Salmo 42:4 - Papiamentu Bible 2013

⁴ Awa ta yena mi wowo ora mi kòrda kon mi tabata kana dilanti bayendo kas di Dios ku gritu di alegria i alabansa, e muchedumbre tur di fiesta.

Beibel na Papiamentu Koriente 2013

⁴ Awa ta yena mi wowo ora mi kòrda kon mi tabata kana dilanti bayendo kas di Dios ku gritu di alegria i alabansa, e muchedumbre tur di fiesta.

Salmo 42:4 Referans Kwoze

Isaías 30:29

Boso enkambio lo kanta kantika manera riba anochi di fiesta sagrado; boso kurason lo ta kontentu, manera ora, tokando flùit, sa subi seru di SEÑOR, e Baranka di Israel.

Salmo 122:1

Ki alegria, ora nan a bisa mi: ‘Ban kas di SEÑOR!’

Salmo 62:8

Mi pueblo, konfia semper den djE, deshogá bo kurason serka djE. Ta Dios, t'E ta nos refugio.

Nahum 1:15

Mira, ata un mensahero ta bini riba seru ku bon notisia. E ta na kaminda pa anunsiá un tempu di pas. Pueblo di Huda, selebrá bo fiestanan i kumpli ku e promesanan, hasí na Dios. Nunka mas mal hende lo no invadí bo pais. Nan ta kompletamente destruí.

Salmo 100:4

Drenta su portanan ku gradisimentu, drenta su tèmpel ku kantika di alabansa, glorifik'É, bendishoná su nòmber.

Salmo 55:14

Nos ta'ta biba na grasia ku otro; kon nos tabata bai kas di Dios meimei di e muchedumbre di fiesta…

Lukas 16:25

Ma Abraham a bis'é: “Mi yu, kòrda kuantu kos bon bo a haña tempu bo tabata na bida i kon malu Lázaro a pasa. Ma awor e ta risibí konsuelo aki i abo ta den agonia.

Lamentashonnan 2:19

Lanta den anochi, mama Herusalèm, yena e oranan di anochi ku bo lamentashon. Buska presensia di Señor i deshogá bo kurason serka djE; alsa bo mannan n'E i suplik'É pa salba bida di bo yunan, ku ta muriendo di hamber na kada skina di kaya.

Job 29:2

‘Ai, mare tabata manera ántes, tempu Dios tabata protegé mi ainda;

2 Krónikanan 7:10

Dia bintitres di e di shete luna, Salomon a manda e hendenan kas. Nan a bai kontentu i satisfecho pa e bondat ku SEÑOR a mustra David, Salomon i su pueblo Israel.

Ruth 1:21

Mi a sali di aki man yen, pero SEÑOR a pone mi bolbe man bashí. Pakiko yama mi Noemi? SEÑOR Todopoderoso no a kondená mi i trata mi malu?’

Deuteronomio 16:11

Gosa den presensia di SEÑOR, boso Dios, huntu ku boso yunan, boso katibunan, ku e levitanan ku ta biba serka boso i ku e strañeronan, e wérfanonan i e biudanan ku tin serka boso, na e lugá ku SEÑOR, boso Dios, skohe pa manifestá su presensia.

Lamentashonnan 4:1

Aiaiai, esta dòf e oro a bira, e oro puru a pèrdè tur su brio! A benta tur piedra presioso afó, nan ta plamá na tur skina di kaya.

2 Reinan 18:30

No lag'é pone boso konfia den SEÑOR bisando boso ku SEÑOR lo salba boso sigur i ku SEÑOR lo no laga e siudat akí kai den poder di e rei di Asiria.”

2 Reinan 18:32

I dia mi bini, lo mi hiba boso un pais meskos ku esun di boso, un pais di trigo i di biña, un pais kaminda tin pan i hòfi di wendrùif, un pais ku palu di oleifi, zeta di oleifi i miel. Biba boso lo biba na lugá di muri! P'esei no bai tras di Ezekías, gaña e ta gaña boso, ora e bisa ku SEÑOR lo salba boso.

Salmo 79:10

Ki mishi paganonan bisa: ‘Unda nan Dios ta?’ Mare ku dilanti di nos bista paganonan por yega na sinti kon Bo ta venga e sanger ku bo sirbidónan a drama.

Salmo 80:6

Nos t'un motibu di pleitu pa bisiñanan, nos enemigunan ta chèrchè nos.

Salmo 102:10

pa motibu di bo rabia i bo furia: Bo a hisa mi benta mi afó.

Salmo 115:2

pa paganonan no tin ku bisa: ‘Na unda nan Dios ta porfin?’

Salmo 122:8

Pa amor di mi rumannan i amigunan mi ta bisa: ‘Pas pa bo!’

Ezekiel 46:10

E gobernante ta drenta i sali pareu ku e pueblo.

Yoel 2:17

Saserdotenan, esnan ku ta sirbi SEÑOR, mester para meimei di entrada di tèmpel ku altá yora i resa: ‘Tene mizerikòrdia ku bo pueblo, SEÑOR, No laga otronan hasi bofon di bo mes propiedat, no laga e pueblonan hasi chèrchè: “Unda e Dios di Israel ta en realidat?” ’