Yeremías 48:9 - Papiamentu Bible 2013

⁹ Traha un piedra di graf pa Moab numa, pasobra lo e keda ún solo ruina. Su siudatnan lo keda desolá, lo no tin hende ta biba den nan.’

Beibel na Papiamentu Koriente 2013

⁹ Traha un piedra di graf pa Moab numa, pasobra lo e keda ún solo ruina. Su siudatnan lo keda desolá, lo no tin hende ta biba den nan.’

Yeremías 48:9 Referans Kwoze

Yeremías 48:28

Moabitanan, bandoná boso siudatnan! Bai biba den baranka, manera palomba ku ta traha nèshi part'i paden di boka di abismo.’

Isaías 16:2

Mester bisa e soberano: ‘Muhénan di Moab ta manera para pushá fo'i nan nèshi. Na e lugánan pa krusa riu di Arnon nan ta kore bai bini pa loko.

Salmo 11:1

Serka SEÑOR mi ta buska mi refugio. Ki mishi anto boso bisa mi: ‘Hui manera para bai den seru.

Revelashon 12:14

Pero Dios a duna e muhé ala di e águila grandi pa e hui bai su plèki den desierto. Aya a kuid'é durante tres aña i mei fuera di alkanse di e kolebra.

Sofonías 2:9

P'esei, pa mi bida, Ami, SEÑOR Soberano, Dios di Israel, ta deklará: Lo sosodé ku Moab i Amon manera ku Sódoma i Gomora: nan lo bira pais yen di sumpiña i saliña, lugá desolá pa semper. E sobrebibientenan di mi pueblo lo pluma e moabita- i amonitanan i poderá di nan pais.’

Yeremías 46:19

Habitantenan di Egipto, ban mira, piki boso bulchi numa, pasobra boso mester bai den eksilio. Memfis ta bira un desierto, ruiná, kaminda niun alma no ta biba mas.

Salmo 55:6

Mi di: si mi tabatin ala manera un palomba, lo m'a bula bai i lo mi tabata trankil.

Yeremías 44:22

Boso komportashon tabata malísimo, e kosnan ku boso a hasi tabata repugnante. SEÑOR no por a soportá mas. P'esei boso pais a bira ún solo ruina desolá, sin niun habitante te dia djawe.