Yozue 2:6 - Papiamentu Bible 2013

⁶ Lugá Rahab a laga e hòmbernan subi riba e dak plat i skonde nan bou di poko yerba di vlas ku el a plama ei riba pa seka.

Beibel na Papiamentu Koriente 2013

⁶ Lugá Rahab a laga e hòmbernan subi riba e dak plat i skonde nan bou di poko yerba di vlas ku el a plama ei riba pa seka.

Yozue 2:6 Referans Kwoze

Hakobo 2:25

Esei tambe a pasa ku e prostituta Rahab. Dios a asept'é komo hustu pa loke el a hasi, esta mustra hospitalidat na e spiònnan israelita i yuda nan skapa via di un otro ruta.

Hebreonan 11:23

Pasobra e mayornan di Moises tabatin fe, nan a skond'é tres luna largu despues di su nasementu, pasobra nan a mira ku e tabata un yuchi bunita. Nan no tabatin miedu di e òrdu di rei.

Kolosensenan 3:3

Pasobra boso ta morto i awor boso bida ta skondí huntu ku Kristu den Dios.

2 Samuel 17:19

Kasá di e hòmber a kohe e paña di tapa pos habrié riba boka di e pos i a stroi pipita di grano riba dje, di moda ku no por a ripará ku tabatin un pos eibou.

Mateo 24:17

Esun ku ta riba dak di su kas, no pèrdè tempu baha bai kohe nada den kas.

Yeremías 36:26

Al kontrario, el a duna prínsipe Yeragmeel, Seraías, yu di Azriel, i Shèlèmías, yu di Abdeel, òrdu pa arestá Yeremías i su sekretario Barug. Pero SEÑOR a sòru pa nan no haña nan.

2 Reinan 11:2

Pero Yehoshèba, yu muhé di rei Yoram i ruman di Ahazías, ketu ketu a kohe Yoash, yu di Ahazías, for di e grupo di prínsipenan ku nan ker a mata, bai kuné. Yehoshèba a skonde Yoash huntu ku su mama di lechi pa Atalia den e kamber kaminda tabata warda paña di kama. Asina Yoash a skapa for di morto.

1 Reinan 18:13

Mi shon no a tende kiko mi a hasi ora Izebel ker a mata e profetanan di SEÑOR? E tempu ei mi a skonde 100 profeta, dos grupo di 50, den dos kueba i mi a sòru pa nan a haña di kome i di bebe.

1 Reinan 18:4

Tempu Izebel ker a kaba ku e profetanan di SEÑOR, Obadías a skonde 100 di nan, dos grupo di 50, den dos kueba i a sòru pa nan a haña di kome i di bebe.

2 Samuel 11:2

Un dia ora nochi tabata bai sera, David a lanta for di su kama pa e keiru riba e dak plat di su palasio. For di riba dak el a mira un hende muhé ku tabata baña; e muhé ei tabata mashá bunita pa mira.

Yozue 2:8

Promé ku e spiònnan a bai drumi, Rahab a subi riba dak serka nan.

Deuteronomio 22:8

Suponé ku bo ta trahando un kas. Pone e ora ei un protekshon na rant di henter e dak plat. Pasobra si un hende kai for di e dak i e muri despues, abo ta responsabel.

Éksodo 2:2

E muhé a sali na estado i duna lus na un yu hòmber. Ora el a mira kon salú i balente e yu tabata, el a ten'é skondí tres luna largu.

Yozue 2:5

Nan a bai ora a kuminsá bira skur, nèt promé ku a sera porta di siudat. Unda nan a bai sí, mi no sa. Si boso sali lihé nan tras, ainda boso por alkansá nan.’

Yozue 2:7

E hòmbernan di rei a persiguí e spiònnan den direkshon di Yordan te na e lugánan kaminda por krusa e riu na pia. Asina e hòmbernan di rei a sali bai, a sera porta di siudat.

Yozue 6:25

Asina Yozue a spar e muhé di bida Rahab, su famia i tur esnan ku tabata serka dje, pasobra Rahab a yega di skonde e hendenan ku Yozue a manda bai spioná Yériko. Te dia djawe ainda su desendientenan ta biba na Israel.