛ i rza ohvi ehvɛhvɛ ɛ̀ɛ̀mɛ̀ ya lì kanɛ̀ Lohwà.

1 Kɔ̀rintìyà 11:16 Referans Kwoze

1 Kɔ̀rintìyà 7:17

Tɔ̀ ima mɔ̀ hwa arzu, a lìiya hvɛ ndi o hwètɛ̀yìrzèlèlì hwe ama Rzàŋgo Yerzù na oma i ma hwɛ, o lìrzako ema Lohwɛ̀ a mà lome lì jo hwɛ̀lɛ. Èya ya ami ene ema imba na okolɛ̀ o mìitelì me arzɛ.

1 Tɛ̀rzàlonìyà 2:14

Ìi wònyàmòwe kòkò, nyayi ya eyà yɔ̀kɔ mɛnɛ ema e ma e gbèyɛ̀nɛ o mèemba me hwatò hwa ama Lohwɛ̀ ema hwa lòkɛ̀ Yerzù Krirztò ema hwa hwèlì o Jùdeyà, yɔ ndi e ma e gbèyɛ̀nɛ inyɔ hvɛ. Inyɔ e ma tàkìrzɛ̀hwɛ o màà mà hwanu hwatò na oma wɔ̀ hvɛ hwà mà take o màà mà hwatò hwa Irzàyɛ̀lì.

Hwègbèèlì 21:24

O ɛndɛ na wɔ̀, ò atànìrzɛ̀ ndeŋgànɛlɛ ò hwa taŋgeya hweyàrzèlì hwe awu hwe arzɛ. O eŋge hvònda ndi wɔ̀ hwa tànɛ ò lì rzòòwa mahvumbu ma awu. Ène ŋgànà rzɔ, e gbeyà tɔ ima mòtò ò lì hwiya nanù ema, hweyà ema hwa òhwa ò lì ò teŋgɛ̀nɛ̀ hwe rza enje e jɔ̀kɛ̀. Ndèŋgànɛlɛ wɔ̀ hvɛ hwiti hwa hwi nanù ema ò wà witi ò gbeyà ndi hweyà na òma e mbenda ya ama Mòrzè e arza.

Hwègbèèlì 21:21

Wɔ hwà mà òhwahwɛlɛ lì hvòmɛ̀nɛ̀ ò wa nanù ema, ò òkòlɛ wònyà Yudà hwa arzɛ ema hwa lìya ò hwèkòmè hwe hwaŋga hwatò ema hwa rza enje wònyà Yudà, nanù ema wɔ̀ hwa rza oŋgàmà e mbenda ya ama Mòrzè. Wɔ hwa òhwa nanù ema, ò wa ò hwa òhweyà nanù ema hwa rzi enda hwàanà hwa awu, ndèŋgàna hwa rza òŋgama ɛ̀ɛ̀mɛ̀ ya wònyà Yudà.

1 Kɔ̀rintìyà 16:1

Nàŋgɛ nanù, inyɛ nɛ ohweyà lì hvomɛ̀nɛ̀ wolì ema e ma rzaŋge o lì òŋgòwàna hwatò hwa Lohwɛ̀. Nà oma nà mà òhwèyà ŋmèmba mo hwatò hwa Gàlerzìyà ema hwa gbeye inyɔ hvɛ e hwɛnì ndi lì gbeyà nanù mɛnɛ.

1 Kɔ̀rintìyà 4:5

O èŋgànɛ̀lɛ̀ rzɔ, o rza akɛlɛ hwèkàyìrzèlì o tɔ̀ ima mòtò, natɛ̀ɛ e hvonda ya jɔ̀kɛ̀ e uka. Hwèkàyìrzèlèlì hwe o jà, e hvonda e ma e Rzàŋgo Yerzù Krirztò a o jɛ̀ɛ̀. A jelì tɛ, a jànà o ŋmàye hwèŋge hwema ema hwe e utami o jììtìtì, rzi a hvulùwa hvɛ màlùtèyà ema mà utami o mèèmà me hwatò. O èŋge hvonda ndi Lohwɛ̀ a eka tɔ̀ ima mòtò o mamɛ ema a gbèyi.

1 Kɔ̀rintìyà 9:1

Nà rza ohvì wònjà nàa tɔ̀ ima mòtò e? Nà rza enjè ndì àpɔ̀rzìtòlò e? Ìmba nà rzì ɛnɛ Yerzù Rzàŋgo wa arzu na e ma amì mirzɔ̀ e? Rzeke inyɔ ndi e hwèlì e mbako ya èwòlò ema na gbèelì Rzàŋgo e?

1 Kɔ̀rintìyà 9:6

Ŋga Bànàbàrzì na ìmba mɛnɛ ndi i hwɛnì lì gbeyà hwèwòlò ema hwe hwɛnì lì jo tembɛ e?

1 Kɔ̀rintìyà 11:15

Ndi o e mòtò wa molanà, mòlòŋgà mo eni mo hwèlì ndi o lìhvùmbù la eni ema lì wawi. Lìhvùmbù la eni ema lì wawi lì mo ŋgbàahwì ndi na Lohwà o lì kumɛnɛ moòhvo mo eni.