Yeremías 27:14 - Papiamentu Bible 2013

¹⁴ No skucha e profetanan ku ta keda bisa boso pa no someté boso, pasobra ta mentira so nan ta papia.

Beibel na Papiamentu Koriente 2013

¹⁴ No skucha e profetanan ku ta keda bisa boso pa no someté boso, pasobra ta mentira so nan ta papia.

Yeremías 27:14 Referans Kwoze

Yeremías 14:14

Pero SEÑOR a rospondé mi: ‘E profetanan ei ta pretendé ku nan ta papia den mi Nòmber. Nan ta gaña, Ami no a manda nan, niun ora so Mi no a duna nan niun enkargo, Mi no a papia niun pia di palabra nunka ku nan. Ta revelashonnan falsu, vishonnan engañoso i produktonan di nan mes fantasia e profetanan ei ta anunsiá nan.

Yeremías 23:21

‘Ami no a manda e profetanan ei,’ SEÑOR ta bisa, ‘Ami no a papia ku nan, ta nan a kore sali pa bai papia den mi Nòmber.

1 Huan 4:1

Keridonan, no kere tur hende ku pretendé ku nan tin Spiritu di Dios, sino mira si e spiritu ku nan tin ta pertenesé na Dios. Pasobra ta hopi profeta falsu a sali bai den mundu.

Filipensenan 3:2

Tene kuidou ku e hasidónan di maldat! Tene kuidou ku e kachónan ei! Warda boso kurpa for di esnan ku ta insistí ku mester kòrta kurpa!

Mateo 7:15

Tene kuidou ku profeta falsu; nan ta bini serka boso bistí na karné ma di paden nan ta lobo feros.

Mikéas 2:11

Si un hende, guiá pa Spiritu, por a prediká mentira lo m'a prediká di biña i bibida stèrki. Ma e generashon akí a keda ta insistí: Atversarionan

Yeremías 28:15

Yeremías a sigui bisa Hananías: ‘Skucha bon, Hananías. No ta SEÑOR a manda bo. Bo a lanta speransa falsu den pueblo.

Yeremías 23:25

‘Mi a tende e mentiranan dje profetanan ei ku ta bisa, ku nan a haña un mensahe di Mi; nan ta bisa: “Mi a soña! Mi a soña!”

Yeremías 37:19

Ta unda bo profetanan ta, ku a profetisá pa bo ku rei di Babilonia lo no ataká boso tur i e pais akí?

Yeremías 38:22

Den e vishon akí a saka tur muhé, ku a keda atras ainda den palasio real, bai hiba pa e komandantenan di rei di Babilonia. Skucha loke nan a kanta di bo: “Nan a gaña bo, subi bo lomba, e asina yamá amigunan ei di bo! Awor ku bo pia a pega den lodo nan a laga bo na kaya.” ’

Lamentashonnan 2:14

E vishonnan ku bo profetanan a haña pa bo tabata bashí i blanchá ku mentira. Nan no a mustra bo riba bo foutnan; esei lo por a kambia bo suerte ainda. E mensahenan ku nan tabatin pa bo tabata falsu i a gaña bo.

Zakarías 10:2

Diosnan falsu ta saka mentira, loke miradónan di destino ta mira ta engaño, nan soñonan no ta di konfia; nan konsuelo ta ilushon. P'esei e pueblo mester a bai i kai den mizeria, manera karné sin wardadó.