Yeremías 9:15 - Papiamentu Bible 2013

¹⁵ p'esei Ami, SEÑOR soberano, Dios di Israel, a bisa: “Mira, Mi ta bai duna e pueblo akí sentebibu p'e kome i awa venená p'e bebe.

Beibel na Papiamentu Koriente 2013

¹⁵ p'esei Ami, SEÑOR soberano, Dios di Israel, a bisa: “Mira, Mi ta bai duna e pueblo akí sentebibu p'e kome i awa venená p'e bebe.

Yeremías 9:15 Referans Kwoze

Yeremías 8:14

Hende di Huda ta puntra nan mes: ‘Pakiko nos ta sinta aki pòrnada? Ban mira, tur hende ban e siudatnan reforsá, ban warda nos morto. Sí, SEÑOR a firma nos sentensia di morto: E ta duna nos awa venená bebe, pasobra nos a peka kontra djE.

Lamentashonnan 3:15

Señor a duna mi yerba di mas marga kome, laga mi bebe aw'i sentebibu.

Salmo 80:5

B'a dun'é pan di lágrima pa kome, pa bibida un riu di aw'i wowo.

Yeremías 23:15

P'esei SEÑOR soberano ta bisa di e profetanan di Herusalèm: ‘Mi ta duna nan sentebibu pa kome i awa venená pa bebe; ta nan falta ku den henter e pais no a sobra niun hende ku ta tene kuenta ku Mi mas.’

Revelashon 8:11

Nòmber di e strea ta Amargura. Un terser parti di e awa a bira marga, i hopi hende a muri pa motibu di e awa ku a bira marga.

Lamentashonnan 3:19

Ora mi kòrda mi mizeria i abandono, ta manera ta aw'i sentebibu mi ta bebe.

Yeremías 25:15

SEÑOR, Dios di Israel, a bisa mi lo siguiente: ‘Tuma e beker di biña akí for di mi man. E ta yená ku mi ira. Duna tur e pueblonan, kaminda Mi manda bo, pa nan bebe for di dje.

Isaías 2:22

Stòp di konfia den hende, su bida n' ta nada mas ku un rosea. Hende no bal nada.

Isaías 2:17

Orguyosonan lo ta humiliá, arogantenan lo mester baha kabes. E dia ei SEÑOR so lo ta alsá,

Salmo 75:8

SEÑOR tin beker di furia den su man, yen di biña ku ta skuma, bon mesklá. Lo E basha for di dje, pa nan bebe, tur hasidó di maldat riba mundu, beb'é limpi limpi asta e kachikachi.

Salmo 69:21

Den mi kuminda nan a bruha venenu, pa mi set nan a duna mi binager.

Salmo 60:3

Bo a laga bo pueblo pasa den duru, Bo a laga nos bebe un biña ku ta turdi.

Deuteronomio 29:18

No laga pa ningun di boso, ni hòmber, ni muhé, ni famia, ni tribu, awe bira lomba pa SEÑOR, nos Dios, bai adorá e diosnan di e nashonnan ei! No laga ningun di boso bira manera un mata ku ta produsí venenu marga.

Deuteronomio 28:36

SEÑOR lo hiba boso i e rei ku boso nombra, serka un nashon ku boso ni boso antepasadonan no konosé; aya boso lo sirbi otro dios, dios trahá di palu i di piedra.

Yeremías 24:10

Mi ta bai manda guera, hamber i pèst riba nan te ora nan disparsé kompletamente for di e pais ku Mi a duna nan i nan antepasadonan.” ’

Yeremías 44:27

Mi no ta buska boso bienestar mas, sino boso pèrdishon. Tur hende di Huda ku awor akí ta biba na Egipto lo muri sin eksepshon, sea den guera òf di hamber.

Yeremías 49:37

Mi ta bai pone Elam tembla dilanti di su enemigunan mortal, Mi ta bai manda kalamidat p'e, lòs mi furia i manda guera kontra dje, te kaba kuné kompletamente. Ami, SEÑOR, ta afirmá esei.

Ezekiel 5:2

Kima un terser parti meimei di siudat, ora e sitiamentu pasa; chòp un terser parti ku bo spada, rondó di e siudat; plama un terser parti den bientu, e ora ei lo Mi persiguié ku spada.

Ezekiel 5:12

Un terser parti di bo habitantenan, Herusalèm, lo muri di pèst i di mizeria di hamber; un terser parti lo muri pa spada den serkania di siudat; un terser parti lo Mi plama den tur direkshon i persiguí nan ku spada.