Salmo 5:4 - Papiamentu Bible 2013

⁴ Bo n' ta un Dios ku gusta nada malu, Bo n' ke maldat den bo presensia.

Beibel na Papiamentu Koriente 2013

⁴ Bo n' ta un Dios ku gusta nada malu, Bo n' ke maldat den bo presensia.

Salmo 5:4 Referans Kwoze

Salmo 11:5

SEÑOR ta tèst hende hustu i pekadó. Di henter su kurason E ta odia esnan ku ta gusta violensia.

Hebreonan 12:14

Hasi esfuerso pa biba na pas ku tur hende i trata di biba santu. Es ku no biba santu, no ta mira Señor nunka.

Malakías 2:17

Boso ta kansa Dios ku boso papiamentu. I boso ta bisa e ora ei: ‘Kon asina?’ Esei boso a hasi ora boso a bisa: ‘Den bista di SEÑOR tur hende ku ta hasi maldat ta bon hende; E ta kontentu ku nan.’ Òf ora boso a puntra: ‘Unda Dios su trato hustu a keda?’

Salmo 140:13

Sí, hende hustu lo gaba bo nòmber i esnan ku ta semper piadoso lo permanesé den bo presensia.

Salmo 50:21

Eseinan ta loke bo a hasi, anto Ami lo mester keda ketu? Bo ta kere ku Mi ta manera bo? Lo Mi keha bo, konfrontá bo ku tur kos.

Revelashon 21:27

Pero nada ku ta impuru, lo no drenta e siudat, ni esnan ku ta hasi kos repugnante òf saka mentira. Solamente esnan ku ta notá den e buki di bida, buki di e Lamchi, ta drenta.

Habakuk 1:13

Nèt Abo, ku no sa mira malu ku wowo, ku no por wanta inhustisia, pakiko Bo ta keda ta blo mira, miéntras e hendenan traishonero akí ta hasi i deshasí? Pakiko Bo ta keda ketu ora e malbadonan ei ta habraká otro hende ku ta muchu mas hustu ku nan?

Salmo 92:15

proklamando kon hustu SEÑOR ta, Dios, mi Baranka! Nada malu n' tin den djE!

2 Pedro 3:13

Pero nos ta warda riba e shelu i tera nobo kaminda tur hende lo biba un bida rekto, tur esaki di akuerdo ku loke Dios a primintí.

Salmo 101:7

Den mi kas no por biba ningun hende ku ta gusta gaña otro. Un papiadó di mentira no por biba kaminda ami por mir'é.

Salmo 94:20

Bo tin lei ku un tribunal di pèrdishon, un ku ta hasi inhustisia legal?

Revelashon 21:23

E siudat no tin mester di lus di solo, ni di luna, pasobra splendor di Dios ta ilumin'é i e Lamchi ta su lampi.

Huan 14:23

Hesus a kontest'é: ‘Si un hende ta stima Mi, e ta obedesé mi palabra i mi Tata lo stim'é; nos lo bini serka dje i keda biba serka dje.

1 Krónikanan 29:17

Mi sa, SEÑOR, ku Bo ta weta den kurason di hende i ku sinseridat ta agradá Bo mas ku tur kos. Mi a duna Bo tur e kosnan akí boluntariamente i ku un kurason sinsero. I ku alegria mi a weta kon bo pueblo ku ta aki presente spontáneamente a trese regalo pa Bo.

Salmo 63:2

Kon m'a fiha riba Bo den tèmpel pa kontemplá bo poder i bo gloria;

Salmo 88:14

Pakiko rechasá mi, SEÑOR, pakiko skonde bo Kara pa mi?