Salmo 119:1 - Papiamentu Bible 2013

¹ Felis t'esnan ku nan andá ta sin mancha, siguiendo lei di SEÑOR!

Beibel na Papiamentu Koriente 2013

¹ Felis t'esnan ku nan andá ta sin mancha, siguiendo lei di SEÑOR!

Salmo 119:1 Referans Kwoze

Lukas 11:28

Hesus a rospond'é: ‘Mas felis ainda ta esun ku tende palabra di Dios i obedes'é.’

Ezekiel 11:20

E ora ei nan lo ehekutá mi reglanan i kumpli ku mi leinan. Nan lo ta mi pueblo, Ami lo ta nan Dios.

Hakobo 1:25

Sinembargo esun ku no lubidá loke el a tende, pero ta kumpli ku i fiha su bista riba e lei perfekto ku ta duna libertat, ta haña bendishon di Dios den loke e ta hasi.

Salmo 128:1

Felis t'esun ku ta honra SEÑOR, ku ta sigui su kaminda.

Huan 13:17

Awor ku boso sa e kosnan akí, boso lo ta felis si boso hasi nan tambe.

Lukas 1:6

Nan tur dos tabata hende hustu den bista di Dios i nan tabata biba den un forma ireprochabel, di akuerdo ku tur Dios su leinan i su mandamentunan.

Salmo 112:1

Felis ta un hòmber ku rèspèt pa SEÑOR, ku ta stima su mandatonan di henter su kurason.

Proverbionan 11:20

SEÑOR ta odia hende ku mente perverso, pero ta stima esnan ku ta hasi bon.

Echonan 24:16

Asina mi tambe ta bringa duru pa semper mi konsenshi ta limpi dilanti di Dios i dilanti di hende.

Salmo 101:2

Mi ke tene mi andá ireprochabel — ki ora Bo ta bini serka mi? Mi ke biba ku konsenshi limpi den mi kas tambe.

Hoséas 14:9

Es ku ta inteligente, mester paga tinu na e palabranan akí, esun ku tin komprondementu, rekonosé nan. Pasobra kamindanan di SEÑOR ta règt: hende hustu ta sigui e kamindanan ei, pero rebeldenan ta trompeká riba nan.

Revelashon 22:14

Felis esnan ku ta laba nan paña i asina haña derecho di kome for di e palu ku ta duna bida i drenta siudat via di e portanan.

Salmo 101:6

Nan ku ta fiel den pais mi ta buska pa nan biba ku mi. Esun ku su kondukta ta perfekto, e so por sirbi mi.

2 Korintionan 1:12

Ún kos ta hasi nos orguyoso: e echo ku nos konsenshi ta sigurá nos ku nos komportashon, en general i spesialmente ku boso, tabata dominá pa e simplesa i sinseridat ku Dios ta duna. No ta sabiduria di hende a guia nos, sino grasia di Dios.

Huan 1:47

Ora Hesus a mira Natanaèl ta bini, El a bisa: ‘Ata enberdat un israelita ku no konosé deshonestidat.’

Job 1:8

‘B'a paga tinu riba mi sirbidó Job?’ SEÑOR a puntra. ‘No tin niun hende manera e na mundu. E ta honesto i di kondukta ireprochabel, e tin rèspèt di Mi i ta evitá di hasi maldat.’

Job 1:1

Den teritorio di Us, banda di Israel, tabata biba un hòmber honesto i di kondukta ireprochabel. E tabatin rèspèt di Dios i tabata evitá di hasi maldat. Su nòmber tabata Job.

2 Reinan 20:3

‘Ai SEÑOR, kòrda ku mi a sirbi Bo fielmente i di henter mi kurason i ku mi a hasi loke ta bon den bo bista.’ Despues el a grita yora.

Proverbionan 13:6

Hustisia ta tene hende rekto riba bon kaminda, piká ta pone pekadó bai pèrdí.

2 Samuel 22:22

pasobra mi a sigui SEÑOR su kamindanan i mi no a peka bira lomba pa mi Dios.

Proverbionan 29:18

Kaminda profeta n' ta haña revelashon, e pueblo ta bira pa su kuenta, felis e pueblo ku ta kumpli ku lei di Dios!