Salmo 93:1 - Papiamentu Bible 2013

¹ SEÑOR ta rei, bistí ku mahestat, SEÑOR, bistí i fahá ku poder! Mundu ta duru pará, inmovibel.

Beibel na Papiamentu Koriente 2013

¹ SEÑOR ta rei, bistí ku mahestat, SEÑOR, bistí i fahá ku poder! Mundu ta duru pará, inmovibel.

Salmo 93:1 Referans Kwoze

Salmo 96:10

Bisa pueblonan: ‘SEÑOR ta Rei! Mundu ta duru pará, inmovibel; lo E husga nashonnan ku hustisia.’

Salmo 99:1

SEÑOR ta Rei! — Laga pueblonan tembla. Kerubinnan ta su trono! — Laga tera sakudí.

1 Krónikanan 29:12

Tur rikesa i poder ta di Bo. Ku man firme Bo ta manda riba tur kos. Bo tin poder di hasi tur hende grandi i fuerte.

Revelashon 19:6

E ora ei mi a tende algu ku a zona manera stèm di un multitut grandi, manera un avalancha di awa, manera bos ku ta klap duru. Nan a grita: ‘Alabá sea Señor! Señor, nos Dios Todopoderoso, ta goberná komo Rei!

Salmo 103:19

SEÑOR a pone su trono den shelu, E ta rei riba tur tur kos.

Salmo 65:6

ku a fiha serunan ku propio forsa, Abo, bistí ku poder,

Isaías 45:18

SEÑOR, e úniko Dios, t'E a krea shelu; t'E a traha mundu, model'é i basha su fundeshi. E no a kre'é un espasio bashí pero un lugá pa hende biba ariba. SEÑOR ta bisa: ‘T'Ami so ta SEÑOR, niun otro!

Isaías 45:12

T'Ami mes a traha mundu i krea hende riba dje. Ku mi mes man M'a span shelu i manda streanan aparesé.

Salmo 97:1

SEÑOR ta Rei, laga mundu ta kontentu i alegria bai di isla pa isla.

Salmo 59:13

kaba ku nan den bo furia, destruí nan pa ningun di nan no sobra. Pa hende sa ku Dios ta manda den Yakob i te na puntanan ekstremo di mundu.

Hebreonan 1:8

Pero E ta bisa su Yu: ‘Bo trono, Dios, t'ei pa semper, bo sèpter real ta un sèpter di hustisia.

Isaías 59:17

E ta bisti hustisia manera korasa, salbashon E ta pone riba su kabes manera hèlmu, vengansa ta paña na su kurpa i zelo ardiente ta mantel ku ta tap'É.

Isaías 49:8

SEÑOR ta bisa: ‘N'e momento faborabel Mi ta skucha bo orashon; ora dia di liberashon yega, Mi ta sali pa yuda bo. Mi ta forma bo i destiná bo pa ta e hòmber di mi aliansa ku pueblo: Mi ta bolbe trese prosperidat p'e pais i parti e pais destruí di nobo.

Isaías 11:5

Manera faha semper mará na kurpa, asina hustisia i fieldat ta fah'é.

Salmo 145:13

Bo reino ta un reino eterno, bo dominio ta pa tur generashon. SEÑOR ta fiel na tur su promesanan, bondadoso den tur su akshonnan.

Salmo 18:32

E Dios ku ta faha mi sintura ku forsa i ku ta perkurá pa mi kaminda ta lizu;

Job 40:10

Ban mira, kubri bo mes ku poder i mahestat no, mustra Mi ku bo ta grandi i ku hende ta honra bo!

Mateo 6:13

i no laga nos kai den tentashon, ma libra nos di e malbado. [Pasobra di Bo e reino ta, tur poder i gloria, te den eternidat. Amèn.]

Isaías 63:1

‘Ken ta yega fo'i Bosra, den tera kòrá di Edom, bistí n'un paña kòrá bibu? Ken ta marcha bini ku un trahe luhoso na su kurpa, konsiente di su forsa? T'Ami, SEÑOR! Ami ta bin anunsiá viktoria, Ami, ku tin poder pa liberá mi pueblo.

Isaías 52:7

Est'un legria mira portadó di bon notisia bini riba seru, e mensahero ku ta grita: ‘Tur kos ta bon!’, ku ta anunsiá felisidat i liberashon i ta bisa abo, Herusalèm: ‘Bo Dios ta reina.’

Isaías 51:9

Lanta, SEÑOR, lanta lihé! Mustra bo poder! Us'é manera den tempu bieu. N' t'Abo a derotá Egipto i bora e mònster na Nilo?

Salmo 75:3

Tera ku tur su habitantenan por tembla: Ami a ankra su pilánan.

Isaías 51:16

Ami k'a pone shelu na su lugá i basha fundeshi di mundu, ta bisa bo, Herusalèm: T'abo ta mi pueblo. Abo mester proklamá mi mensahe i Mi ta pone mi man protektor riba bo.’

1 Krónikanan 16:30

tembla p'E henter mundu. Sí, mundu ta duru pará, inmovibel.

1 Krónikanan 16:31

Laga shelu ta kontentu, tera kanta, bisa tur nashon: ‘SEÑOR ta rei!’

Salmo 65:7

ku a plakia ronkamentu di laman, boroto di nan ola i tumulto di pueblonan.