Salmo 82:3 - Papiamentu Bible 2013

³ Hasi hustisia na pober i wérfano, defendé hende den apuro i sin amparo.

Beibel na Papiamentu Koriente 2013

³ Hasi hustisia na pober i wérfano, defendé hende den apuro i sin amparo.

Salmo 82:3 Referans Kwoze

Salmo 10:18

Sali pa wérfano, pa hende oprimí, pa ningun hende mortal no yen'é mas ku teror.

Hakobo 1:27

Ata aki loke Dios Tata ta konsiderá dedikashon puru i ireprochabel: buska drechi di e wérfano i biuda ku ta pasa trafat, i wak pa maldat di e mundu akí no susha bo.

Yeremías 22:16

E tabata sali pa hende pober i pa hende den nesesidat, p'esei tur kos tabata progresá. T'asina yama konosé Mi.

Yeremías 22:3

Ata loke SEÑOR ta bisa: “Hasi loke ta bon i hustu, i si a eksplotá un hende, boso mester salb'é for di gara di su opresor. Trata strañero, wérfano i biuda bon, no usa violensia kontra nan. Stòp di drama sanger di hende inosente na e lugá akí.

Yeremías 5:28

nan ta grandi i gordo. Nan krímennan no tin límite, hustisia ta mal pará serka nan: nan no ta sali pa wérfanonan ni defendé derecho di pobernan.

Deuteronomio 24:17

Boso no mag violá derecho di strañero òf wérfano ni tuma paña di un biuda komo pant.

Isaías 1:23

Bo gobernantenan ta rebelde, kompinchi di ladron. Tur gusta pa hende susha nan man i ta ansioso pa tuma sèn bou 'i mesa. Nan no ta trata wérfano ku hustisia i keho di biuda no ta importá nan.

Isaías 1:17

Siña hasi bon: respetá derecho di hende, pone probechadó hasi loke ta drechi, duna wérfano su derecho, sali na defensa di biudanan.’

Deuteronomio 10:18

ma ku ta hustu pa wérfano i biuda i ta duna strañero ku ta biba serka boso kuminda i paña pa demostrá amor.

Éksodo 23:3

Den kaso di hustisia no sea na fabor di un hende, djis pasobra e ta pober.

Éksodo 23:6

No trose hustisia durante huisio di un hende pober.

Job 29:12

pasobra mi tabata sali pa hende pober, ku tabata grita pidi ousilio i mi tabata yuda e mucha sin tata, ku no tabatin niun hende pa yud'é.

Job 31:21

Si mi a yega di lanta man pa yu sin tata, sabiendo ku mi por a gana nan den korte,

Proverbionan 31:9

Habri boka i husga honestamente; defendé derecho di hende pober i di esnan den nesesidat.

Zakarías 7:9

‘T'esaki Ami, SEÑOR soberano, a bisa: “Husga ku honestidat i demostrá otro amor i kompashon.