Yeremías 48:45 - Papiamentu Bible 2013

⁴⁵ E refugiadonan, kompletamente agotá, ta buska refugio na Hèshbon. Pero ata Hèshbon na kandela! Kandela ta sali for dje siudat dje antiguo rei Sihon. E ta devorá e pais di e yangá bashínan ei, for di e subidanan na parti wèst di Moab te na e sabana meimei.

Beibel na Papiamentu Koriente 2013

⁴⁵ E refugiadonan, kompletamente agotá, ta buska refugio na Hèshbon. Pero ata Hèshbon na kandela! Kandela ta sali for dje siudat dje antiguo rei Sihon. E ta devorá e pais di e yangá bashínan ei, for di e subidanan na parti wèst di Moab te na e sabana meimei.

Yeremías 48:45 Referans Kwoze

Numbernan 24:17

Mi ta mira un hende, e no t'aki ainda. Mi ta mir'é, djaleu: E ta sali for di e pueblo di Yakob, meskos ku un strea ta subi na shelu. Un gobernante ku un bastòn di rei den su man ta lanta para na Israel; e ta plèchè e hefenan di Moab, e ta destruí e pueblo di Set.

Numbernan 21:28

Pasobra un kandela a sali for di Hèshbon, un vlam for di siudat di Sihon; el a destruí e siudat Ar na Moab i e gobernantenan di sabana di Arnon.

Mateo 21:42

Hesus a bisa nan: ‘Nunka boso no a lesa e palabranan akí den Skritura? E piedra ku e trahadónan a rechasá, a bira piedra prinsipal; ta trabou di Señor esei, algu milagroso pa mira!

Zakarías 10:4

Fo'i mi pueblo lo sali lidernan, manera piedra prinsipal, pènchi di wanta tènt, bog di guera; tur lo ta lider fuerte.

Amos 2:2

Kandela lo Mi manda riba dje, ku lo destruí palasionan di Keriot. Moab lo hoga den bochincha di guera, bou di gritu di sòldá i tokamentu di tròmpèt.

Numbernan 21:26

Hèshbon tabata e siudat di Sihon, rei di e amoritanan, ku a bringa ku e rei anterior di Moab i a kita tur su pais te na Arnon for di dje.

Numbernan 21:21

E israelitanan a manda mensahero pa rei Sihon, rei di e amoritanan, ku e siguiente rospondi:

Numbernan 21:29

Ai di bo, Moab! Pèrdí boso ta, pueblo di Kemosh! Nan yu hòmbernan mester a hui, i Sihon, rei di e amoritanan, a bai ku nan yu muhénan.

Salmo 78:63

Kandela a devorá nan hóbennan i pa e yu muhénan den nan no a zona kantikanan nupsial.

Salmo 135:11

Sihon, rei di amoritanan i Og, rei di Bashan; El a kaba ku tur reino di Kanaan.

Yeremías 2:16

Sí, asta hende di Memfis i Tagpanhes ta bin pela bo chinu.

Yeremías 48:2

Fama di Moab a para kaba na nada. Na Hèshbon nan a sera kòmplòt pa kaba ku Moab. “Ban, nos ta ban anikilá e pueblo ei!” Denter di bo murayanan tambe, Madmen, pronto lo reina un silensio mortal; guera ta djis tra'i porta.