Salmo 11:4 - Papiamentu Bible 2013

⁴ Ma SEÑOR ta den su tèmpel sagrado, E ku tin su trono den shelu; su wowonan ta wak ku atenshon, su mirada ta listra yu di hende.

Beibel na Papiamentu Koriente 2013

⁴ Ma SEÑOR ta den su tèmpel sagrado, E ku tin su trono den shelu; su wowonan ta wak ku atenshon, su mirada ta listra yu di hende.

Salmo 11:4 Referans Kwoze

Salmo 103:19

SEÑOR a pone su trono den shelu, E ta rei riba tur tur kos.

Salmo 18:6

Den mi ansha mi a sklama na SEÑOR, sí, mi a grita duru na mi Dios. El a skucha mi stèm fo'i su palasio selestial, mi gritu di ousilio a yega na su orea.

Salmo 2:4

Riba su trono den shelu Dios ta hari, sí, Señor ta hasi mofa di nan!

Habakuk 2:20

Pero SEÑOR ta biba den su tèmpel sagrado; mihó tur hende keda ketu den su presensia.’

Isaías 66:1

SEÑOR ta bisa: ‘Shelu ta mi trono, tera mi bank'i pone pia ariba. Ki kas boso ke traha pa Mi antó? Ki lugá boso ke skohe pa Mi biba?

Yeremías 23:24

Si un hende bai skonde, Mi no ta mir'é?’, SEÑOR ta puntra. ‘Mi ta yena shelu i tera ku mi presensia. Boso no sa esei?’, SEÑOR ta puntra.

Salmo 33:13

SEÑOR ta mira abou for di shelu, ta fiha bista riba kada yu di hende.

Revelashon 4:2

Mesora Spiritu di Dios a poderá di mi. Mi a mira ku tabatin un trono den shelu i ku riba e trono tabatin un hende sintá.

Hebreonan 4:13

Pa Dios niun kriatura no ta skondí. Dios ta mira tur kos manera nan ta den realidat. T'E nos mester duna kuenta.

2 Tesalonisensenan 2:4

E hòmber ei ta esun ku ta lanta kontra tur loke ta karga nòmber di Dios i ta digno di adorashon, i ta alsa su mes riba nan. E ta yega asina leu ku e ta bai sinta den tèmpel di Dios i proklamá públikamente ku t'é mes ta Dios!

Mateo 23:21

Es ku hura pa tèmpel, ta hura pa tèmpel i tambe pa Dios ku ta biba eiden.

Mateo 5:34

Ma Ami ta bisa boso: No hura mes pa ningun motibu. Ni pa shelu, pasobra shelu ta trono di Dios;

Salmo 66:7

Ku su poder E ta manda eternamente, su mirada ta peilu nashonnan. Rebeldenan, no lanta kontra djE.

2 Krónikanan 16:9

SEÑOR su bista ta kontinuamente riba henter mundu pa yuda ku gran poder tur hende ku ta dediká nan mes di kurason i alma n'E. Tabata un lokura di bo di a pidi Aram sosten. Djawe padilanti lo bo biba kontinuamente den guera.’

1 Krónikanan 17:5

pasobra fo'i dia ku Mi a saka e israelitanan for di Egipto te awor akí Mi no a biba den un kas. Semper ta den tènt so Mi a biba i Mi tabata biaha di un lugá pa otro.

Echonan 7:49

“Shelu ta mi trono, Señor ta bisa, tera mi bank'i pone pia ariba. Ki tipo di kas boso por traha pa Mi? Ki lugá boso ke skohe pa Mi biba?

Proverbionan 15:3

Bista di SEÑOR ta tur kaminda vigilando bon hende i hende ku ta hasi maldat.

Zakarías 2:13

Tur loke tin rosea, keda ketu den presensia di SEÑOR! Pasobra E ta bai sali for di su kas sagrado.

Yeremías 17:10

Ami, SEÑOR, ta sondia kurason di hende, ta investigá i mira kiko tin den su paden. Mi ta duna tur hende loke nan meresé segun nan aktonan.

Salmo 44:21

akaso Dios lo no a ripará esei? E no sa sekretonan skondí den kurason?

Salmo 9:11

Kanta salmo pa SEÑOR ku ta biba na Sion, proklamá bou di pueblonan su obranan grandi.

Mikéas 1:2

Tur pueblo, habri orea, tur loke tin rosea, paga tinu! SEÑOR Dios ta lanta testimonio kontra boso for di su tèmpel santu den shelu.

Job 24:23

Podisé E ta laga nan ketu den nan kreensia ku nan ta seif, pero su bista ta sigui kada paso ku nan dal.

Salmo 14:2

SEÑOR ta mira abou for di shelu riba yunan di hende, pa weta si tin ún ku ta sensato i ku ta buska Dios.

Salmo 113:5

Ken ta manera SEÑOR nos Dios, ku ta biba aya den altura;

Salmo 139:23

Dios, saminá mi i konosé mi kurason, purba mi pa Bo sa mi pensamentunan.