Salmo 119:163 - Papiamentu Bible 2013

¹⁶³ Mi ta odia i detestá falsedat, ma mi ta stima bo lei.

Beibel na Papiamentu Koriente 2013

¹⁶³ Mi ta odia i detestá falsedat, ma mi ta stima bo lei.

Salmo 119:163 Referans Kwoze

Salmo 119:128

P'esei mi ta laga bo dekretonan guia mi den tur kos; tur mal kaminda mi ta odia.

Romanonan 12:9

Stima otro sinseramente. Odia maldat i pega boso kurason na loke ta bon.

Amos 5:15

Odia loke ta malu, stima loke ta bon i bolbe trese hustisia den korte. Podisé e ora ei SEÑOR, Dios Soberano, lo tene mizerikòrdia ku esnan ku a sobra ainda di pueblo di Jozef.

Salmo 119:29

Warda mi pa mi n' kohe mal kaminda, den bo bondat duna mi bo lei.

Revelashon 22:15

Hende perverso, hasidó di bruha, parandero, asesino, sirbidó di dios falsu, tur hende ku gusta gaña i praktiká engaño, ta keda afó.

Efesionan 4:25

P'esei antó, no gaña otro mas! Boso kada un, papia bèrdat ku otro, pasobra nos ta miembro di e mesun kurpa.

Proverbionan 30:8

Tene falsedat i mentira leu fo'i mi; no laga mi bira pober ni riku, duna mi solamente mi pan di kada dia.

Salmo 119:113

Mi n' ta gusta ora hende hunga ròl: ami ta stima bo lei.

Salmo 101:7

Den mi kas no por biba ningun hende ku ta gusta gaña otro. Un papiadó di mentira no por biba kaminda ami por mir'é.

Salmo 119:47

Goso profundo mi tin den bo mandatonan ku mi ta stima tantu.

Salmo 119:104

Mi mente ta habrí pa bo òrdunan, tur mal kaminda mi ta odia.

Proverbionan 13:5

Hende hustu ta repudiá mentira abiertamente, pero es ku no ta fiel na Dios ta pasa bèrgwensa i pone hende haña rabia riba dje.