Salmo 46:3 - Papiamentu Bible 2013

³ maske awa di laman por ronka i skuma òf serunan krak pa su forsa tumultuoso. (SEÑOR di universo — E ta ku nos. Dios di Yakob ta un fòrti pa nos.)

Beibel na Papiamentu Koriente 2013

³ maske awa di laman por ronka i skuma òf serunan krak pa su forsa tumultuoso. (SEÑOR di universo — E ta ku nos. Dios di Yakob ta un fòrti pa nos.)

Salmo 46:3 Referans Kwoze

Yeremías 5:22

Di kon boso no tin rèspèt di Mi, ni no ta para tembla Mi dilanti? Mi a krea playa komo límite di laman, un límite ku laman no ta pasa nunka. Maske e olanan lora bini, nunka nan no por sigui bai mas leu; maske kuantu nan bati kontra e barera ei, nan no por kibr'é.

Nahum 1:5

Den presensia di SEÑOR serunan ta tembla, seritunan ta tambaliá. Ora SEÑOR aparesé, tera ta sakudí i mundu ku tur loke tin riba dje, ta tembla.

Mikéas 1:4

E ta laga serunan dirti bou di su pia manera was kayente. Vayenan ta sker habri manera roi ku awa, bashando for di seru, ta koba.

Revelashon 16:20

Tur isla a disparsé i no por a mira seru mas.

Mateo 7:25

Áwaseru a kai, riu a subi tera i bientu a suta kontra e kas, ma e kas no a basha aden. Pasobra e tabata trahá riba baranka.

Isaías 5:3

Mi amigu a bisa: ‘Ban mira, habitantenan di Herusalèm, hendenan di Huda, husga awor kua di nos dos tin falta, mi hòfi di wendrùif o ami.

Salmo 18:4

Lasonan di morto tabatin mi mará, roinan di awa brutu a pasa riba mi,

Job 38:11

ora a bis'é: “Te aki bo ta yega, no mas leu; aki bo olanan orguyoso tin ku wanta”?

Revelashon 17:15

Tambe e angel a bisa mi: ‘E awa ku bo a mira, kaminda e muhé tabata sintá na kantu, ta representá tur pueblo i nashon, rasa i idioma.

Yeremías 4:24

Mi a wak seru — nan tabata sakudí i tur seritu tabata zuai bai bini.

1 Reinan 19:11

SEÑOR a bis'é: ‘Sali pafó, bai para riba seru Mi dilanti.’ E ora ei SEÑOR a pasa. A supla un bientu duru i fuerte dilanti di SEÑOR. E bientu a habri serunan for di otro i a garna e barankanan, pero SEÑOR no tabata den dje. Despues di e bientu a pasa un temblor, pero SEÑOR no tabata den e temblor.

Isaías 54:10

Asta si serunan kambia di lugá i seritunan tambaliá, mi amor pa bo sí no ta kambia hamas, mi kompromiso pa sigurá bo felisidat tampoko no ta tambaliá. T'Ami, SEÑOR, ta bisa esei, Ami ku ta demostrá bo mi kompashon.