Salmo 22:15 - Papiamentu Bible 2013

¹⁵ Mi shel'i boka ta seku seku manera wea di klei garná; mi lenga ta pegá den mi boka, Bo a pone mi sosegá den stòf di morto.

Beibel na Papiamentu Koriente 2013

¹⁵ Mi shel'i boka ta seku seku manera wea di klei garná; mi lenga ta pegá den mi boka, Bo a pone mi sosegá den stòf di morto.

Salmo 22:15 Referans Kwoze

Huan 19:28

Despues di esei Hesus tabata sa ku tur kos tabata kumplí. Pa kumpli ku Skritura, El a bisa: ‘Mi tin set!’

Salmo 69:3

Mi ta morto kansá di grita, mi garganta a keda tur hers; mi wowo a bira skur skur di fiha riba mi Dios.

Isaías 53:12

P'esei Mi ta dun'é un lugá meimei dje grandinan i l'e triunfá huntu ku poderosonan, pasobra el a entregá su bida te na morto i laga nan tum'é pa malbado, ora en realidat el a tuma piká di hopi hende riba su lomba i a boga pa pekadónan.’

Salmo 69:21

Den mi kuminda nan a bruha venenu, pa mi set nan a duna mi binager.

Salmo 38:10

Mi kurason ta bati, forsa a bai, asta lus di mi wowo a kita.

1 Korintionan 15:3

Na promé lugá mi a pasa e siñansa ku mi a risibí na boso, esta ku Kristu a muri pa nos pikánan, manera Skritura ta bisa;

Salmo 104:29

Ora Bo skonde bo Kara nan ta spanta; ku Bo kita nan rosea nan ta muri i ta bolbe bira stòf manera ántes.

Mateo 27:50

Hesus a bolbe dal un gritu duru, i a entregá su spiritu.

Proverbionan 17:22

Legria ta kura bo, fèrdrit ta kaba ku bo.

Job 29:10

E noblenan tabata stòp di papia i nan lenga tabata pega den nan boka.

Daniel 12:2

Hopi di esnan ku ta sosegá den graf, lo lanta; algun di nan pa biba te den eternidat, algun otro pa ta despresiá i detestá pa semper.

Lamentashonnan 4:4

Bebinan tin asina tantu set, ku nan lenga ta pega na nan shel'i boka. Muchanan ta kana pidi pida pan, no tin niun hende pa duna nan.

Salmo 30:9

Kiko Bo ta gana si mi muri, kiko si mi baha den sepulkro? Ta stòf lo alabá Bo antó? T'e lo proklamá bo fieldat?

Job 34:15

n' ta tur ta muri sin eksepshon i bolbe bira stòf atrobe?

Job 10:9

Kòrda ku Bo a modelá mi manera klei, awor Bo ke hasi mi stòf atrobe?

Génesis 18:27

Pero Abraham a bolbe bisa: ‘Ami, un simpel hende ku mester muri, a tribi papia ku Señor.

Génesis 3:19

Ku sodó di bo frenta lo bo gana bo pan di kada dia, te dia bo bolbe bira tera; pasobra ta di dje Mi a forma bo. Tera bo ta i tera lo bo bolbe bira.’

Job 7:21

Di kon Bo no ke tolerá mi pikánan, ni pordoná loke m'a hasi malu? Tòg pronto mi ta bai sosegá den stòf, lo Bo buska mi ku zelo, pero lo mi no t'ei mas.’

2 Samuel 14:14

Muri nos tur mester muri, nos ta manera awa ku ta plama abou i ku no por rekohé mas. Dios no ta hasi eksepshon pa ningun hende. Pero wèl E ta buska di tur manera pa esun ku ta desterá no keda alehá for di djE.

Job 19:20

Mi wesu ta pega na mi kueru i karni i ta ku mashá esfuerso mi ta logra keda na bida.

Job 30:16

I awor mi ta totalmente abatí; mizeria tin mi konstantemente den su gara.