Salmo 50:21 - Papiamentu Bible 2013

²¹ Eseinan ta loke bo a hasi, anto Ami lo mester keda ketu? Bo ta kere ku Mi ta manera bo? Lo Mi keha bo, konfrontá bo ku tur kos.

Beibel na Papiamentu Koriente 2013

²¹ Eseinan ta loke bo a hasi, anto Ami lo mester keda ketu? Bo ta kere ku Mi ta manera bo? Lo Mi keha bo, konfrontá bo ku tur kos.

Salmo 50:21 Referans Kwoze

Isaías 57:11

Di ken bo tin miedu antó, pa ken bo ta sinti rèspèt ainda? N'Ami sí bo tabata infiel, riba Ami sí bo n' pensa, pero esei no ta molestiá bo. M'a keda ketu muchu largu p'esei b'a pensa ku bo n' ta'tin ku tene kuenta ku Mi.

Proverbionan 29:1

Hende ku keda tèrko apesar di korekshon, n'un momento dado ta haña asin'un kastigu, ku n' tin awa pa lab'é mas.

Salmo 90:8

Bo ta tene nos maldatnan bo dilanti, nos sekretonan den lus di bo Kara.

1 Korintionan 4:5

P'esei no husga niun hende, promé ku e tempu indiká. Warda te ora Señor bini. E lo saka na kla loke ta skondí den skuridat i lo mustra e intenshonnan ku hende tin den su kurason. Kada ken lo haña e elogio ku e meresé, serka Dios.

Isaías 42:14

‘Hopi tempu Mi n' bisa nada, M'a keda ketu i wanta. Ma awor sí, awor Mi ta grita manera un muhé dunando lus ku rosea pisá i bou 'i kehamentu.

Predikador 12:14

Pasobra Dios lo husga tur kos ku bo hasi, asta loke hende no por mira, sea ku ta algu bon òf algu malu.

Salmo 50:3

Nos Dios ta bini, lo E no keda ketu; dilant'i djE tin un kandela golos, rònt di djE un tempestat violento.

Amos 8:7

SEÑOR, gran orguyo di pueblo di Yakob, a hura: ‘Nunka lo Mi no lubidá loke nan a hasi.

Salmo 73:11

Nan ta bisa: ‘Kon Dios lo por sa? Dios Altísimo lo kai ariba antó?’

Revelashon 3:19

Mi ta skual i disipliná kada un ku Mi ta stima. Sea antó yen di zelo i kombertí boso!

Isaías 26:10

Pero esnan ku no ta tende di Bo lo no siña nunka ki ta hustisia, si Bo no duna nan kastigu. Asta den e pais di hustisia nan ta sigui hasi malu; nan ta siegu pa SEÑOR su grandesa.

2 Pedro 3:9

No ta tarda Señor ta tarda pa kumpli ku su promesa, manera algun hende ta suponé, pero ta pasenshi E tin ku boso. Señor no ke pa niun hende bai pèrdí. E ke pa tur hende kombertí i sigui su boluntat.

Numbernan 23:19

Dios no ta manera hende, E no sa gaña, E no ta manera yu di hende, E no ta haña duele di loke E bisa. Lo E bisa un kos, keda sin hasié? Primintí algu i keda sin kumpli kuné?

Éksodo 3:14

Dios a bisa Moises: ‘AMI TA ESUN KU TA.’ Bisa e israelitanan asin'akí: ‘Esun yamá AMI TA a manda mi serka boso.’

Salmo 50:8

Mi no ta kritiká bo sakrifisionan, pasobra Bo ta presentá Mi tur dia bo animalnan, kimá riba altá.

Job 34:33

Anto awor ábo, Dios mester rekompensá abo, ounke bo nenga di arepentí? Duna mi bo opinion, tòg n' t'abo ta disidí? No ámi!

Yeremías 2:23

Kon bo ta tribi bisa: “Mi no a hasi nada impuru. Mi no a sigui kulto di Baalnan.” Wak kon bo ta komportá den e vaye; atmití loke bo a hasi. Bo ta kore pariba pabou, pa bo kuenta manera kamel lops.