Salmo 22:6 - Papiamentu Bible 2013

⁶ Ma ami ta un bichi, no un hende, mofa di hende, despresio di pueblo.

Beibel na Papiamentu Koriente 2013

⁶ Ma ami ta un bichi, no un hende, mofa di hende, despresio di pueblo.

Salmo 22:6 Referans Kwoze

Isaías 53:3

E tabata despresiá, bandoná pa tur hende, un hòmber ku konosé doló, ku sa di sufrimentu; ku ta pone bo kita kara p'e, despresiá, konsiderá sin balor.

Job 25:6

Ki ta para pa hende? Bichi e ta! E shuri akí? Lèbèlèbè 'i bichi e ta!’

Isaías 49:7

SEÑOR, Dios Santu, ku sa sali pa Israel, ta bisa bo, abo, profundamente despresiá, repudiá pa pueblo, sirbidor di tiranonan: ‘Ora rei- i prínsipenan mira bo, nan lo lanta fo'i nan trono i bùig pa bo.’ Asina nan ta demostrá nan rèspèt pa SEÑOR, e Dios Santu di Israel, ku a skohe bo i ta fiel na su palabra.

Isaías 41:14

No tene miedu, Israel, desendensia di Yakob! Maske bo ta un pueblo indefenso, menospresiá manera bichi trapá, Ami ta yuda bo, marka mi palabra, Ami ta sali pa bo, Ami, e Dios Santu di Israel.

Hebreonan 13:12

P'esei Hesus tambe a sufri pafó di e porta di siudat, pa E konsagrá e pueblo ku su mes sanger na Dios.

Mateo 11:19

E Yu di hende a bini i e sí ta kome i bebe i hende a laga sa: “Mira un hòmber golos i buraché ei, amigu di kobradó di belasting i di hende ku no ta kumpli ku lei.” Ma sabiduria di Dios ta proba su mes ku echo.’

Salmo 31:11

M'a bira mofa di tur mi enemigunan, pa mi bisiñanan pió; mi ta un spantu pa amigunan di kas, ken ku mira mi riba kaya ta hui mi,

Revelashon 15:3

Nan tabata kanta e kantika di Moises, sirbidó di Dios, i e kantika di e Lamchi: ‘Señor, Dios Todopoderoso, grandioso i impreshonante ta bo obranan! Bo kamindanan ta hustu i konfiabel, Rei di tur pueblo.

Huan 7:15

E pueblo a keda asombrá i bisa: ‘Kon bini e hòmber akí sa tantu asina, anto e no ta studiá?’

Lamentashonnan 3:30

Lag'é bira kara p'esun ku ta bòft'é, i karga tur bèrgwensa.

Huan 8:48

Hesus su kontrinkantenan a bis'É: ‘Nos no tin rason di bisa ku Bo ta un samaritano i ku bo ta poseé pa demoño?’

Huan 7:20

E multitut a kontestá: ‘Bo tin un demoño den Bo! Ken ta buska Bo pa mata?’

Mateo 12:24

Ora e fariseonan a tende kiko a pasa, nan a laga sa: ‘Ta ku yudansa di Belzebul, hefe di demoño, so, E por saka demoño.’

Salmo 88:8

B'a alehá mi konosínan fo'i mi, Bo a duna nan disgustu di mi. Un prezu mi ta, sin salida,

Salmo 31:1

Den Bo, SEÑOR, mi ta buska mi refugio, no laga mi keda nunka brongosá. Bo ta hustu, p'esei bin salba mi!

2 Krónikanan 14:11

E ora ei Asa a pidi SEÑOR, su Dios, bin yud'é i bisa: ‘SEÑOR, ta Bo so por yuda esun ku no tin defensa den su bataya kontra esun poderoso. Yuda nos, SEÑOR, nos Dios, pasobra nos ta konfia den Bo. Abo SEÑOR, ta nos Dios, demostrá ku ningun hende no por hasi algu kontra Bo.’

Salmo 25:3

Di esnan ku ta spera den Bo ningun lo no keda brongosá; esnan ku no tin kunes pa kibra ku Bo ta nan so lo keda ku bèrgwensa.

Salmo 41:5

Mi enemigunan ke pa kos bai malu ku mi: “Ki dia lo e muri i l'e ta lubidá?” ’