Salmo 33:17 - Papiamentu Bible 2013

¹⁷ No konta ku kabai pa bo gana viktoria, su forsa por ta grandi, ma e n' ta salba bo bida.

Beibel na Papiamentu Koriente 2013

¹⁷ No konta ku kabai pa bo gana viktoria, su forsa por ta grandi, ma e n' ta salba bo bida.

Salmo 33:17 Referans Kwoze

Proverbionan 21:31

Bo por prepará kabai pa bai guera, pero viktoria ta dependé di Dios.

Salmo 20:7

Tin ku ta konfia den garoshi, den kabai, ma nos den nòmber di SEÑOR, nos Dios.

Salmo 147:10

E n' tin kunes ku brio di kabai, ni ku pia robusto di hòmber.

Hoséas 14:3

Asiria no por salba nos, nos lo no konfia mas riba garoshinan di guera. E kosnan ku nos mannan a traha, nos no ta yama mas “nos dios!” Pasobra Bo tin duele di un wérfano.’

Isaías 30:16

Boso ta rospondé: “Nò, nos ta hui bai riba kabai.” Ku rason, boso lo kore bai. Boso ta bisa: “Nos kabainan ta kore duru.” Ta bon, pero boso persiguidónan ta mes lihé.

Predikador 9:11

Mi a mira un kos mas riba e mundu akí: no ta semper esnan mas lihé ta gana e pustamentu i no ta semper ta esnan mas balente ta gana bataya. Semper no ta asina ku hende sabí tin di kome, hende inteligente ta bira riku i hende kapas ta keda apresiá. Esei ta dependé di e momento i di destino.

Huesnan 4:15

Nèt na momento ku Barak a ataká ku su spada, SEÑOR a hinka pániko den Sísera, den e sòldánan riba e garoshinan i den henter su ehérsito. Sísera mes a baha for di su garoshi i kore limpi bai.

Deuteronomio 20:1

Ora boso bai bringa kontra boso enemigunan i boso mira ku nan tin mas kabai, garoshi i sòldá ku boso, no tene miedu di nan, pasobra SEÑOR, boso Dios, ta ku boso, E ku a saka boso for di Egipto.

Salmo 20:8

Ta nan lo trompeká i kai, ma nos ta keda firme riba pia.

Isaías 31:1

Ai di esnan ku ta baha bai Egipto pa buska yudansa, ku ta stèns riba su kabainan, ta konfia riba su gran kantidat di garoshi di guera i riba e forsa enorme di su kabayeria, pero ku no ta tene kuenta ku Dios Santu di Israel ni pidi su konseho.