Salmo 37:25 - Papiamentu Bible 2013

²⁵ Mi ta'ta mucha i awor mi ta bieu, ma mi no a mira nunka di mi bida ku un hende hustu a keda bandoná, ni ku su yunan mester kana pidi pan;

Beibel na Papiamentu Koriente 2013

²⁵ Mi ta'ta mucha i awor mi ta bieu, ma mi no a mira nunka di mi bida ku un hende hustu a keda bandoná, ni ku su yunan mester kana pidi pan;

Salmo 37:25 Referans Kwoze

Hebreonan 13:5

No biba pa plaka so, keda kontentu ku loke boso tin. Dios mes a bisa: ‘Mi no ta laga bo nunka bandoná.’

Salmo 37:28

SEÑOR ta defendé derecho i lo no bandoná su fielnan. SEÑOR ta warda nan pa semper, ma E ta kaba ku rasa di mal hende.

Salmo 112:2

Su yunan lo ta hende poderoso den pais, generashon di piadosonan lo ta bendishoná.

Salmo 25:13

E mes lo biba felis i e pais lo keda pa su yunan.

1 Samuel 12:22

SEÑOR, ku ta fiel na su nòmber, lo no bandoná boso, pasobra El a hiba di gustu di hasi boso su pueblo.

2 Korintionan 4:9

Persekushon ta asotá nos, pero Dios no ta bandoná nos; nan ta tumba nos, pero nos no ta muri sí.

Salmo 94:14

Nò, SEÑOR lo no nenga su pueblo, ni bandoná esnan ku ta di djE.

Salmo 71:18

P'esei awor ku mi ta bieu ku kabei blanku, no bandoná mi tampoko, o Dios, te ora ku m'a kaba di konta di bo forsa i bo obranan grandi na tur hende di awor i di mañan.

Yozue 1:5

Tanten bo ta na bida niun hende lo no por resistí bo. Lo Mi ta ku bo, meskos ku Mi tabata ku Moises. Hamas lo Mi laga bo ni bandoná bo.

Génesis 17:7

Esaki ta e aliansa ku pa semper Mi ta sera ku bo i ku tur bo desendientenan benidero. Lo Mi ta bo Dios i Dios di bo desendientenan.

Proverbionan 13:22

Te asta ñetunan di un bon hende lo heredá di dje, rikesa di mal hende ta keda akumulá pa al fin i al kabo kai den man di hende hustu.

Salmo 71:9

No rechasá mi, awor ku mi ta bieu; mi forsa ta bai, no bandoná mi!

Echonan 21:16

Algun di e disipelnan di Sesarea tambe a bai ku nos i a hiba nos serka un sierto Mnason di Chipre kaminda nos lo a bai keda drumi; Mnason tabata un di proménan ku a kere den Señor.

Job 15:23

E ta kana dualu, buskando enbano kon satisfasé su hamber, Den su kurason e sa ku t'e mes ta kousa di su propio ruina.

Isaías 13:16

Lo plèchè nan yunan den nan bista, lo sakia nan kasnan, lo violá nan muhénan.

Salmo 59:15

ta kana rònt buskando kuminda; si nan no haña basta, nan ta gruña.

Salmo 109:10

Laga su yunan kana dualu pidi limosna i hende asta saka nan fo'i nan bohio.

Job 4:7

Pensa un ratu: Akaso nunka un hende ku temor di Dios a bai pèrdí, o un hende rekto a keda destruí?