Salmo 107:22 - Papiamentu Bible 2013

²² GradisiÉ, ofresiendo sakrifisionan i konta yen di entusiasmo di su obranan.

Beibel na Papiamentu Koriente 2013

²² GradisiÉ, ofresiendo sakrifisionan i konta yen di entusiasmo di su obranan.

Salmo 107:22 Referans Kwoze

Salmo 50:14

Laga alabansa ta bo ofrenda na Dios. Si bo a hasi un promesa na Altísimo, mira pa bo kumpli kuné.

Salmo 118:17

Lo mi no muri, nò, lo mi biba i lo mi konta di SEÑOR su hazañanan.

Salmo 9:11

Kanta salmo pa SEÑOR ku ta biba na Sion, proklamá bou di pueblonan su obranan grandi.

Hebreonan 13:15

Ban ofresé Dios pa medio di Hesus kontinuamente un sakrifisio di alabansa, esta e ofrenda ku nos lepnan ta ofres'É ora nos ta alabá su nòmber.

Salmo 116:17

Pa gradisí Bo, lo mi hasi un sakrifisio i invoká SEÑOR su nòmber.

Salmo 73:28

Pa loke ta toka ami mihó mi keda serka Dios; serka SEÑOR Dios mi tin mi refugio. Laga mi proklamá tur bo obranan!

Levítiko 7:12

Si e sakrifisio di pas akí ta pa gradisí SEÑOR, e hende mester ofresé huntu ku e bestia arepa sin is; por ta arepa diki prepará ku zeta òf arepa plat huntá ku zeta òf arepa trahá di hariña fini mesklá ku zeta.

1 Pedro 2:5

Asina Dios lo usa boso manera piedra bibu den konstrukshon di e kas spiritual i boso lo ta saserdote santu ku ta ofresé sakrifisio spiritual ku ta agradá Dios pa medio di Hesu-Kristu.

Isaías 12:4

Ora e tempu ei yega boso lo bisa: ‘Ban gradisí SEÑOR, ban proklamá ta ken E ta; laga tur pueblo konosé su obranan, anunsiá ku su nòmber ta elevá riba tur sobrá.

Salmo 116:12

Kon lo mi por paga SEÑOR tur bondat k'El a hasi mi!

1 Pedro 2:9

Pero boso ta un pueblo skohí, saserdote real, un nashon konsagrá na Dios, propiedat di Dios mes, skohí pa proklamá e obranan magnífiko di Dios ku a yama boso pa sali for di skuridat i drenta den su lus maravioso.

Salmo 9:15

Paganonan a hoga den e pos ku nan a koba, nan pia a pega den trampa ku nan mes a pone.

Salmo 27:6

Asina mi por mira abou riba mi rivalnan tur rònt i ku gritu di alegria ofresé sakrifisionan n'E den su tèmpel, lo mi toka i kanta pa SEÑOR.