1 Kɔ̀rintìyà 10:16 - Mokpwe: Bakwery (New Testament)

¹⁶ Lìwòndè ema i gbeyàna o lì nyɔ̀ɔnɔ lìrzako la lì làa la Rzàŋgo lì hwèlì ndi o lì ŋgbaà Lohwɛ̀ jèka o nyòla e kpelì ya ama Krirztò. Èhvòòtò hvɛ ema i kanda. Je lelì tɛ oma i rzɔ na Krirztò i hwèlì ndi mɔ̀kɔ o nyo ya eni.

1 Kɔ̀rintìyà 10:16 Referans Kwoze

Hwègbèèlì 2:42

Hwàlòkèlì hwà mà ika mèèmà me awu ò lì òkòwa hweyà ema i àpɔ̀rzìtòlò i ma hwɛ lì hwa òkòlɛ, ndèŋgànɛ̀lɛ̀ hwà mà hwɛ mòndeŋgè na hwatò ema hwa lòkɛ̀ Krirztò. Mɔ̀ na wɔ̀ hwà mà hwɛ lì kànɛ, na lì lalɛnɛ̀ èki yɔ̀kɔ.

1 Yòwanìrzɛ̀ 1:7

Ndi i hwɛni tɛ lòŋgɛ la ŋmàye, na oma mɔ̀ ŋmìti hvɛ a hwɛni, aŋga nanù i hwɛ mɔ̀kɔ na ɔ̀nɛyi, ndèŋgànɛ̀lɛ̀ màyija ma ama e ŋmanà wa eni Yerzù, ma jo rzàŋgìrzɛ̀ o wòhwe wo arzu wa arzɛ.

Hibrù 3:14

I hwèlì ndi mɔ̀kɔ na Yerzù Krirztò, è hwèlì tɛ̀ ema i lɛmbi tɛ lìlòkɛ̀ ema i ma lome lì hwɛnɛ kɔ̀yi-kɔ̀yi natɛ̀ɛ na o lìrzùkù.

Hwègbèèlì 2:46

Wùnyà tɛ wɔ̀ hwa mà hwɛ lì tàneyà ò Ndawò yà Lohwà ò lì kanɛ̀. Wɔ̀ hwa mà làlɛnɛ̀ ò màndawò mà awu nà mɔ̀nyɛ̀ŋgì mò arzɛ nà ŋmèma mɔ̀kɔ.

1 Kɔ̀rintìyà 1:9

Lohwɛ̀ à hwèlì à gbeyà mamɛ yà arzɛ ema à mà ohwe nanù ema à gbeyà. Mɔ̀ à è hvɔ̀rzì ò lì hwɛ mɔ̀kɔ nà è ŋmanà wà mùnyanà wà eni Yerzù Krirztò, è Rzàŋgo yà arzù.

1 Yòwanìrzɛ̀ 1:3

Je ohweyà lì hvomɛ̀nɛ̀ mamɛ irzɔ i ma ɛnɛ na lì hweyà, aŋga nanù oma inyɔ hvɛ e ma hwɛ ndi mɔ̀kɔ na irzɔ. Ndeŋgànɛ̀lɛ̀ lìni lì ahvìyànɛ̀ la arzu, lì hwèlì ndi lì àrzàŋgànɛ̀ ema jo òhvi na e Tatɛ̀, na è Ŋmanà wà eni, Yerzù Krirztò.

Hwègbèèlì 20:7

Ŋgombe hvɔ̀kɔ ya rzàtelì, irzɔ hwa arzɛ i ma arzàŋgànɛlɛ èki yɔ̀kɔ ò lì laa ò lì uŋmɛ̀lɛ̀ e ndìŋgɛ ya ama e Rzàŋgò. Pàwolò à mà wòteyà lì òhwirzɛnɛ hwatò, a hwa òhwirzɛnɛ natɛ̀ɛ na ò e kɔrzi ya wuu, èhwanja mɔ̀ à mà hwɛnɛ lì endɛ ò enɛyi eka ya elele.

1 Kɔ̀rintìyà 12:13

Nànù mɛnɛ hvɛ ndi e hwèlì na irzɔ hwa arzɛ e hwɛ ndi ŋga wònyà Yudà o tɔ̀ hwaŋga ema hwa rza enje wònyà Yudà tɔ̀ e hwɛ ndi ŋga hwàkòmì tɔ̀ e hwaà wònjà irzɔ hwa arzɛ i lùhwìrzɛ̀hwɛ̀ ndi na èlìŋgɛ̀ yà wòtani, o tenì ya èŋge nyo ya ahvɔ̀kɛ. Ndèŋgana Lohwɛ̀ à mà jo rzòòkɛ èŋge èlìŋgɛ̀ yà wòtani mɛnɛ o tenì ya mèèmà me arzu.

Hwègbèèlì 20:11

Pàwolò rzìi a timba lì agba ò ŋmanyu ya eŋge ndawò ya ndɛki. O mburza hvònda ema mɔ̀ à mà kande èhvòòtò mɔ̀ na hwàlòkèlì rzìi hwa laa, à mà hwa òhwirzɛnɛ natɛ̀ɛ wuunyà wò yahwa. Rzìi à ɛndɛ.

Lukàrzɛ̀ 22:17

Yerzù rzìi a wòwa lìwòndè la hwènyɔ̀ɔ̀nì, a ŋgbà Lohwɛ̀ jekà rzìi a òhwa nanù ema, “È wòwè e nyɔ mɔ̀kɔ nà ɔ̀nɛ̀yi.

1 Kɔ̀rintìyà 10:15

Imba na e ohwìrzɛ̀nɛ̀ ndi nàa hwatò ema e hwi wotumba e àkàyìrzɛ̀ inyɔ hwiti o mamɛ ema Nà è ohweyà.