Salmo 9:17 - Papiamentu Bible 2013

¹⁷ Mare hende sin Dios por bai reino di morto, tur e nashonnan ku no ke kòrda riba Dios.

Beibel na Papiamentu Koriente 2013

¹⁷ Mare hende sin Dios por bai reino di morto, tur e nashonnan ku no ke kòrda riba Dios.

Salmo 9:17 Referans Kwoze

Salmo 50:22

Komprondé e kos ei bon, boso tur, ku ta lubidá riba Dios, sino Mi ta sker boso na wèrki i lo n' tin hende pa salba boso.

Job 8:13

Hende ku no tin atenshon pa Dios, ta manera kaña ku no ta haña awa. Hende sin Dios ta muri sin speransa.

Revelashon 21:8

Pero destino di e kobardenan, infielnan, perversonan, asesinonan, paranderonan, hasidónan di bruha, sirbidónan di dios falsu i tur gañadó, ta den e lago di kandela i suafel ku ta kima. Esaki ta di dos morto.’

Yeremías 18:15

Pero mi pueblo sí a lubidá Mi, nan ta kima sakrifisio na diosnan falsu, ku a pone nan trompeká riba e kaminda bieu i konosí; nan a drenta hanchinan robes i resultá riba kamindanan será.

Yeremías 13:25

‘T'esei ta bo destino, Herusalèm,’ SEÑOR ta bisa, ‘t'esaki Mi a disidí pa bo, pasobra bo a lubidá riba Mi i a konfia den diosnan falsu.

Yeremías 2:32

Akaso un mucha muhé ta lubidá su adornonan, un brùit su bistí di brùit? Nò, nunka! Pero boso, mi pueblo, boso sí a lubidá Mi, ya pa basta aña kaba.

Revelashon 20:15

A benta tur esnan ku nan nòmber no tabata den e buki di bida, den e lago di kandela.

Isaías 5:14

P'esei reino di morto ku garganta kla pa guli, ta span su boka mas grandi ku e por. Noblesa di Herusalèm huntu ku e pueblo bochinchero ei ta kai i disparsé aden.

Isaías 3:11

Pero ai di e hende ku no ta di Dios, lo bai e malu! Loke el a hasi ku otro, nan lo hasi kuné.

Proverbionan 14:32

Mal hende ta keda ruiná pa su mes maldat, hende hustu ta sintié trankil, asta ora morto yega.

Salmo 106:13

Ma nan a lubidá su obranan mesora i no ker a warda pa tende su plannan;

Salmo 49:14

Manera un tou di karné nan ta hundi den abismo — Lamuèrtè ta shi nan komo wardadó — nan ta kana derechitu bai nan graf; nan aparensia pokopoko ta blikia i reino di morto lo sirbi nan pa kas.

Salmo 44:20

Si akaso nos por a lubidá SEÑOR su nòmber i por a hisa nos man na un otro dios,

Hoséas 2:13

Lo Mi kastig'é pa e dianan di fiesta riba kua e tabata adorá Baalnan, riba kua e tabata ofresé nan sakrifisio i tur na renchi i kadena tabata kana tras di su amantenan. Riba Mi e no tabata kòrda!’ Esei ta loke SEÑOR ta bisa.

Yeremías 3:21

‘Bo ta tende bochincha riba kabes pelá di seru. Ta pueblo di Israel ta yora i sklama pa pordon, pasobra nan a lubidá Ami, SEÑOR nan Dios, i nan a sigui e kaminda robes.

Salmo 44:17

Tur e kosnan ei ta pasa nos i sinembargo nos no a lubidá Bo ni a kibra bo Aliansa.

Job 5:13

E ta kohe e astuto den su mes trampa i kaba ku e chake di e gañadó den un fregá di wowo.

Proverbionan 5:22

Esun ku no tin Dios ta kai den trampa di su mes maldatnan, keda pegá den laso di su mes piká.

Ezekiel 22:16

Dor di bo mes falta lo deshonrá bo dilanti di e pueblonan. E ora ei lo bo rekonosé ku t'Ami ta SEÑOR.’