Zakarías 14:10 - Papiamentu Bible 2013

¹⁰ Henter e pais, di Gueba den nort te na En-Rimon den zùit, lo bira manera un sabana. Herusalèm lo sali altu riba e lugánan rònt eibanda. Lo e keda na su mes lugá, pero e ta ekstendé di Porta di Benhamin te na teritorio di e porta anterior, te na Porta di Skina, i di Toren di Hananel te na e bakinan di machiká biña di rei.

Beibel na Papiamentu Koriente 2013

¹⁰ Henter e pais, di Gueba den nort te na En-Rimon den zùit, lo bira manera un sabana. Herusalèm lo sali altu riba e lugánan rònt eibanda. Lo e keda na su mes lugá, pero e ta ekstendé di Porta di Benhamin te na teritorio di e porta anterior, te na Porta di Skina, i di Toren di Hananel te na e bakinan di machiká biña di rei.

Zakarías 14:10 Referans Kwoze

Zakarías 12:6

E dia ei lo Mi asistí e hefenan di tribu di Huda. Nan lo ta manera kandela den un dechi di palu, flambeu bou di un bòshi di trigo. E kandela ta plama rápidamente i destruí tur pueblo rondó di Huda; Herusalèm ta keda para kaminda a konstruyé.’

Yozue 15:32

Lebaot, Shilhim, En-Rimon; na tur 29 siudat i nan pueblonan.

Yeremías 37:13

Ora ku el a yega Porta di Benhamin, e òfisir di warda a par'é. Tabata Yirías, yu di Shèlèmías i ñetu di Hananías. El a grita Yeremías: ‘Para! Bo ke bòltu kashaka i bai serka e babilonionan!’

Yeremías 30:18

T'esaki SEÑOR ta bisa: ‘Mi ta bai kambia boso suerte pa bon, famianan di Israel, Mi ta bai tene duele di boso pais. Boso siudatnan lo ta rekonstruí riba monton di nan restunan bieu i un fòrti lo ta lantá atrobe na su lugá di ántes.

1 Reinan 15:22

Rei Asa a yama tur hende di Huda pa trabou obligatorio. E no a hasi eksepshon pa ningun hende. El a laga kita e piedranan i e palunan ku rei Basha a reforsá Rama kuné i ku nan el a reforsá e siudatnan Gueba na Benhamin i Mispa.

Zakarías 2:4

I el a bisa e angel akí: ‘Kore bai lihé serka e yònkuman aya ku e sinta di midi den su man i bis'é ku Herusalèm lo yena ku asina tantu hende i bestia di kria, ku lo no por traha muraya rònt di dje.

Yeremías 38:7

Den palasio real tabatin un eunuko di Etiopia, yamá Ebèd-Mèlèk. Ora el a tende ku a tira Yeremías den renbak, el a sali mesora for di palasio bai serka rei, ku nèt na e momento ei tabata tene rat na Porta di Benhamin. Ebèd-Mèlèk a bis'é:

Nehemías 3:1

E ora ei gransaserdote Elyashib i su koleganan saserdote a rekonstruí Porta di Karné. Nan a konsagr'é i kologá e portanan. Tambe nan a konsagrá e parti te na Toren di Mea i Toren di Hananel.

Huesnan 20:47

Di e benhaminitanan ku a hui, 600 so a logra yega e seru di Rimon den desierto, kaminda nan a keda kuater luna.

Huesnan 20:45

E sobránan a hui bai den direkshon di seru di Rimon, den desierto. Miéntras nan tabata na kaminda e israelitanan a mata 5000 hòmber mas. Despues nan a persiguí e benhaminitanan i a mata 2000 mas.

Amos 9:11

SEÑOR ta bisa: ‘Boso gran nashon, reino di David, awe parse un kas na ruina. Pero lo yega un dia ku Mi ta lant'é di nobo. Lo Mi sera e skernan den su muraya, lanta loke a basha den otro i drech'é manera e tabata promé.

Isaías 10:29

Nan ta krusa klof, pasa anochi na Gueba. Rama ta tembla, Guibea, siudat di Saul, ta hui bai.

Isaías 2:2

Den tempu final seru di tèmpel di SEÑOR lo ta firme pará na kabes di tur seru, esun mas altu di tur seritu. Tur nashon lo basha bai ei,

Nehemías 12:39

pasa Porta di Efraim, Porta Bieu, Porta di Piská, Toren di Hananel i Toren di Mea, te na Porta di Karné; e ruta a bin kaba na Porta di Prizòn.

2 Krónikanan 25:23

Rei Yoash di Israel a kohe Amasías, rei di Huda, ku tabata yu di Yoash i ñetu di Ahazías, prezu na Bet-Shèmèsh. Yoash a bai Herusalèm i laga basha 200 meter di e muraya di siudat abou, for di Porta di Efraim te na Porta di Skina.

1 Krónikanan 6:77

Sobrá miembronan di famia Merari a haña e siguiente siudatnan ku nan kunuku di yerba: den teritorio di Zebulon: Rimon i Tabor;

1 Krónikanan 4:32

Sinku otro siudat kaminda nan a biba tabata: Etam, Ain, Rimon, Tokèn i Ashan.

Huesnan 21:13

Despues henter e reunion a manda bisa e benhaminitanan ku tabata riba seru Rimon, ku nan ke hasi bon ku nan.

Yozue 21:17

Di tribu di Benhamin nan a haña kuater siudat: Guibeon, Gueba, Anatot i Almon, kada siudat ku su kunuku.

2 Reinan 14:13

Rei Yoash di Israel a kohe rei di Huda, ku tabata yu di Yoash i ñetu di Ahazías, prezu na Bet-Shèmèsh. Yoash a bai Herusalèm i a laga basha dosshen meter di e muraya di siudat abou, for di Porta di Efraim te na Porta di Skina.

Yeremías 20:2

el a laga nan dal e ku palu i hink'é den un blòki, ku tabata den e Porta di Benhamin di mas ariba, es desir esun ku ta keda na entrada di e tèmpel.

2 Krónikanan 26:9

Na Herusalèm Uzías a traha toren na Porta di Huki, Porta di Vaye i na Punta i a reforsá nan.

Mikéas 4:1

Lo yega un tempu, ku seru di Tèmpel di SEÑOR, lo ta firme pará na kabes di tur seru, esun mas altu di tur seritu. Tur nashon lo basha bai ei,

Zakarías 8:3

T'esaki SEÑOR ta bisa: ‘Mi ta bolbe bai seru di Sion, Mi ta bolbe bai biba na Herusalèm. Lo yama Herusalèm “siudat di fieldat” i seru di SEÑOR soberano “seru santu”.’