Salmo 133:3 - Papiamentu Bible 2013

³ Ta manera serena di Hermon, ku ta kai riba Seru di Sion. Pasobra SEÑOR a manda ku aya lo tin bendishon, bida pa tur eternidat!

Beibel na Papiamentu Koriente 2013

³ Ta manera serena di Hermon, ku ta kai riba Seru di Sion. Pasobra SEÑOR a manda ku aya lo tin bendishon, bida pa tur eternidat!

Salmo 133:3 Referans Kwoze

Deuteronomio 28:8

Bendishon di SEÑOR lo baha riba boso mangasinanan i riba tur boso trabou. Su bendishon lo baha riba boso na e pais ku E ta bai duna boso.

Salmo 42:8

Den dia Dios ta mustra su amor, anochi mi kanto ta p'E, ún alabansa na e Dios di mi bida.

Levítiko 25:21

Ta asina ku Ami, SEÑOR, lo bendishoná tera di tal manera den e di seis aña ku lo e produsí pa tres aña.

Deuteronomio 4:48

Nan region tabata kore for di e siudat Aroer na riu Arnon te na seru di Sirion — esta Hermon —

1 Huan 5:11

I esaki ta e testimonio: Dios a duna nos bida eterno, i e bida ei ta bini pa medio di su Yu.

Romanonan 5:21

Ke men anto, meskos ku piká a reina dor di trese morto, asin'ei grasia di Dios lo reina dor ku Dios ta aseptá hende pa medio di nos Señor Hesu-Kristu, pa duna nan bida eterno.

Mikéas 5:7

Desendensia di Yakob, rondoná di nashonnan poderoso, lo ta manera freskura di serena, ku SEÑOR ta manda, refreskante manera yobida riba yerba, sin ku nan tin ku dependé di hende mortal.

Salmo 16:11

Bo ta siña mi ki kaminda ta hiba pa bida, abundansia di legria kaminda Bo ta, goso banda di Bo pa tur eternidat.

Romanonan 6:23

Pasobra e pago di piká ta morto, pero e regalo ku Dios ta duna ta bida eterno, ku nos por haña den nos Señor Kristu-Hesus.

Huan 6:68

Simon Pedro a kontestá: ‘Señor, serka ken nos tin ku bai? Abo tin e palabranan ku ta duna bida eterno!

Huan 5:29

i nan lo sali. Esnan ku a hasi bon, lo lanta for di morto i haña bida eterno, ma esnan ku a hasi maldat lo lanta for di morto pa risibí kondenashon.

Yozue 13:11

Tambe e tabata kubri Guilead i e teritorio di e gueshurita- i maakatitanan, tur e serunan di Hermon, henter Bashan te na Salka,

Revelashon 1:18

Esun bibu. Mi tabata morto, pero awor Mi ta biba te den tur eternidat; i Mi tin yabi di morto i di reino di morto.

1 Huan 2:25

Anto ata loke Kristu mes a primintí di duna nos: bida eterno.

Proverbionan 19:12

Ora rei rabia ta manera ora leon grita, pero su bon boluntat ta manera serena riba yerba.

Salmo 21:4

Ta bida el a pidi: ata B'a dun'é, un bida largu, un bida duradero!

Huan 5:24

Hesus a sigui bisa nan: ‘Mi ta sigurá boso: esun ku skucha Mi i pone su fe den Esun ku a manda Mi, tin bida eterno. El a pasa di morto pa bida kaba; lo no konden'é.

Huan 4:14

ma es ku bebe for di e awa ku Ami dun'é, lo no haña set nunka mas. E awa ku Ami dun'é lo bira manera un fuente di awa ku ta brota i kore pa duna bida eterno.’

Salmo 21:5

Su realse ta grandi ya ku Bo a proteg'é, Bo a bistié ku dignidat i splendor;