Yozue 10:11 - Papiamentu Bible 2013

¹¹ For di ora ku nan tabata baha seru di Bet-Horon te ora nan a yega Azeka, SEÑOR a laga pipita grandi di eis yobe riba nan for di shelu, ku a mata nan. A muri mas amorita dor di e pipitanan di eis ei ku na man di e israelitanan.

Beibel na Papiamentu Koriente 2013

¹¹ For di ora ku nan tabata baha seru di Bet-Horon te ora nan a yega Azeka, SEÑOR a laga pipita grandi di eis yobe riba nan for di shelu, ku a mata nan. A muri mas amorita dor di e pipitanan di eis ei ku na man di e israelitanan.

Yozue 10:11 Referans Kwoze

Isaías 28:2

Ata un potensia fuerte ta bini di parti di Señor, manera tormenta di piedr'i eis, manera hos ku ta trèk, manera un nubia di awa ku ta rementá i basha inundá tur lugá. SEÑOR ta flènster e siudat ku forsa riba suela.

Huesnan 5:20

For di shelu e streanan a bringa kontra Sísera. For di espasio nan a bringa kontra dje.

Revelashon 16:21

Piedra di eis grandi ku tabata pisa sinkuenta kilo tabata kai for di shelu riba e hendenan. E pipitanan di eis tabata asina un plaga teribel, ku e hendenan tabata maldishoná Dios.

Revelashon 11:19

E ora ei tèmpel di Dios den shelu a habri i e arka di su aliansa a bira visibel den su tèmpel. Welek a kuminsá kòrta, bos a kuminsá ronka i kuminsá klap, tera a tembla i un bon yobida di pipita di eis a kai.

Ezekiel 13:11

P'esei bisa esnan ku ta pleistu e muraya: Un áwaseru duru lo kai, pipita di eis lo zona i un tempestat lo lanta.

Isaías 30:30

SEÑOR ta laga su stèm poderoso resoná i ta mustra kon duru su man fuerte por baha. E ta dal aden, fulminando di rabia, ku vlamnan di kandela devoradó, ku tormenta di awa i pipita di eis.

Salmo 11:6

Riba pekadónan E ta yobe karbon sendé i suafel; un bientu kayente ta nan suerte.

Génesis 19:24

E ora ei SEÑOR a laga suafel na kandela yobe riba Sódoma i Gomora

Job 38:22

Bo a yega di drenta den depósito pa sneu, o mira mangasinanan pa pipit'i eis,

Deuteronomio 20:4

pasobra ta SEÑOR, boso Dios, mes ta bai ku boso pa bringa pa boso kontra boso enemigunan i duna boso viktoria.”

2 Samuel 18:8

E bataya a plama den henter e region. E dia ei e mondi mes a kousa mas víktima ku spada a kousa.

Job 38:23

ku mi ta reservá pa usa den tempu malu, den dianan di guera i bataya?

Salmo 147:17

ta tira eis na pipitanan grandi. Ken por wanta su frialdat?

Isaías 28:21

Pasobra meskos ku un ten riba seru di Perasim, SEÑOR lo aktua awor tambe; meskos ku den Sabana di Guibeon, SEÑOR lo move pa hasi su trabou, pa kumpli ku su tarea. Pero esta trabou straño, esta tarea misterioso!