Yeremías 51:16 - Papiamentu Bible 2013

¹⁶ Ora su bos resoná, e awa ariba den shelu ta borotá. E ta yama nubianan for di ekstremonan di mundu, laga rayonan di welek habri kaminda pa yobida i bientu sali for di su mangasina.

Beibel na Papiamentu Koriente 2013

¹⁶ Ora su bos resoná, e awa ariba den shelu ta borotá. E ta yama nubianan for di ekstremonan di mundu, laga rayonan di welek habri kaminda pa yobida i bientu sali for di su mangasina.

Yeremías 51:16 Referans Kwoze

Salmo 135:7

E ta laga nubianan subi for di puntanan ekstremo di mundu, ta manda welek pa awa por kai, ta laga bientu supla fo'i su mangasinanan.

Yonas 1:4

Pero SEÑOR a laga un bientu fuerte supla riba laman. A lanta un mal tempu hopi pisá ku asta e barku tabata serka di plama for di otro.

Salmo 18:13

Bos di SEÑOR tabata lora na shelu, Dios Altísimo a laga su stèm resoná.

Yonas 4:8

Asina solo a sali Dios a sòru pa un bientu kayente supla for di ost. Solo tabata kima riba Yonas su kabes. E tabata serka di bai flou i ker a muri. El a bisa: ‘Mihó mi muri ku mi sigui biba.’

Amos 9:7

SEÑOR ta bisa: ‘Pueblo di Israel, akaso boso ta kere ku boso bal mas pa Mi ku pueblo di Etiopia? Sí, ta bèrdat, Mi a saka boso fo'i Egipto, pero meskos tambe Mi a saka filisteonan fo'i Kaftor i arameonan fo'i Kir.

Ezekiel 10:5

Por a tende e batimentu di ala di e kerubinnan te riba e plenchi pafó di tèmpel. E tabata zona manera stèm di Dios Todopoderoso.

Salmo 147:18

Ún palabra i tur kos ta dirti, k'E manda bientu tur awa ta kore.

Salmo 104:7

ma ora Bo a skual e el a hui, na kareda pa zonido di bo bos,

Salmo 78:26

El a lòs bientu di pariba for di shelu, a lanta bientu di zùit ku forsa grandi,

Salmo 68:33

ku ta kore pasa shelu, e shelu antiguo; tende, E ta laga su bos, su bos potente, resoná!

Salmo 46:6

Pueblonan a rabia, reinonan a lanta: E ta alsa su bos i tera ta krem.

Job 40:9

Akaso bo brasa ta mes fuerte ku di Mi? Bo tambe por papia ku zonido tremendo?

Job 38:22

Bo a yega di drenta den depósito pa sneu, o mira mangasinanan pa pipit'i eis,

Job 37:13

Dios ta manda áwaseru pa muha tera; E por mand'é pa kastigá hende, o pa mustra nan ku E ke nan bon.

Éksodo 14:21

Moises a rèk su man riba laman i henter anochi SEÑOR a laga un bientu duru di ost supla ku a parti e laman na dos i seka e tera.

Éksodo 10:19

E ora ei SEÑOR a kambia rumbo di e bientu. Un bientu fuerte di wèst a karga e dalakochinan bai kuné i a laga nan kai den Laman Kòrá. No a keda ni un dalakochi na Egipto.

Éksodo 10:13

E ora ei Moises a saka su man ku e bastòn riba Egipto. SEÑOR a laga un bientu for di ost supla henter dia i henter anochi riba e pais. Ora di dia a habri e bientu a karga e dalakochinan trese.

Génesis 8:1

Dios no a lubidá riba Noe ku tur e bestianan di kria i bestianan di mondi ku tabata huntu kuné den arka. El a laga bientu supla riba tera di moda ku e awa a kuminsá baha.