Salmo 28:5 - Papiamentu Bible 2013

⁵ Nan no ta aktu akshonnan di SEÑOR, ni obra di su man. P'esei lo E basha nan abou sin bolbe lanta nan.

Beibel na Papiamentu Koriente 2013

⁵ Nan no ta aktu akshonnan di SEÑOR, ni obra di su man. P'esei lo E basha nan abou sin bolbe lanta nan.

Salmo 28:5 Referans Kwoze

Isaías 5:12

Na nan fiestanan animá pa siter, arpa, flùit i tamburein, nan ta blo bebe burachi numa sin paga tinu na loke SEÑOR ta hasi, nan no ta weta su obranan.

Romanonan 1:28

Anto komo nan no ta haña ku nan tin ku tene kuenta ku Dios, E ta entregá nan na nan mes mente korumpí di moda ku nan ta hasi kos ku no ta nèchi.

Huan 12:37

Ounke El a hasi hopi señal milagroso den nan presensia, nan no a kere den djE.

Salmo 10:5

Semper e tin suerte ni maske kiko e hasi, bo huisionan ta altu p'e, leu di su kabes; su enemigunan — ai, desden e tin pa tur!

2 Samuel 7:13

Ta e lo traha un kas pa Mi i Ami lo sòru pa su trono real para firme pa semper.

Romanonan 1:20

For di tempu ku Dios a krea mundu, hende por komprondé klaramente kua ta e karakterístikanan invisibel di Dios, esta ku su poder no tin fin i ku enberdat E ta Dios. Hende por mira esaki den loke Dios a krea, p'esei nan no tin diskulpa.

Hoséas 14:9

Es ku ta inteligente, mester paga tinu na e palabranan akí, esun ku tin komprondementu, rekonosé nan. Pasobra kamindanan di SEÑOR ta règt: hende hustu ta sigui e kamindanan ei, pero rebeldenan ta trompeká riba nan.

Yeremías 31:4

Mi ta bolbe pone bo para duru riba bo pia, Israel, mi kerida! Lo bo bolbe lusi, tamburein den man, i guia e baile den kren dje hendenan na fiesta.

Isaías 45:18

SEÑOR, e úniko Dios, t'E a krea shelu; t'E a traha mundu, model'é i basha su fundeshi. E no a kre'é un espasio bashí pero un lugá pa hende biba ariba. SEÑOR ta bisa: ‘T'Ami so ta SEÑOR, niun otro!

Isaías 45:12

T'Ami mes a traha mundu i krea hende riba dje. Ku mi mes man M'a span shelu i manda streanan aparesé.

Isaías 45:8

Shelu ayariba, manda serena, laga nubianan yobe hustisia! Laga tera habri pa simia di salbashon por spreit i huntu kuné hustisia por krese. Ta Ami, SEÑOR, ta laga tur esei sosodé.’

Isaías 40:26

Hisa kara i wak shelu: ken a krea tur esei? T'Esun ku ta laga henter e ehérsito di strea marcha bini dilanti i ta yama nan un pa un na nan nòmber. E tin dje tantu poder ei dje inmenso su forsa ta ku niun di nan no ta keda sin presentá.

Isaías 22:11

Pero boso no a fiha boso bista riba Esun ku tabatin man den e asuntu akí, boso no tabatin tinu p'Esun ku a plania tur kos hopi tempu delantá.

Salmo 104:24

Ki inkontabel ta bo obranan, SEÑOR! Bo a traha nan tur ku saber, tera ta yen di bo rikesa.

1 Reinan 11:38

Si bo obedesé Mi i hasi tur loke Mi ordená bo, bo sigui e kaminda ku lo Mi mustra bo i bo hasi loke ta drechi den mi bista, bo kumpli ku mi leinan i mi mandamentunan manera David, mi sirbidó, a hasi, lo Mi keda ku bo. Lo Mi duna bo un dinastia duradero, manera Mi a duna David, i entregá Israel na bo.

2 Samuel 7:27

Abo mes, SEÑOR soberano, Dios di Israel, a revelá mi ku Bo ta traha un kas pa mi. P'esei bo sirbidó ta tribi hasi e orashon akí na Bo.

Numbernan 23:23

Huramentu no tin forsa kontra pueblo di Yakob, bruha no ta yuda kontra Israel. Awor ta tempu pa bisa di pueblo di Yakob, di Israel: “Wak kiko Dios a hasi pa nan!”

Salmo 8:3

Mirando bo shelu, trabou di bo dedenan, luna i streanan ku Bo a fiha ayá,