Yeremías 5:25 - Papiamentu Bible 2013

²⁵ Boso maldat a bruha tur asuntu. Mi no ta duna boso e bendishonnan ei mas, pa motibu di boso pikánan.

Beibel na Papiamentu Koriente 2013

²⁵ Boso maldat a bruha tur asuntu. Mi no ta duna boso e bendishonnan ei mas, pa motibu di boso pikánan.

Yeremías 5:25 Referans Kwoze

Isaías 59:2

Nò, ta boso maldatnan ta manera un muraya entre boso i boso Dios; ta boso propio pikánan ta pon'É kita kara pa no skucha boso.

Salmo 107:34

El a kambia tera fértil na saliña pa motibu di maldat di e habitantenan,

Salmo 107:17

Tabatin hende sin sintí, sufriendo pa motibu di nan bida di maldat, mizerabel pa motibu di nan krímennan.

Lamentashonnan 3:39

Ku ki derecho un hende ku ta na bida, ta keha? At'é riba pia, apesar di su pikánan!

Yeremías 3:3

P'esei Ami, SEÑOR, a wanta yobida, awa pa kosecha no a kai. Sinembargo bo a keda ku mirada frepòstu manera prostituta, sin niun klase di bèrgwensa.

Lamentashonnan 4:22

O dushi siudat di Sion, lo yega un fin na bo kastigu, Señor lo no tene bo mas den eksilio. Pero abo, Edom, abo sí E ta bai kastigá i laga tur bo pikánan sali na kla.

Yeremías 4:18

Motibu di loke ta pasando bo awor akí, Herusalèm, ta bo mes komportashon, bo manera di aktua. Tur ta fruta di bo maldat. Awor bo ta sinti kon marga e ta, e ta heridá bo te den fondo di bo kurason.

Yeremías 14:1

Aki ta sigui loke SEÑOR a bisa Yeremías en relashon ku e gran sekura.

Yeremías 14:7

Mi pueblo ta sklama na Mi: ‘Maske nos pikánan ta akusá nos, hasi algu, SEÑOR, pa bo honor i gloria! Hopi be nos a bira lomba pa Bo i faya ku Bo.