Yeremías 4:15 - Papiamentu Bible 2013

¹⁵ Skucha! Mensaheronan ta trese mal notisia for di Dan den parti nort, sí, for di seritunan di Efraim.

Beibel na Papiamentu Koriente 2013

¹⁵ Skucha! Mensaheronan ta trese mal notisia for di Dan den parti nort, sí, for di seritunan di Efraim.

Yeremías 4:15 Referans Kwoze

Yeremías 8:16

Ya enemigunan a yega e siudat Dan den parti nort, ya nos por tende nan kabainan supla; henter e pais ta tembla ora nan kabainan grita. Nan ta bai invadí e pais i destruí tur kos: kunukunan ku tur loke ta krese den nan i siudatnan ku nan habitantenan.’

Yeremías 6:1

Hendenan di Benhamin, kore pa skapa boso bida, hui for di Herusalèm! Supla kachu na Tekoa, bati alarma, manda señalnan di huma for di Bet-Hakerèm. Pasobra un desgrasia ta pinta na horizonte den nort, un destrukshon total.

Huesnan 20:1

Despues tur israelita di Dan, na parti nort, te Beer-Shèba, na parti zùit, i tambe di pais Guilead, a sali manera ta ún solo hòmber nan tabata, pa bai reuní serka SEÑOR na Mispa.

Huesnan 18:29

E siudat tabata yama Laish, pero nan a yam'é Dan, na honor di nan tata di tribu, ku tabata un yu hòmber di Israel.

Yozue 20:7

E israelitanan a skohe: Kèdèsh na Galilea, den e serunan di Naftali; Shikem, den e serunan di Efraim i Kiriat-Arba, esta Hebron, den e serunan di Huda.

Yozue 17:15

E ora ei Yozue a kontestá nan: ‘Si boso ta haña ku boso ta un pueblo grandi, i e serunan di Efraim ta muchu pèrtá pa boso, bai mas paden den e serunan. Rosa mondi den e region kaminda e perizitanan i e refaítanan ta biba, pa boso haña lugá.’

Isaías 52:7

Est'un legria mira portadó di bon notisia bini riba seru, e mensahero ku ta grita: ‘Tur kos ta bon!’, ku ta anunsiá felisidat i liberashon i ta bisa abo, Herusalèm: ‘Bo Dios ta reina.’

Yeremías 10:22

Skucha! Boso ta tende e bochincha ei? E ta aserkando. Un gran tumulto ta penetrá for di nort te serka nos aki; nan ta bini pa hasi e siudatnan di Huda un solo ruina, kaminda ta chakal so ta keda biba.