Salmo 39:12 - Papiamentu Bible 2013

¹² SEÑOR, skucha mi orashon, hasi kaso di mi gritu di ousilio; no keda surdu pa mi kehonan. Mi no ta un wéspet serka Bo? Ta serka Bo mi ta biba, manera ántes ayá tur mi grandinan.

Beibel na Papiamentu Koriente 2013

¹² SEÑOR, skucha mi orashon, hasi kaso di mi gritu di ousilio; no keda surdu pa mi kehonan. Mi no ta un wéspet serka Bo? Ta serka Bo mi ta biba, manera ántes ayá tur mi grandinan.

Salmo 39:12 Referans Kwoze

1 Pedro 2:11

Rumannan stimá, mi ke hasi e siguiente apelashon na boso ku ta strañero i bishitante den e mundu akí: No entregá boso na pashon baho ku semper ta na guera ku hende su alma.

Hebreonan 11:13

Den fe nan tur a muri sin haña loke Dios a primintí nan. Pero esei nan a mira for djaleu i nan a keda kontentu kuné. Nan a rekonosé ku na mundu nan tabata strañero i habitante pasahero.

Salmo 119:19

Mi ta un peregrino riba mundu, no skonde bo mandatonan pa mi.

Levítiko 25:23

No por bende un tera nunka definitivamente, pasobra e tera ta pertenesé na Mi, i boso ta biba serka Mi manera strañero ku djis por hasi uso di e pais.

Génesis 47:9

Yakob a kontest'é: ‘Mi tin 130 aña ta bai di un lugá pa otro, komo strañero. Den e poko tempu ei mi a pasa den hopi kos. I ainda mi no a alkansá e kantidat di aña ku mi antepasadonan a biba komo strañero.’

1 Pedro 1:17

Boso ta yama Dios boso Tata; E ta Esun ku ta husga tur hende di akuerdo ku loke nan hasi, sin tuma parti pa niun. P'esei sòru biba ku temor p'E, tanten boso ta riba e mundu akí komo strañero!

Salmo 56:8

Kuantu be mi a dualu, Abo so a hiba kuenta di esei. Bo ta tuma nota di mi lágrimanan; Bo no a skibi nan den bo buki?

1 Krónikanan 29:15

Bo sa, SEÑOR, ku nos ta strañero, hende sin paradero, meskos ku nos antepasadonan. Nos bida aki na mundu ta manera un sombra, sin seguridat.

2 Reinan 20:5

‘Bai bèk i partisipá Ezekías, rei di mi pueblo, ku SEÑOR, Dios di su antepasado David, ta bisa: “Mi a skucha bo orashon i mira bo lágrimanan; p'esei Mi ta kura bo i denter di tres dia bo por bai tèmpel di SEÑOR.

Hebreonan 5:7

Durante su bida na mundu El a resa i supliká Dios, ku por a salb'É for di morto, bou di gritu i yoramentu. I Dios a skuch'É pasobra El a someté su mes na Dios.

Salmo 116:3

Ora morto a shorotá mi ku kabuya, ansha di graf a drenta mi i benout 'i doló a kohe mi,

Job 16:20

Mi amigunan ta trata mi ku despresio, miéntras mi ta yora na Dios.

2 Samuel 16:12

Podisé SEÑOR por mira mi mizeria i manda bendishon pa mi na lugá di e maldishonnan ku mi ta tende awe.’

2 Korintionan 5:6

P'esei antó semper nos tin hopi kurashi. Nos sa ku miéntras nos ta biba den e kurpa akí, nos ta leu for di kas di Señor,

Salmo 102:1

SEÑOR, skucha mi orashon, laga mi gritu yega serka Bo.

Salmo 119:54

Bo mandamentunan a bira mi kansion, den mi lugá di destiero.

Génesis 21:34

Abraham a keda biba hopi tempu komo strañero den pais di e filisteonan.

Job 13:28

I tur esei Bo ta hasi ku un hende ku ta garna manera kos putrí, ta gasta manera paña ku mòt a kome.

Salmo 90:9

Ai, tur nos dianan ta kaba bou 'i bo ira, nos añanan ta pasa: un rosea!