Salmo 94:23 - Papiamentu Bible 2013

²³ Lo E paga nan nan inikidat, l'E destruí nan komo pago pa nan malu. SEÑOR nos Dios lo kaba ku nan.

Beibel na Papiamentu Koriente 2013

²³ Lo E paga nan nan inikidat, l'E destruí nan komo pago pa nan malu. SEÑOR nos Dios lo kaba ku nan.

Salmo 94:23 Referans Kwoze

Salmo 7:16

E malu ku el a hasi ta kai bèk riba dje, su violensia ta pone ku e ta kibra su garganta.

Proverbionan 14:32

Mal hende ta keda ruiná pa su mes maldat, hende hustu ta sintié trankil, asta ora morto yega.

Proverbionan 2:22

Pero ta kore ku esnan ku no tin Dios i ta bari saka esnan ku no ta fiel na Dios.

Salmo 55:23

Ma Bo ta laga e otronan, o Dios, baha den pos yen di putrishon. Hende ku ta mata i gaña no ta kumpli ni mitar di nan añanan, pero ami ta konfia den Bo.

Proverbionan 5:22

Esun ku no tin Dios ta kai den trampa di su mes maldatnan, keda pegá den laso di su mes piká.

Salmo 64:8

Nan ta laga nan mes lenga hinka nan den pèrdishon; tur ku ta mira esei ta sakudí nan kabes,

Daniel 9:26

Despues di e sesentidos simannan nan ta kita bida di un hende konsagrá, sin ku e tabata kulpabel. I un lider lo bini ku su ehérsito i destruí e siudat i e tèmpel. E fin lo yega manera un inundashon i guera ku destrukshon lo sigui te na final, manera tabata determiná.

Daniel 7:24

E dies kachunan ta dies rei, ku lo lanta for di den e reino ei. Un di diesun rei, diferente for di esnan promé, lo tuma poder, despues di a tumba tres rei.

Ezekiel 18:24

Pero ora un hende hustu stòp di ta hustu? Ora e bai hasi kosnan inhustu i mes kosnan repugnante ku e hende malbado? Un hende asina ta keda na bida e ora ei? Nò. No ta tene kuenta ku tempu ku e tabata hasi kos hustu. Lo e muri, pasobra el a bira lomba pa Mi i a peka.

Proverbionan 1:31

P'esei boso lo kosechá loke boso a sembra, e skupi ku boso a skupi na shelu, ta kai den boso mes kara.

Salmo 12:3

SEÑOR ta tapa e boka yen di trastu, E ta mara e lenga ku ta blòf,

Ester 7:10

Asin'ei nan a kologá Haman na e palu ku el a laga traha pa Mordekai. E ora ei rei su rabia a baha.

Huesnan 9:57

Tambe Dios a laga e habitantenan di Shikem paga pa tur e kosnan malu ku nan a hasi. Asin'ei e maldishon di Yotam, yu di Yerubaal, a kai riba nan.

2 Reinan 19:7

Lo Mi influensi'é di tal manera ku e ta kere rumornan ku ta kore i bolbe su pais. Aya lo Mi laga mat'é.” ’

Salmo 109:20

Asina sea, di parti di SEÑOR, e pago di esnan ku ta keha mi i ku ta buta boka riba mi.

Proverbionan 5:23

Lo e muri pasobra e no ta gusta korekshon, su bobedat ta pon'é kai den pèrdishon.

Yeremías 36:31

Mi ta bai kastigá bo, bo desendientenan i funshonarionan pa nan malisia. Mi ta bai manda riba boso, tur siudadano di Herusalèm i habitantenan di Huda, tur desaster ku Mi a menasá boso kuné, pasobra niun hende no a skucha Mi.’