Salmo 71:20 - Papiamentu Bible 2013

²⁰ Ounke Bo a pèrmití pa mi a wanta hopi mizeria pisá, lo Bo bolbe duna mi bida i lo lanta mi for di fondo di tera.

Beibel na Papiamentu Koriente 2013

²⁰ Ounke Bo a pèrmití pa mi a wanta hopi mizeria pisá, lo Bo bolbe duna mi bida i lo lanta mi for di fondo di tera.

Salmo 71:20 Referans Kwoze

Salmo 138:7

Kada be ku mi haña mi den peliger Bo ta mantené mi na bida; Bo ta hisa man kontra furor di enemigu, bo man drechi ta duna mi salbashon.

Salmo 60:3

Bo a laga bo pueblo pasa den duru, Bo a laga nos bebe un biña ku ta turdi.

Salmo 86:13

Pasobra grandi bo klemensia ta pa mi, i B'a salba mi dje abismo profundo.

Salmo 80:18

anto nos lo n' bandoná Bo nunka mas. Duna nos bida i nos lo invoká Bo!

Yonas 2:6

Mi a senk bai te den fondo di laman kaminda serunan tin nan orígen; portanan di mundu a sera pa semper mi tras. Pero Abo, SEÑOR mi Dios, a saka mi bibu for di e abismo akí.

Salmo 119:25

Ata mi den stòf: duna mi bida konforme bo promesa.

Salmo 16:10

ya ku Bo no ta entregá mi na morto, Bo no ta laga bo amigu mira graf.

Revelashon 7:14

‘Ami no sa, mi shon,’ mi a kontestá, ‘pero abo sa.’ El a bisa: ‘Esakinan ta esnan ku a pasa den opreshon grandi. Nan a laba nan pañanan i a hasi nan blanku dor di purifiká nan ku sanger di e Lamchi.

Efesionan 4:9

Awor ta kiko ta nifiká: ‘El a subi bai ariba’? Klaro ku lo E mester a yega di baha bini te na e parti mas abou, esta riba mundu mes!

Marko 15:34

Tres or Hesus a dal un gritu duru: ‘Eloi, Eloi, lama sabagtani?’ Tradusí esei ta nifiká: ‘Mi Dios, mi Dios, pakiko Bo a bandoná Mi?’

Isaías 38:17

Sigur, mi sufrimentu tan amargo tabata pa mi mes bon. Bo a rondoná mi ku bo amor tierno, salba mi for di graf i tira tur mi pikánan tra'i bo lomba.

Isaías 26:19

SEÑOR, bo mortonan lo bolbe biba, kadavernan di mi pueblo lo lanta atrobe. Boso tur, drumí bou 'i tera, spièrta i grita di alegria. E serena ku ta tapa boso ta yená ku lus. P'esei tera ta debolbé su mortonan.

Salmo 85:6

Bo n' por laga nos biba un bida nobo, pa bo pueblo bolbe legra den Bo?

2 Samuel 12:11

Asina SEÑOR ta bisa: “Lo Mi laga bo mes famia kousa desasternan den bo bida. Lo bo sinta mira kon Mi ta kita bo muhénan for di bo duna un hende yegá di bo ku lo drumi ku nan di dia kla.

Echonan 2:24

Pero Dios a libr'É for di agonia di morto i lant'É, pasobra morto no por a ten'É bou di su dominio.

1 Samuel 2:6

SEÑOR ta kita i duna bida, E ta pone hende na rant di graf i djei E ta lanta nan atrobe.

Salmo 60:5

Pa bo yunan stimá por haña libertat: salba nos ku bo man fuerte, skucha nos!

Salmo 95:4

E tin fondo di tera den su man, kabes di serunan tambe ta di djE.