Yeremías 18:20 - Papiamentu Bible 2013

²⁰ Por paga bon ku malu? Sinembargo t'esei nan ta hasi, pasobra nan a koba un buraku pa mi. Pero no lubidá ku ami a para Bo dilanti pa papia na nan fabor i desviá bo furia for di riba nan.

Beibel na Papiamentu Koriente 2013

²⁰ Por paga bon ku malu? Sinembargo t'esei nan ta hasi, pasobra nan a koba un buraku pa mi. Pero no lubidá ku ami a para Bo dilanti pa papia na nan fabor i desviá bo furia for di riba nan.

Yeremías 18:20 Referans Kwoze

Salmo 57:6

Nan a pone un trampa pa mi pia, mi tabata tur tumbá; nan a koba un buraku mi dilanti, enkambio nan mes a kai aden.

Salmo 35:7

Sin motibu nan a skonde un buraku bou di nan reda pa mi; nan a kob'é pa kohe mi bida sin ningun motibu.

Salmo 106:23

Lo El a destruí nan, E di, si Moises, su sirbidó elegí, no a sali dilanti pa stòp E; t'e a sa di kita Dios su rabia di moda ku E no a destruí nan.

Salmo 35:12

nan a tuma bon hasi malu, nan a laga mi sin amparo.

Yeremías 18:22

Manda un trupa di ladron riba nan pa plùnder nan kas sin aviso; sí, laga gritunan di doló resoná e ora ei! Pasobra nan a koba buraku pa mi kai aden; nan a traha trampa pa laga mi pega aden.

Predikador 10:8

Es ku koba un buraku por kai aden, i kolebra por morde esun ku basha un muraya abou.

Proverbionan 26:27

Es ku koba un pos pa otro, e mes ta kai aden. Es ku skupi na laria, den su kara e ta kai.

Salmo 119:95

Pekadónan ta lur pa kaba ku mi, ma mi ta studia bo dekretonan.

Huan 15:25

Esaki a sosodé pa asina loke ta skibí den nan mes lei keda kumplí: “Nan a odia Mi sin motibu.”

Huan 10:32

Hesus a bisa nan: ‘Mi a mustra boso hopi bon obra, ku ta bini di mi Tata. Pa kua di nan boso ke piedra Mi?’

Yeremías 14:20

SEÑOR, nos ta atmití nos rebeldia i pikánan di nos antepasadonan; enberdat nos a peka kontra Bo!

Yeremías 11:14

Abo, Yeremías,’ SEÑOR a bisa, ‘no resa pa e pueblo akí. No pidi nada mas pa nan, stòp di supliká. Mi no ta skucha ora nan sklama na Mi den nan mizeria.’

Yeremías 7:16

“Abo, Yeremías,” SEÑOR a bisa, “no resa mas pa e pueblo akí. No bin keha i sklama mas serka Mi, no keda insistí, pasobra Mi no ta skucha bo tòg.

Proverbionan 17:13

Si hende paga bon ku malu, maldat n' ta kita fo'i su porta.

Salmo 38:20

ku ta paga bondat ku maldat i ku atake mi afan pa hasi bon.

Salmo 7:15

ta un buraku el a koba, hasiendo é mas hundu, ma despues e mes ta kai den e pos ku el a traha.

Job 6:27

Boso ta kapas di riska tira lòt pa disidí destino di un wérfano i asta di bende boso mihó amigu!

1 Samuel 19:4

Yonatan a papia na fabor di David i a bisa su tata: ‘Su mahestat no hasi malu ku bo sirbidó David, pasobra e no a hasi su mahestat nada. Al kontrario, tur loke el a hasi a kumbiní bo.

Yeremías 5:26

Tin bandidu den mi pueblo, nan ta drumi warda manera hende ku ke kohe para, pero e trampa ku nan pone ta pa kohe hende.

Yeremías 15:1

E ora ei SEÑOR a bisa mi: ‘Ni maske Moises i Samuel bin para Mi dilanti i boga pa e pueblo akí, Ami no ta kai pa nan. Manda e pueblo ei bai, laga nan kita for di mi bista.

Yeremías 18:19

SEÑOR, paga tinu riba mi, skucha, loke mi kontrinkantenan ta bisa di mi!

Yeremías 27:18

Si e tèrsionan ei tabata profeta di bèrdè, na ken SEÑOR ta revelá su palabra, nan lo a aktua otro: Nan lo a resa supliká SEÑOR soberano pa no laga e kosnan di uso, ku a sobra ainda den tèmpel, den palasio real i na Herusalèm, tambe bai Babilonia.

Lamentashonnan 3:59

Husga na mi fabor, Bo sa kuantu malu mi enemigunan a hasi mi.

Yeremías 17:18

Laga mi persiguidónan keda brongosá, pero ami si nò; hinka teror den nan kurpa, no den esun di mi. Laga e dia di desgrasia bini pa nan; destruí nan mal destruí.