Salmo 149:3 - Papiamentu Bible 2013

³ Nan alabá su nòmber ku balia, nan kanta salmo p'E ku arpa i tamburein.

Beibel na Papiamentu Koriente 2013

³ Nan alabá su nòmber ku balia, nan kanta salmo p'E ku arpa i tamburein.

Salmo 149:3 Referans Kwoze

Yeremías 31:13

Mucha muhé lo balia di alegria, hende hòmber tambe, yòn i bieu. ‘Mi ta bai konsolá nan,’ SEÑOR ta bisa, ‘kambia nan lamento den alegria, duna nan konsuelo i hasi nan kontentu despues di nan tristesa.

Salmo 81:2

Entoná un salmo riba tono di tambú, di arpa melodioso i di lira.

Éksodo 15:20

E ora ei profeta Miriam, ruman muhé di Aaron, a kohe un tamburein i tur e muhénan a balia bini su tras, miéntras nan tabata toka tamburein.

Salmo 30:11

Bo a kambia mi luto na balia, Bo a kita mi paña di rou, kaba Bo a bisti mi di fiesta.

2 Samuel 6:16

Ora e arka di SEÑOR tabata drenta Siudat di David, Mikal, yu muhé di Saul, tabata pará na bentana ta wak pafó. El a mira rei David ta bula bula i balia dilanti di SEÑOR; el a sinti un despresio profundo p'e.

2 Samuel 6:14

David tabatin solamente un paña sagrado di lenen bistí i e tabata balia drei rònt dilanti di SEÑOR.

Huesnan 11:34

Ora Yefta a yega su kas na Mispa, ata su yu muhé a sali pa risibié! E yu tabata balia i toka tamburein. E tabata úniko yu di Yefta; fuera di dje Yefta no tabatin ni yu hòmber ni yu muhé.

Salmo 33:2

Kanta su alabansa ku siter, kanta p'E ku arpa di dies kuèrdè.

Esdras 3:10

Ora e trahadónan a pone fundeshi di tèmpel, e saserdotenan a bai para den nan bistí di gala, ku nan tròmpètnan, i e levitanan, desendiente di Asaf a bai para, ku nan platíonan, pa alabá SEÑOR, segun instrukshon di David, rei di Israel.

1 Krónikanan 16:42

Heman i Yedutun a perkurá pa e tròmpèt-, platío- i otro instrumèntnan. Nan tabata toka riba nan ora tabata kanta kantika na honor di Dios. Miembronan di e grupo di Yedutun tambe tabata guardia na e entradanan.

2 Krónikanan 29:25

Tambe el a pone e levitanan para ku simbal, arpa i siter na tèmpel. Asina David a preskribí di akuerdo ku loke SEÑOR a ordená pa medio di su profetanan, e vidente di rei ku yama Gad i profeta Natan.

1 Krónikanan 25:6

Tur e hòmbernan akí mester a kanta, bou di guia di nan tatanan Asaf, Yedutun i Heman, durante sirbishi den tèmpel di SEÑOR, kompañá pa platío, arpa i lira. Nan tatanan Asaf, Yedutun i Heman, tabata dirigí nan manera tabata stipulá pa rei di antemano.

2 Krónikanan 20:28

Ora nan a yega Herusalèm, nan a bai tèmpel, bou di tokamentu di arpa, siter i tròmpèt.

Salmo 81:3

Toka kachu ora luna ta nobo, ku luna yen, nos gran dia di fiesta.

Salmo 87:7

Kantando i baliando nan lo bisa: ‘Ta den bo nos lombrishi ta derá.’

Yeremías 31:4

Mi ta bolbe pone bo para duru riba bo pia, Israel, mi kerida! Lo bo bolbe lusi, tamburein den man, i guia e baile den kren dje hendenan na fiesta.