Salmo 46:2 - Papiamentu Bible 2013

² P'esei nos no tin miedu, maske tera por tembla, òf serunan hundi den fondo di laman;

Beibel na Papiamentu Koriente 2013

² P'esei nos no tin miedu, maske tera por tembla, òf serunan hundi den fondo di laman;

Salmo 46:2 Referans Kwoze

Salmo 23:4

Maske mi pasa den e klof di mas skur, mi n' tin miedu di nada: Abo t'ei ku bo garoti i bastòn, ta nan ta mi amparo.

Hebreonan 13:6

P'esei nos por bisa ku konfiansa: ‘Señor ta yuda mi; p'esei mi n' tin miedu. Anto kiko hende por hasi mi?’

Salmo 27:3

Si un ehérsito mes mester changa mi, mi kurason lo n' tin miedu; si nan rondoná mi pa ataká mi, lo mi keda trankil.

Mateo 21:21

Hesus a bisa nan: ‘Mi ta sigurá boso: si boso konfia i no duda, no solamente loke Mi a hasi ku e palu di figo ei boso lo hasi, sino asta si boso bisa e seru akí: “Hisa bo mes benta den laman”, lo sosodé asina tambe!

Lukas 21:33

Shelu i tera lo pasa bai, ma mi palabranan sí lo no pasa bai!

Salmo 82:5

Nan no sa ni nan no ta komprondé, ta den skuridat nan ta kana; tur fundeshi di mundu ta tembla.

Salmo 18:7

Kaba tera a sakudí i a kuminsá krak, fundeshi di serunan a tambaliá, nan a tembla pasobra El a baha su rabia.

2 Samuel 22:3

Mi Dios, e baranka pa mi skonde, mi eskudo, arma di mi viktoria, baluarte, mi asilo, mi refugio, Bo ta libra mi di hende violento.

Salmo 28:7

SEÑOR ta mi forsa, mi eskudo: mi kurason tin fe den djE. Anto mi a haña yudansa, mi kurason ta hubilá i mi ta gradisiÉ den mi kantika.

Salmo 37:39

SEÑOR ta Esun ku ta salba hende hustu, E ta nan fòrti den tempu difísil.

Salmo 59:17

Mi Fortalesa, lo mi kanta pa Bo: Dios ta mi fòrti fuerte. E ta mi Dios bondadoso.

Salmo 62:8

Mi pueblo, konfia semper den djE, deshogá bo kurason serka djE. Ta Dios, t'E ta nos refugio.

Salmo 62:9

Hende: un rosea, nada mas! Hende mortal: puru ilushon! Riba balansa ta nan ta subi, tur huntu apénas un rosea.

Salmo 91:2

bisa SEÑOR: ‘Mi refugio, mi fòrti, mi Dios, den kende mi ta pone mi konfiansa!’

Salmo 142:6

Hasi kaso di mi gritu di ousilio, pasobra mi a pèrdè tur forsa. Libra mi di esnan ku ta mi tras, nan ta muchu mas fuerte ku mi.

Yeremías 14:8

O, Speransa di Israel, nos Salbador den tempunan difísil, pakiko Bo ta hasi manera Bo no tin kunes ku nos pais, manera ta wéspet pa un anochi Bo ta?

Nahum 1:7

SEÑOR ta bon; E ta un fòrti den tempu di angustia; un refugio pa tur ku skonde serka djE.