Salmo 78:7 - Papiamentu Bible 2013

⁷ pa nan tambe konfia den SEÑOR, no lubidá Dios su obranan grandi, sino mas bien opservá su mandamentunan;

Beibel na Papiamentu Koriente 2013

⁷ pa nan tambe konfia den SEÑOR, no lubidá Dios su obranan grandi, sino mas bien opservá su mandamentunan;

Salmo 78:7 Referans Kwoze

Deuteronomio 5:29

Mare ta semper nan tabatin tantu rèspèt di mi i semper nan tabata asina dispuesto na kumpli ku mi mandamentunan. E ora ei semper lo bai nan i nan desendientenan bon.

Revelashon 14:12

Aki ta konta perseveransia di esnan ku ta pertenesé na Dios, di esnan ku ta kumpli ku Dios su mandamentunan i ta keda tene na e fe den Hesus.

1 Huan 5:3

Pasobra stima Dios ke men kumpli ku su mandamentunan. Anto su mandamentunan no ta un peso pa nos,

Deuteronomio 4:9

Asina ta, tene mashá kuidou. Warda rekuerdo di tur loke boso mes a mira den boso kurason tanten boso ta na bida i konta boso yunan i boso ñetunan despues.

Salmo 103:2

Mi alma, alabá SEÑOR, no lubidá ningun di su fabornan:

Salmo 91:14

‘Si e tene na Mi, lo Mi salb'é; lo Mi als'é, si e tin rèspèt pa mi nòmber.

Salmo 40:4

Felis ta e hende ku ta konfia firmemente den SEÑOR, ku no ta anda ku sobèrbènan, ku hende pèrdí den nan mentiranan.

Deuteronomio 8:11

Tene mashá kuidou pa boso no lubidá riba SEÑOR, boso Dios. No keda sin kumpli ku su mandamentunan, su leinan i su reglanan ku mi a duna boso awe.

Deuteronomio 8:2

Keda kòrda ku SEÑOR, boso Dios, a laga boso pasa e kuarenta añanan ei dor di desierto pa hasi boso humilde i pa pone boso na prueba. E ker a sa kiko tabata biba den boso, ku boso lo a kumpli ku su mandamentunan sí òf nò.

1 Pedro 1:21

Pa medio di djE boso ta kere den Dios ku a lant'É for di morto i glorifik'É. P'esei boso ta kere den Dios i spera riba djE.

1 Korintionan 11:24

yama Dios danki, kibr'é i bisa: ‘Esaki ta mi kurpa; e ta pa boso. Hasi esaki pa boso kòrda riba Mi.’

Salmo 146:5

Felis ta esun ku ta buska su yudansa serka Dios di Yakob, esun ku ta pone su konfiansa henteramente den SEÑOR su Dios,

Salmo 105:5

Rekordá e kosnan milagroso k'El a hasi, su señalnan, e òrdunan saliendo fo'i su boka,

Salmo 62:5

Buska bo pas serka Dios so, mi alma, di djE so bo por keda sper'é.

Deuteronomio 6:12

tene mashá kuidou pa boso no lubidá SEÑOR ku a saka boso for di Egipto, e kurá di katibu.

Deuteronomio 6:21

bisa boso yu e ora ei: “Nos tabata katibu di fárao na Egipto, pero SEÑOR a saka nos ku man fuerte for di Egipto.

Deuteronomio 6:25

Nos ta hasi boluntat di SEÑOR, nos Dios, ora nos kumpli kuidadosamente ku tur e mandamentunan akí, manera El a ordená nos.”

Salmo 105:45

pa nan por a opservá su dekretonan i por a kumpli ku su leinan. Alabá sea SEÑOR!