Salmo 25:11 - Papiamentu Bible 2013

¹¹ Fiel na bo nòmber, SEÑOR, pordoná mi mi kulpa, e ta grandi.

Beibel na Papiamentu Koriente 2013

¹¹ Fiel na bo nòmber, SEÑOR, pordoná mi mi kulpa, e ta grandi.

Salmo 25:11 Referans Kwoze

Salmo 79:9

Abo, yuda nos, Dios Salbador, pa gloria di bo nòmber! Salba nos i kita nos pikánan pa gloria di bo nòmber.

1 Huan 2:12

Mi yunan stimá, mi ta skibi boso, pasobra boso pikánan ta pordoná pa medio di Hesus.

Salmo 31:3

Bo ta mi baranka, mi fòrti; pasobra Bo ta fiel na bo nòmber lo Bo guia mi i pone mi sosegá.

Isaías 43:25

Mi no debe bo nada, pero sinembargo Mi ta pordoná bo rebeldia, pasobra t'asina Mi ta, Mi no ta keda pensa riba bo pikánan.

Romanonan 5:15

Sinembargo no por kompará piká di Adam ku grasia di Dios. Hopi hende a muri pa via di piká di un hende so, pero e don ku Dios a duna nos gratuitamente pa medio di Esun otro, Hesu-Kristu, ta muchu mas grandi i na bienestar di hopi hende.

Ezekiel 36:22

P'esei bisa e pueblo di Israel: Esaki ta loke SEÑOR, mi Dios, ta bisa: Loke Mi ta bai hasi, Mi no ta hasi pa boso kara, sino pa mi nòmber santu, ku boso a deshonrá serka e pueblonan kaminda boso a yega.

Ezekiel 20:9

Pero Mi a hasi loke ta pas ku mi honor, pasobra Mi no tabata ke pa mi nòmber a keda deshonrá serka e pueblonan ku tabata biba rondó di nan. Pasobra nan tabata testigu ku Mi a bisa e israelitanan, ku lo Mi a saka e israelitanan for di Egipto.

Isaías 48:9

Pero komo Mi ta Dios, Mi ta kontené mi rabia, Mi ta dominá Mi mes pa kara di mi honor i Mi no ta kaba ku bo.

Salmo 109:21

Ma Abo, SEÑOR mi Dios, trata mi bon, sea fiel na bo nòmber; bo amor ta bondadoso, salba mi,

Salmo 143:11

SEÑOR, keda fiel na bo nòmber: Abo tene mi na bida; Bo ta hustu, pues libra mi di mi ansha.

Éksodo 34:7

Mi ta bondadoso te den di mil generashon i Mi ta pordoná maldat, rebeldia i piká. Mi no ta keda sin kastigá esnan kulpabel; Mi ta kastigá nan, nan yunan, ñetunan i bisañetunan.’

Yeremías 14:7

Mi pueblo ta sklama na Mi: ‘Maske nos pikánan ta akusá nos, hasi algu, SEÑOR, pa bo honor i gloria! Hopi be nos a bira lomba pa Bo i faya ku Bo.