Yeremías 48:10 - Papiamentu Bible 2013

¹⁰ Maldishon pa esun ku ta floho pa kumpli ku loke SEÑOR enkarg'é. Maldishon pa esun ku ta stroba spada di drama sanger.

Beibel na Papiamentu Koriente 2013

¹⁰ Maldishon pa esun ku ta floho pa kumpli ku loke SEÑOR enkarg'é. Maldishon pa esun ku ta stroba spada di drama sanger.

Yeremías 48:10 Referans Kwoze

1 Reinan 20:42

E profeta a bisa Ahab: ‘Esaki SEÑOR ta bisa: “E hòmber ku Mi a kondená na morto, bo a laga skapa. P'esei lo Mi tuma bo bida na lugá di su bida i bo pueblo lo paga na lugá di su pueblo.” ’

1 Samuel 15:3

P'esei bai, derotá nan i kaba kompletamente ku tur loke nan ta poseé, no tene kompashon ku nan. Mata tur hòmber, muhé, mucha i resien nasí i tambe tur baka, karné, kamel i buriku.” ’

Huesnan 5:23

“Israel mester maldishoná Meroz!” Asina Angel di SEÑOR ta bisa. Un maldishon fuerte pa su habitantenan, pasobra nan no a bin yuda SEÑOR. Nan tabata kobarde.

2 Reinan 13:19

E hòmber di Dios a rabia i bisa rei: ‘Bo mester a bati sinku òf seis be. E ora ei lo bo a duna Aram un derota total. Awor ta tres be so lo bo derotá nan.’

1 Samuel 15:9

Pero Saul i su ehérsito a laga Agag na bida, i nan a spar e mihó karné- i kabritunan, e mihó bakanan, e bestianan di mas gordo i yòn, ke men tur loke tabatin balor. Nan a destruí tur loke tabata inútil i di tiki balor.

Yeremías 50:25

SEÑOR ta habri e depósito. Ku e armanan ku E saka E ta bai demostrá su rabia; E tin trabou pa hasi den pais di e babilonionan.

Yeremías 47:6

Ai, spada di SEÑOR, bo n' tin idea di sosegá nunka mas? Drenta bo baliña bèk, trankil, ketu.

1 Reinan 20:39

Ora rei tabata pasa el a sklama: ‘Mi tabata den bataya ora un hende ku a retirá for di kombate a trese un prezu serka mi. El a bisa mi: “Wak e pa mi! Si bo lag'é hui, lo bo paga ku bo bida òf 3000 plaka di plata.”

1 Reinan 20:40

Pero ora bo sirbidó tabata hasi un ke otro, e hòmber a somentá.’ Rei di Israel a bis'é: ‘Bo mes a dikta bo sentensia.’

Yeremías 11:3

“Ami, SEÑOR, Dios di Israel, ta maldishoná hende ku no atené nan na stipulashonnan di e aliansa akí,

Yeremías 47:7

Pero akaso e por keda trankil? Ta SEÑOR mes a dun'é òrdu, SEÑOR a dun'é enkargo pa tumba Ashkelon i e teritorio na kosta!

Yeremías 50:27

Mata e yònkumannan, bai matadero ku nan manera ku toro yòn! Ai di nan! Nan dia a yega, tempu a yega pa regla kuenta ku nan.

Yozue 10:19

Boso mes no mester keda para einan. Sigui tras di boso enemigunan i ataká esnan mas patras. No laga nan regresá nan siudatnan, pasobra SEÑOR, boso Dios, a entregá nan den boso poder.’