Salmo 113:5 - Papiamentu Bible 2013

⁵ Ken ta manera SEÑOR nos Dios, ku ta biba aya den altura;

Beibel na Papiamentu Koriente 2013

⁵ Ken ta manera SEÑOR nos Dios, ku ta biba aya den altura;

Salmo 113:5 Referans Kwoze

Salmo 89:6

Ken ta manera Dios den firmamentu di shelu, ken ta parse SEÑOR den tur ser selestial?

Yeremías 10:6

SEÑOR, no tin manera Bo, Bo ta grandi, mes grandi tambe fama di bo poder ta.

Isaías 40:25

‘Ta ku ken boso ke kompará Mi antó,’ Dios Santu ta bisa, ‘ken ta mi pareu?’

Deuteronomio 33:26

Yeshurun, no tin ningun hende manera Dios, ku ta kore mahestuosamente riba e nubianan di shelu, kla pa bin yuda bo.

Éksodo 15:11

Kua di e diosnan ta manera Abo, SEÑOR? Ken ta santu i impreshonante manera Bo? Bo meresé rèspèt i fama, pasobra Bo ta hasi milager.

Salmo 89:8

O SEÑOR, Dios di universo, ken ta manera Bo, tan poderoso, SEÑOR, Abo bistí ku fieldat!

Isaías 40:18

Ku ken boso ke kompará Dios antó, ku kua imágen boso ke represent'É?

Salmo 35:10

Di henter mi alma lo mi bisa: ‘SEÑOR, ken ta manera Bo? Abo ku ta libra un hende débil di unu mas fuerte kuné, un hende den mesté i un pober di esnan ku ta eksplotá nan.’

Isaías 16:5

un trono lo ta lantá riba fundeshi di solidaridat. Unu for di desendensia di David lo sinta riba dje, unu ku ta fiel, unu ku na ora di husga ta rekonosé derecho i ta boga pa hustisia.

Salmo 103:19

SEÑOR a pone su trono den shelu, E ta rei riba tur tur kos.

Salmo 11:4

Ma SEÑOR ta den su tèmpel sagrado, E ku tin su trono den shelu; su wowonan ta wak ku atenshon, su mirada ta listra yu di hende.

Salmo 89:7

Dios, respetá den konseho di santunan, sumamente temibel pa tur ku ta biba rònt di djE.

Salmo 89:9

Bo ta dominá soberbia di laman, si su olanan subi Bo ta plakia nan.

Isaías 57:15

Wèl, ata loke Dios altu i elevá ta bisa, e Dios ku tin nòmber santu i ta biba pa semper: ‘Mi ta biba den shelu, den santidat inalkansabel, pero tambe huntu ku esnan abatí i di kurason humilde. Mi ta duna nan speransa i kurashi di nobo!