Salmo 19:8 - Papiamentu Bible 2013

⁸ SEÑOR su preseptonan ta rekto, ta alegrá nos kurason; SEÑOR su mandamentu ta kla, lus pa nos wowo.

Beibel na Papiamentu Koriente 2013

⁸ SEÑOR su preseptonan ta rekto, ta alegrá nos kurason; SEÑOR su mandamentu ta kla, lus pa nos wowo.

Salmo 19:8 Referans Kwoze

Salmo 12:6

SEÑOR su palabranan ta limpi, plata, dirtí den krosèt den tera, purifiká te asta shete bia.

Salmo 119:105

Bo palabra ta un lampi pa mi pia, un lus riba mi kaminda.

Yeremías 15:16

Pareu ku mi a risibí un palabra di Bo, mi tabata gulié; bo palabranan a yena mi kurason ku felisidat i alegria, pasobra mi ta di Bo, SEÑOR, Dios Soberano.

Proverbionan 30:5

Semper bai kada palabra di Dios a resultá di ta bèrdat, E t'un eskudo pa esnan ku skonde serka djE.

Salmo 119:128

P'esei mi ta laga bo dekretonan guia mi den tur kos; tur mal kaminda mi ta odia.

Proverbionan 2:6

Pasobra SEÑOR ta duna sabiduria, ta for di su boka komprenshon i konosementu ta sali.

Salmo 119:92

Si bo lei no tabata mi delisia lo mi a muri di tristesa.

Salmo 119:80

Mi kurason warda bo leinan estriktamente, pa mi no keda brongosá.

Proverbionan 6:23

Pasobra e mandamentunan akí ta un lampi, e siñansa un lus, i e guia ku korekshon ta duna ta e manera di siña bo biba,

Romanonan 7:22

Den mi paden mi ta gusta Lei di Dios,

Galatanan 2:19

Pasobra ami, ku tabata bou di Lei, a muri pa Lei pa asina mi biba pa Dios. Mi a keda krusifiká huntu ku Kristu

Romanonan 3:20

Pasobra Dios no ta aseptá niun hende komo hustu, pa motibu ku e ta kumpli ku lei. Lei ta sirbi pa hasi nos konsiente ku nos ta pekadó.

Romanonan 7:7

Ta bisa nos ke bisa anto ku Lei di Moises ta pekaminoso? Apsolutamente ku nò! Sinembargo ta Lei a siña mi kiko ta maldat. Por ehèmpel, lo mi no tabata sa kiko ta kudishá kos di otro hende, si no tabatin pará den Lei: ‘No deseá!’

Salmo 119:16

Mi tin mi plaser den bo preseptonan, lo mi no lubidá bo palabra.

Salmo 119:14

Mi ta gosa e kaminda di bo huisionan manera tur sorto di rikesa.

Ezekiel 36:27

Lo Mi drama mi spiritu den boso i perkurá pa boso kumpli ku mi leinan i sigui mi reglanan kuidadosamente.

Salmo 119:171

Ku alabansa por brota fo'i mi lepnan; Bo n' ta siña mi bo leinan?

Salmo 119:143

M'a haña mi anshá i den pèrtá, pero m'a gosa bo mandatonan.

Salmo 119:130

Bo palabra, si splik'é, ta trese lus, ta hasi bobonan sabí.

Salmo 119:121

Loke ta drechi i hustu mi a hasi, no entregá mi den man di mi opresornan.

Salmo 119:40

Mira kuantu mi ta stima bo dekretonan. Duna mi bida! Bo n' ta hustu?

Salmo 119:12

SEÑOR, bendishoná Bo mester ta, siña mi bo leinan.

Salmo 105:45

pa nan por a opservá su dekretonan i por a kumpli ku su leinan. Alabá sea SEÑOR!

Salmo 40:8

Hasi bó boluntat, o mi Dios, esei ta mi plaser, i bo lei ta grabá den mi.’

Salmo 13:3

SEÑOR mi Dios, mira mi, rospondé mi. Yena mi wowo ku lus pa mi no pega soño di morto;

Éksodo 18:16

Ora nan tin problema ku otro, nan ta bini serka mi. E ora ei mi ta disidí ken tin rason. Ademas mi ta siña nan e mandamentunan i e leinan di Dios.’

Génesis 26:5

pasobra Abraham a tende di Mi, el a sigui mi òrdunan, mi mandamentunan, mi leinan i mi enseñansa.’

Galatanan 3:21

Ke men antó ku Lei di Moises ta bai kontra e promesanan di Dios? Apsolutamente ku nò! Pasobra si tabata asina ku Dios a duna Lei pa hende por haña bida, e ora ei enberdat ta pa medio di Lei Dios lo a aseptá hende komo hustu!

Isaías 64:5

Bo ta sali na yudansa di hende ku ta hasi kos drechi ku amor, ku tin nan bista fihá riba Bo, riba e kaminda ku Abo mustra nan. Pero Bo tabata furioso ku nos, pasobra nos no a obedesé Bo; pa basta tempu nos a keda asina. Akaso un dia nos lo por logra salbashon?

Salmo 119:54

Bo mandamentunan a bira mi kansion, den mi lugá di destiero.

Salmo 119:24

Bo huisionan, nan ta mi delisia, nan ta mi konsehero.

Nehemías 9:13

Bo a baha riba seru di Sinai i papia ku nan for di shelu; Bo a duna nan dekretonan hustu, leinan konfiabel, bon regla i mandamentu.

Nehemías 8:12

E ora ei e hendenan a bai kome, bebe, parti ku otro, hasi fiesta, pasobra nan a komprondé loke nan a tende e dia ei.

Deuteronomio 16:14

Gosa plenamente ku boso yunan, ku boso katibunan. Kombidá tambe e levitanan, strañeronan, biudanan i wérfanonan ku ta biba serka boso den siudat.

Deuteronomio 16:11

Gosa den presensia di SEÑOR, boso Dios, huntu ku boso yunan, boso katibunan, ku e levitanan ku ta biba serka boso i ku e strañeronan, e wérfanonan i e biudanan ku tin serka boso, na e lugá ku SEÑOR, boso Dios, skohe pa manifestá su presensia.

2 Reinan 17:37

Sòru kumpli fielmente ku e leinan i e dekretonan, e enseñansa i mandamentunan ku Mi a duna boso por eskrito. No adorá otro dios.

Salmo 93:5

Bo mandatonan ta digno di konfiansa, santidat, SEÑOR, ta toka bo kas, te na kabamentu di siglonan.

Salmo 111:7

Loke E ta hasi ta korekto, manera mester ta, tur su mandamentunan ta digno di konfiansa;