Salmo 77:2 - Papiamentu Bible 2013

² Den mi ansha mi ta buska SEÑOR, ku mi man henter anochi na laria, sin kansa di pidi yudansa. Mi alma ta nenga konsuelo.

Beibel na Papiamentu Koriente 2013

² Den mi ansha mi ta buska SEÑOR, ku mi man henter anochi na laria, sin kansa di pidi yudansa. Mi alma ta nenga konsuelo.

Salmo 77:2 Referans Kwoze

Salmo 50:15

Si e ora ei bo yama Mi den apuro, lo Mi libra bo i abo lo honra Mi.’

Génesis 37:35

Tur su yunan hòmber i muhé, tabata purba konsol'é, pero e no ker a tende di nan; al kontrario e tabata yora su yu i tabata bisa: ‘Mi ta keda yora mi yu, te dia mi bolbe uni kuné den reino di morto.’

Isaías 26:9

Den anochi mi ta anhelá Bo di henter mi kurason, sí, ansiosamente mi ta buska Bo den profundidat di mi ser, pasobra ta te ora mundu sinti peso di bo sentensia, su habitantenan lo sa ki ta hustisia.

Isaías 26:16

SEÑOR, ora hende ta den pèrtá, ta serka Bo nan ta buska yudansa; pero ora Bo kastigá, nan ta purba di para bo kastigu murmurando fórmulanan mágiko.

Hebreonan 5:7

Durante su bida na mundu El a resa i supliká Dios, ku por a salb'É for di morto, bou di gritu i yoramentu. I Dios a skuch'É pasobra El a someté su mes na Dios.

Hoséas 5:13

Efraim a haña sa ku e tabata malu i Huda a mira su postema. E ora ei Efraim a dirigí su mes na Asiria, manda mensaheronan serka e gran rei. Pero e no ta kapas pa kura boso, e no por kita boso postemanan.

Yeremías 31:15

T'esaki SEÑOR ta bisa: ‘Skucha! Un hende na Rama ta keha i yora amargamente. Ta Raquel ta yora su yunan, pasobra nan no t'ei mas; e no ke konsuelo.’

Huan 11:31

Ora e hendenan ku tabata konsolá Maria na kas, a mir'é lanta bai purá, nan a siguié. Nan a pensa ku ta graf di Lázaro e tabata bai bishitá pa yora morto di su ruman.

Hoséas 6:1

E pueblo ta bisa: ‘Ban, laga nos ban bèk serka SEÑOR. El a sker nos, pero lo E kura nos. El a dal nos, pero lo mara ferbant na nos heridanan.

Proverbionan 18:14

Ora di malesa, ánimo ta tene hende riba pia, pero si un hende no tin ánimo, kon e ta hasi lant'ariba?

Salmo 86:7

Den mi ansha mi ta grita yama Bo, pasobra Abo lo tende mi sigur.

Salmo 63:6

Drumí na kama mi ta kòrda riba Bo, mi ta pensa riba Bo henter anochi,

Salmo 18:6

Den mi ansha mi a sklama na SEÑOR, sí, mi a grita duru na mi Dios. El a skucha mi stèm fo'i su palasio selestial, mi gritu di ousilio a yega na su orea.

Job 11:13

Job, si abo habri bo kurason pa Dios, bo habri bo plant'i mannan i alsa nan den orashon,

2 Krónikanan 6:28

Si tin mizeria di hamber den e pais, tin pèster, e kosecha kohe beskein òf pashimá, òf bini plaga di dalakochi i kriki, si enemigu ataká e pais na su fronteranan òf kualke otro desgrasia òf malesa kai riba nos,

Génesis 32:28

E ora ei e hòmber a bis'é: ‘Lo bo no yama Yakob mas; pero Israel pasobra bo a lucha ku Dios i ku hende i bo a sali ganadó.’

Salmo 55:17

Anochi, mainta i mèrdia mi ta grita yora i keha: i enberdat E ta tende mi stèm.