Salmo 29:11 - Papiamentu Bible 2013

¹¹ SEÑOR ta duna su pueblo fortalesa, SEÑOR ta dun'é pas i bendishon.

Beibel na Papiamentu Koriente 2013

¹¹ SEÑOR ta duna su pueblo fortalesa, SEÑOR ta dun'é pas i bendishon.

Salmo 29:11 Referans Kwoze

Isaías 40:31

pero esnan ku konfia den SEÑOR ta haña forsa nobo kada be; nan lo bula altu manera águila. Nan ta kore sin kansa nan ta kana sin pèrdè rosea.

2 Tesalonisensenan 3:16

Señor ku ta duna pas, duna boso e pas ei tur ora i bou di tur sirkunstansia. Señor sea ku boso tur!

Isaías 41:10

No tene miedu, pasobra Mi ta ku bo, no wak asina spantá, pasobra Ami ta bo Dios. Mi ta duna bo forsa, yuda bo, sostené bo ku mi man viktorioso.

Huan 16:33

Mi a bisa boso tur e kosnan akí pa boso tin pas den Mi. Na mundu boso lo pasa den tribulashon; ma tuma kurashi, Ami a derotá mundu!’

Isaías 40:29

Hende kansá E ta duna ánimo, esun débil E ta hasi fuerte.

Salmo 68:35

Dios ta imponé rèspèt fo'i su santuario, Dios di Israel, t'E ta duna pueblo forsa i poder. Bendishoná sea Dios!

Salmo 37:11

Enkambio, hende humilde lo bira doño di e Tera pa semper i lo gosa di un pas kompleto.

1 Korintionan 1:3

Dios, nos Tata, i Señor Hesu-Kristu duna boso grasia i pas.

Romanonan 14:17

Pasobra reino di Dios no ta kuestion di loke hende ta kome i bebe, pero di hiba un bida hustu, di tin pas i goso den Spiritu Santu.

Huan 14:27

Pas Mi ta laga pa boso; mi pas Mi ta duna boso, ma no manera mundu ta deseá otro pas ora nan ta kumindá otro. No laga boso kurason bira intrankil, ni no kobardiá.

Zakarías 10:12

Mi ta hasi mi pueblo fuerte i nan lo sali den mi nòmber.’ Esaki SEÑOR ta deklará.

Efesionan 3:16

Mi ta pidiÉ pa for di su rikesa glorioso i pa medio di Spiritu Santu, E fortalesé boso ku poder den profundidat di boso ser.

Salmo 138:3

Ora m'a yama Bo Bo a skucha, B'a duna mi ánimo i forsa.

Zakarías 10:6

Lo Mi hasi pueblo di Huda poderoso i salba pueblo di Jozef. Lo Mi hiba nan nan pais bèk, pasobra Mi tin duele di nan; lo ta manera ku nunka Mi no a rechasá nan. Pasobra Ami ta SEÑOR, nan Dios, Mi ta skucha nan orashon.

Salmo 72:3

E ora ei seru- i seritunan lo trese pas i hustisia pa bo pueblo.

Efesionan 2:17

Anto Kristu a bini i a proklamá e bon notisia di pas pa boso, ku komo no hudiu tabata leu for di Dios, i tambe pa esnan ku komo hudiu tabata serka di Dios.

Salmo 85:8

Mi ke skucha Dios-SEÑOR su palabra: ‘Pas!’ esei ta su mensahe pa su pueblo, pa tur ku ta su fielnan, kontal ku nan no bolbe hasi bobedat.

Salmo 84:7

Na kada paso nan forsa t'oumentá: e Dios di diosnan ta aparesé na Sion!

Revelashon 1:4

Huan na e shete iglesianan na Asia: Grasia i pas sea ku boso di Dios ku ta, ku tabata i ku ta bini, di e shete spiritunan dilanti di su trono,

Salmo 85:10

amor i bèrdat lo topa, hustisia i pas lo brasa otro;

2 Timoteo 4:17

Pero Señor a sostené mi i a duna mi forsa pa asina mi por a prediká e bon notisia sin kita sin pone i tur pueblo no hudiu por a tend'é. Ademas El a libra mi di boka di leon!

Salmo 72:7

Den su tempu hustisia lo bona, pas profundo lo reina te ora luna no t'ei mas.

Isaías 26:12

O SEÑOR, Abo ta duna nos pas, pasobra tur loke nos a logra te awor t'Abo a hasi pa nos.